ဘိန်းစိုက်ပျိုးမှု ၃ ဆ တိုးလာတဲ့ ရွှေတြိဂံဒေသ

ဒီဇင်ဘာ ၁၈ ၊၂၀၁၄
M-Media

– ဘိန်းဖြူထွက်ရာဒေသဖြစ်သည့် အရှေ့တောင်အာရှမှ မြန်မာ၊ လာအို၊ ထိုင်းနိုင်ငံတို့ သုံးခုဆုံရာ `ရွှေတြိဂံဒေသ´ တွင် ဘိန်းစိုက်ပျိုးမှုမှာ ၂၀၀၆ ခုနှစ်မှစ၍ ၃ ဆ တိုးလာသည်ဟု ကုလသမဂ္ဂ၏ အစီရင်ခံစာသစ်တွင် ဖော်ပြထားသည်။

မူးယစ်ဆေးဝါးနှင့် ရာဇ၀တ်မှုဆိုင်ရာ ကုလသမဂ္ဂရုံး UNODC က နှစ်စဉ်ပြုလုပ်မြဲဖြစ်သော အရှေ့တောင်အာရှ ဘိန်းစိုက်ပျိုးမှု ဆန်းစစ်လေ့လာရေးမှ တွေ့ရှိချက်များကို ဒီဇင်ဘာ ၈ ရက် တနင်္လာနေ့က ထုတ်ပြန်ခဲ့ရာ မြန်မာနိုင်ငံနှင့် လာအိုနိုင်ငံအတွင်း ဘိန်းစိုက်ပျိုးမှုဧရိယာမှာ ၂၀၀၆ ခုနှစ်က ၂၁၆၀၀ ဟက်တာ ရှိခဲ့ရာမှ ၂၀၁၄ ခုနှစ်တွင် ၆၃၈၀၀ ဟက်တာရှိနေသည်ဟု ဖော်ပြထားသည်။ ထိုပမာဏမှာ ဘောလုံးကွင်းပေါင်း ၉၀၀၀၀ ၏ အကျယ်အ၀န်းနှင့် ညီမျှ၏။

နောက်ဆုံးရရှိသည့် အဆိုပါ အချက်အလက်အရ အရှေ့တောင်အာရှ ဘိန်းစိုက်ပျိုးမှုမှာ ၈ နှစ်ဆက်တိုက် မြင့်တက်နေခြင်းဖြစ်ပြီး တစ်နှစ်ဝင်ငွေ ကန်ဒေါ်လာ ၁၆ ဘီလီယံရသည့် လုပ်ငန်းတစ်ခု ဖြစ်လာနေပေသည်။

အာဖဂန်နစ္စတန်ပြီးနောက် ကမ္ဘာ့ဒုတိယအကြီးဆုံး ဘိန်းစိုက်ပျိုးသည့် နိုင်ငံဖြစ်သော မြန်မာနိုင်ငံမှာ လာအိုနှင့်အတူ ယခုနှစ်တွင် ဘိန်းစိမ်း ၇၆၃ တန်ကိုထုတ်လုပ်ခဲ့သည်။ ထိုအထဲမှ အများစုကို ဓာတုပစ္စည်းများဖြင့် သန့်စင်ပြီးနောက် အကြမ်းဖျင်းရရှိမည့် ဘိန်းဖြူအရော ၇၆ တန်ကို ဘိန်းဖြူသုံးစွဲမှုမြင့်တက်လာသည့် ကမ္ဘာဈေးကွက်နှင့် ဒေသတွင်းဈေးကွက်သို့ မှောင်ခို ဖြန့်ဖြူးခဲ့၏။

`သူတို့ (မြန်မာနဲ့ လာအိုတို့) ဟာ သူတို့တိုင်းပြည်ရဲ့ ဘိန်းဖြူစီးဆင်းမှု အ၀င်အထွက်ကို ပိုကောင်းအောင်လုပ်ရပါတယ်။ နယ်စပ်မှာ ချစားမှုတွေရှိနေပြီး ဒါက ကျွန်တော်တို့ရဲ့ ကြီးမားတဲ့ စိုးရိမ်မှုပါပဲ´ ဟု UNODC မှ အရှေ့တောင်အာရှနှင့် ပစိဖိတ်ဆိုင်ရာ ကိုယ်စားလှယ် ဂျယ်ရမီ ဒေါက်ဂလက်စ်က ဆိုသည်။ ထို့ပြင် ထိုကဲ့သို့ ဘိန်းကုန်ကူးမှုက အာဆီယံ၏ စီးပွားရေး အသိုက်အ၀န်း ဖွံ့ဖြိုးတိုးတက်မှုကို ခြိမ်းခြောက်သည်ဟုလည်း ၎င်းက ထည့်သွင်းပြောကြားခဲ့သည်။

