ဆင်ဂျာတောင်တွင် ၀ိုင်းထားသော IS တပ်များကို တိုက်ထုတ်ကာ ယာဇီဒီ လူမျိုးများကို ကာဒ့်တပ်များ ကယ်တင်

ဒီဇင်ဘာ ၁၉ ၊ ၂၀၁၄
M-Media

– အီရတ်နှင့် ဆီးရီးယားနယ်စပ်အနီး ဆင်ဂျာတောင် ပတ်ဝန်းကျင်ရှိ ရာပေါင်းများစွာသော ယာဇီဒီလူမျိုးများအား IS တပ်များက ၀န်းရံပိတ်ဆိုမှုကို ကာ့ဒ်တပ်ဖွဲ့ဖြစ်သော Peshmerga တပ်က ဇြိုခွဲနိုင်ခဲ့သည်ဟု သိရသည်။

`Peshmerga တပ်တွေက ဆင်ဂျာတောင်ကို ရောက်ခဲ့ပါတယ်။ ပိတ်ဆို့ထားမှုကိုလည်း ဖယ်ရှားနိုင်ခဲ့ပါတယ်´ ဟု ကာ့ဒ်ဒေသ လုံခြုံရေးအကြီးအကဲ မက်စ်ရိုအာ ဘာဇနီက စစ်ဆင်ရေး ပြုလုပ်နေစဉ် ယမန်နေ့က ပြောကြားခဲ့သည်။

ကာဒ့်တပ်များမှာ ဆင်ဂျာတောင်ရှိ IS တပ်များအား ဗုဒ္ဓဟူးနေ့မှ စတင်ကာ ထိုးစစ်ဆင်ခဲ့ခြင်းဖြစ်ပြီး ထိုထိုက်ခိုက်မှုတွင် အမေရိကန် ဦးဆောင်သည့် မဟာမိတ်များကလည်း လေကြောင်းမှ ပစ်ကူပေးခဲ့ကာ ယာဇီဒီလူမျိုးများမှာ လွတ်မြောက်ခဲ့ပြီဖြစ်သည်။

`တောင်ပေါ်မှာ ပိတ်မိနေတဲ့ ယာဇီဒီ လူမျိုးတွေ အားလုံး အခု လွတ်မြောက်သွားပါပြီ´ ဟု ဘာဇနီကဆိုခဲ့ပြီး မိမိတို့တပ်များမှာ ၎င်းတို့အား ဘေးလွတ်ရာသို့ ပြောင်းရွှေ့ မပေးရသေးကြောင်း၊ ထိုတိုက်ပွဲတွင် IS တိုက်ခိုက်ရေးသမား ၁၀၀ ခန့်ကို သုတ်သင်နိုင်ခဲ့ကြောင်း ထည့်သွင်းပြောကြားခဲ့သည်။

အဆိုပါဆင်ဂျာဒေသကို IS တပ်များက ပြီးခဲ့သည့် သြဂုတ်လမှ စတင်ကာ ၀န်းရံ ပိတ်ဆို့ထားခဲ့ခြင်းဖြစ်သည်။

အစ္စလာမ် ဘာသာဝင်များဖြစ်သည့် ကာ့ဒ်တပ်ဖွဲ့များမှာ ၎င်းတို့၏ နယ်မြေအတွင်း IS အဖွဲ့အား ခုခံတိုက်ခိုက်နေကြသူများဖြစ်ပြီး လူနည်းစုများဖြစ်သည့် ခရစ်ယာန်များ၊ ယာဇီဒီ လူမျိုးများကို ကာကွယ်စောင့်ရှောက်ပေးလျက် ရှိနေသည်။

Al Jazeera and agencies