မြန်မာနိုင်ငံရှိ ကမ်းလွန်ရေနံ လုပ်ကွက် နှစ်ခု လုပ်ကိုင်ရန် အိန္ဒိယရေနံ ကုမ္ပဏီ စာချုပ်ချုပ်

ဒီဇင်ဘာ ၁၄ ၊ ၂၀၁၄
M-Media

– အိန္ဒိယ၏ ဒုတိယ အကြီးဆုံး ရေနံကုမ္ပဏီဖြစ်သည့် Oil India မှာ မြန်မာနိုင်ငံရှိ ကမ်းလွန် ရေနံနှင့် သဘာဝ ဓာတ်ငွေ့လုပ်ကွက်နှစ်ခု လုပ်ကိုင်ရန် လက်မှတ်ရေးထိုးခဲ့သည်ဟု သိရသည်။

Oil India ဦးဆောင်သည့် အကျိုးတူအဖွဲ့မှာ မုတ္တမြစ်ဝှမ်းတွင်ရှိသည့် ၄၀၀၈ စကွဲယားမိုင်ကျယ်ဝန်းသော M4 လုပ်ကွက်နှင့် တနင်္သာရီ ကမ်းရိုးတန်းရှိ ၈၂၃၃ စကွဲယား မိုင်ကျယ်ဝန်းသော YEB လုပ်ကွက်နှစ်ခုအတွက် မြန်မာ့ ရေနံနှင့် သဘာဝဓာတ်ငွေ့လုပ်ငန်း MOG နှင့် နေပြည်တော်တွင် လက်မှတ်ရေးထိုးခဲ့ခြင်းဖြစ်သည်ဟု အဆိုပါ ကုမ္ပဏီမှ ယနေ့တွင်ထုတ်ပြန်သော ကြေညာချက်၌ ဖော်ပြထားသည်။

၂၀၁၃ ခုနှစ်က မြန်မာအစိုးရ၏ ရေနံနှင့် သဘာဝဓာတ်ငွေ့ လုပ်ကွက် ၃၀ အတွက် တင်ဒါခေါ်ယူမှုတွင် Oil India က လုပ်ကွက်သုံးခု တင်ဒါလျှောက်ခဲ့ရာမှ အဆိုပါ လုပ်ကွက် ၂ ကို တင်ဒါအောင်မြင်ခဲ့ခြင်းဖြစ်သည်။

အဆိုပါ လုပ်ကွက်မှ ထုတ်လုပ်မှု၏ ၆၀ ရာခိုင်နှုန်းကို Oil India ကုမ္ပဏီက ရရှိမည်ဖြစ်ပြီး၊ ၎င်း၏ မိတ်ဖက်ကုမ္ပဏီဖြစ်သော Mercator Petroleum Ltd ကုမ္ပဏီနှင့် Oilmax Energy Pvt Ltd ကုမ္ပဏီတို့က ၂၅ ရာခိုင်နှုန်းနှင့် ၁၀ ရာခိုင်နှုန်း အသီးသီးရရှိမည်ဖြစ်ကာ ပြည်တွင်း ကုမ္ပဏီတစ်ခုဖြစ်သည့် Oil Star Management Services ကုမ္ပဏီလီမိတက်မှ ၅ ရာခိုင်နှုန်း ရရှိမည်ဖြစ်သည်။

PTI