မြန်မာနိုင်ငံမှ သတင်းအချက်အလက်ဝန်ကြီးဌာနနှင့် ပြည်ထဲရေးဝန်ကြီးဌာန မူးယစ်ဆေးဝါး သုံးစွဲမှုထိန်းချုပ်ရေး ဗဟိုကော်မတီက ထိုကိစ္စအတွက် မှတ်ချက်ပေးရန် မေတ္တာရပ်ခံမှုကို ပြန်လည် ဖြေကြားခြင်း မပြုခဲ့။

အဆိုပါ ပြဿနာအား အမြတ်ပြတ်ဖြေရှင်းမည်ဟု မြန်မာနိုင်ငံမှ ပြုပြင်ပြောင်းလဲရေးအစိုးရက ကတိပြုထားသော်လည်း ယခုကဲ့သို တိုး၍သာနေ၏။

ဘိန်းစိုက်ပျိုးရန် အသုံးပြုသည့် ဧရိယာများထဲမှ ၈၀ ရာခိုင်းနှုန်း သို့မဟုတ် ၅၁၄၀၀ ဟက်တာမှာ နှစ်ပေါင်း ၅၀ ကျော် ကမ္ဘာ့အရှည်လျားဆုံး ပြည်တွင်း စစ်ပွဲ ဖြစ်ပွားရာ မြန်မာနိုင်ငံမှ ရှမ်းပြည်နယ်တွင် ရှိနေသည်။

လာအိုမြောက်ပိုင်းတွင်တော့ ဘိန်းစိုက်ဧရိယာမှ ၉.၇၂ ရာခိုင်နှုန်းသာရှိသည်။

တရုတ်နိုင်ငံ၏ အန္တရာယ်

တောင်တန်းများထူထပ်ရာ ရှမ်းပြည်နယ်ရှိ အဆိုပါပြဿနာကို ဖြေရှင်းရန် အားထုတ်မှုအဖြစ် ၁၅ နှစ်တာ ကာလအတွင်း ဘိန်းစိုက်ပျိုးမှုအားလုံးကို ရှင်းပစ်မည်ဟု မြန်မာ အစိုးရက ၁၉၉၉ ခုနှစ်တွင် ကတိပြုခဲ့သည်။ ရလဒ်အားဖြင့် ၁၉၉၈ ခုနှစ်မှ ၂၀၀၆ ခုနှစ်အထိ ဘိန်းစိုက်ပျိုးမှု ၈၆ ရာခိုင်နှုန်း လျော့ကျသွား၏။

သို့သော်လည်း ထိုအချိန်မှစ၍ ဒေသတွင်း ဘိန်းပင်နှင့် ဘိန်းဖြူအတွက် ၀ယ်လိုအား တိုးလာမှုက ဘိန်းစိုက်ပျိုးမှုကို ပြန်လည်ဖြစ်ထွန်းလာစေခဲ့သည်။ များသောအားဖြင့် ဒေသတွင်း နိုင်ငံများ၌ ချိတ်ဆက်ထားသည့် ရာဇ၀တ်ဂိုဏ်းများက အစိုးရနှင့် သူပုန်များ တိုက်ပွဲများဖြစ်ပွားနေသည့် အစိတ်အပိုင်းများ၌ စိုက်ပျိုးခြင်းဖြစ်သည်။

