ယူရိုပါလိဂ်တွင် ကစားခြင်းက အသင်းတိုးတက်မှုကို အထောက်အကူဖြစ်စေသည်ဟု အဲဗာတန်နည်းပြဆို

ဒီဇင်ဘာ ၁၃၊ ၂၀၁၄
M-Media

– ပရီးမီးယားလိဂ်တွင် အားကုန်ထုတ်နေရသည့် မိမိတို့အသင်း ယူရိုပါလိဂ်တွင် ၀င်ရောက်ကစားခွင့်ရခြင်းမှာ အသင်း၏ တိုးတက်မှုအတွက် အထောက်အပံ့ ဖြစ်စေသည်ဟု အဲဗာတန်နည်းပြ မာတီနက်ဇ်က ပြောကြားလိုက်သည်။

ယမန်နေ့က ကစားခဲ့သည့် ယူရိုပါလိဂ် အုပ်စု ပွဲစဉ်တွင် မာတီနက်ဇ်မှာ အသင်းအား ၁၀ နေရာအထိ အပြောင်းအလဲလုပ်ခဲ့ပြီး လူငယ် ၄ ဦးအထိ ထည့်သွင်း ကစားခဲ့သည်။ ထိုပွဲတွင် ၁ ဂိုး ဂိုးမရှိဖြင့် ရှုံးနိမ့်ခဲ့သော်လည်း အဲဗာတန်မှာ အုပ်စု H တွင် အုပ်စုပထမဖြင့် ဦးဆောင်နေသည်။

`ပြီးခဲ့တဲ့နှစ်က ကျွန်တော်တို့ဟာ တော်တော်လေး ကြိုးကြိုးစားစား အလုပ်လုပ်ခဲ့ရပါတယ်။ ကျွန်တော်တို့အတွက် အဆင့် ၅ နေရာနဲ့ အဆုံးသတ်ဖို့၊ ပြီးတော့ အဆင့် ၄ နေရာကို စိန်ခေါ်ဖို့ အလုပ်တွေအများကြီး လုပ်ခဲ့ရပြီး ယူရိုပါလိဂ်မှာ ပါဝင်ကစားခွင့်ရတာဟာ တကယ့်ကို အောင်မြင်မှုပါပဲ´ ဟု မာတီနက်ဇ်က ပြောကြားခဲ့သည်။

ုထို့ပြင် အသင်း၏ စွမ်းဆောင်မှုနှင့် ပတ်သက်၍လည်း မာတီနက်ဇ်က ချီးကျူးခဲ့ပြီး အသင်းမှာ ဆက်လက်တိုးတက်နိုင်ကာ ပြိုင်ပွဲတွင်လည်း ပိုကောင်းသည့် အဆင့်ကို ရရှိလိမ့်မည်ဟု ထည့်သွင်းပြောကြားခဲ့သည်။

အဲဗာတန်မှာ လာမည့် တနင်္လာနေ့တွင် ကျူပီအာရ်အသင်းအား အိမ်ကွင်း၌ ဧည့်ခံကစားရမည်ဖြစ်သည်။