ဘိန်းထုတ်လုပ်မှု မြင့်တက်လာခြင်းနှင့်အတူ မြန်မာအစိုးရက ၂၀၁၃-၁၄ ဘိန်းစိုက်ရာသီတွင် ဘိန်းစိုက်ခင်း ၁၅၁၈၈ ဟက်တာကို ဖျက်ဆီးခဲ့ပြီး ဘိန်းစိုက်ပျိုးမှု တိုက်ဖျက်ရေး အားထုတ်မှုကို တိုးမြှင့်ခဲ့သည်။ ဖျက်ဆီးခဲ့သည့် ထိုပမာဏမှာ ပြီးခဲ့သည့်နှစ်ကမှ တိုးလာသည့် ၁၉ ရာခိုင်နှုန်းဖြစ်သည်ဟု အစိုးရ အချက်အလက်များက ဖော်ပြခဲ့သည်။

နိုင်ငံ၏ နယ်စပ်ကို စောင့်ကြပ်ရန် လုပ်နိုင်စွမ်းမှာ မြန်မာအစိုးရတွင် နည်းပါး၏။ ထို့ကြောင့် နယ်စပ်တွင် လူကုန်ကူးမှု၊ မူးယစ်ဆေးမှအစ အဖိုးတန်ကျောက်များအဆုံး အုံလိုက်ကျင်းလိုက် တရားမ၀င် ကုန်သွယ်မှုများ ဖြစ်လာခဲ့ပြီး ချစားမှုအများဆုံးမှာ တရုတ်နိုင်ငံနှင့် ထိပ်စပ်နေသော နယ်စပ်တွင် ဖြစ်လေ၏။

`ပြဿနာက အရင်ကထပ် ပိုကြီးလာပါတယ်။ ဘာ့ကြောင့်လည်းဆိုတော့ အဲဒီဒေသမှာ ဥပဒေစိုးမိုးမှု မရှိလို့ပါ´ ဟု မြန်မာနိုင်ငံ၏ အဓိက အတိုက်အခံပါတီ အမျိုးသား ဒီမိုကရေစီအဖွဲ့ချုပ်မှ ပြောရေးဆိုခွင့်ရှိသူ ဦးဥာဏ်ဝင်းက ဆို၏။ ထို့ပြင် ဘိန်းကုန်ကူးမှု ရပ်တန့်ရေးမှာ နိုင်ငံတစ်ဝှမ်း အပစ်ရပ်ရေးအပေါ်တွင် မှီတည်လိမ့်မည်ဟုလည်း ၎င်းက ထည့်သွင်းပြောကြားခဲ့သည်။

`တကယ်လို့ မြန်မာနိုင်ငံမှာ ငြိမ်းချမ်းရေးမရှိလို့ကတော့ ဒီပြဿနာက ပိုဆိုးမှာပါ´

မူးယစ်ဆေးဝါးများ အလွယ်တကူဝင်ရောက်ခြင်းနှင့်အတူ ကမ္ဘာ့အကြီးဆုံး တစ်ခုတည်းသောဈေးကွက် တရုတ်နိုင်ငံတွင် ဘိန်းဖြူသုံးစွဲသူအရေအတွက်မှာ ၂၀၀၇ ခုနှစ်မှ ၂၀၁၃ ခုနှစ်အထိ သန်းဝက်ခန့် တိုးလာပြီး စုစုပေါင်း ၁.၃ သန်းအထိ ရှိလာပြီဟု UNODC ၏ အစီရင်ခံစာတွင် ဖော်ပြထားသည်။

၂၀၁၄ ခုနှစ်တွင် အာရှတစ်ဝှမ်း ဘိန်းပါသောဆေးဝါး သုံးစွဲသူ ၃.၃၃ သန်းတွင် တရုတ်နိုင်ငံမှ သုံးစွဲသူမှာ ၅၈ ရာခိုင်နှုန်း ရှိနေ၏။ မြန်မာနိုင်ငံကတော့ အရှေ့တောင်အာရှတွင် ဘိန်းပါသောဆေးဝါးများ သုံးစွဲမှု အမြင့်မားဆုံး နိုင်ငံဖြစ်သည်။ အစီရင်ခံစာတွင် ပါဝင်သည့် ကနဦး အကဲဖြတ်မှုအရ ရှမ်းပြည်နယ်နှင့် ကယားပြည်နယ်များတွင် ဘိန်းဖြူနှင့် စိတ်ကြွဆေးဝါး သုံးစွဲမှုမှာ ၂၀၁၂ ခုနှစ်မှစ၍ ၃ ဆခန့်တိုးလာသည်ဟူ၏။

ref_ Al Jazeera