ဆိုနီအား ဆိုက်ဘာ တိုက်ခိုက်မှု မြောက်ကိုရီးယားကို ပြန်လက်စားချေမည်ဟု အိုဘားမားဆို

ဒီဇင်ဘာ ၂၀ ၊ ၂၀၁၄
M-Media

– ဆိုနီကုမ္ပဏီအား ဆိုက်ဘာတိုက်ခိုက်မှုအတွက် ပြန်လည်လက်စားချေသွားမည်ဟု အမေရိကန်သမ္မတ ဘာရက်အိုဘားမားက ပြောကြားလိုက်သည်။

မြောက်ကိုရီးယားခေါင်းဆောင် ကင်ဂျုံအန်အား လုပ်ကြံသည့်ပုံစံ ရိုက်ကူးထားသည့် ဟာသရုပ်ရှင် The Interview အတွက် မကျေနပ်၍ မြောက်ကိုရီးယား ဟက်ကာအဖွဲ့ တစ်ခုမှ ပြုလုပ်သော အဆိုပါ တိုက်ခိုက်မှုတွင် မြောက်ကိုရီယားအစိုးရ ပါဝင်သည်ဟု FBI က စောစာပိုင်းကပြောကြားထားသည်။

`ကျွန်တော်တို့ တုံ့ပြန်သွားမှာပါ။ အချို့နေရာက အချို့အာဏာရှင်တွေ ဆင်ဆာပိတ်လို့ရတယ်ဆိုတဲ့ လူ့အဖွဲ့အစည်းမျိုး အမေရိကန်မှာ အဖြစ်မခံပါဘူး´ ဟု ဒီဇင်ဘာ ၁၉ ရက်နေ့က ပြုလုပ်ခဲ့သော နှစ်ကုန် သတင်းစာရှင်လင်းပွဲတွင် အိုဘားမားက ပြောကြားခဲ့သည်။

ထို့ပြင် ဆိုနီကုမ္ပဏီအနေဖြင့် အဆိုပါ ရုပ်ရှင်ပြသမှုကို ရပ်ဆိုင်းလိုက်ခြင်းမှာ အမှားပြုလုပ်ခြင်းဖြစ်ကြောင်း၊ ထိုကုမ္ပဏီအနေဖြင့် ထိခိုက်မှုများရှိခဲ့ပြီး ၀န်ထမ်းများမှာလည်း ခြိမ်းခြောက်မှုများ ခံခဲ့ရသည့် အတွက် မိမိတို့မှ စာနာနားလည်ပါကြောင်း အိုဘားမားက ထည့်သွင်းပြောကြားခဲ့သည်။

အဆိုပါ ဆိုက်ဘာတိုက်ခိုက်မှုတွင် ဆိုနီကုမ္ပဏီ၏ အရေးပါအသောအချက်အလက်များ အပြင်သို့ပေါက်ကြားခဲ့သည်။

The Interview ရုပ်ရှင်ကို ခရစ္စမတ်နေ့တွင် ရုံတင်ပြသရန် စီစဉ်ထားသော်လည်း အချို့သောရုံများက ပြသရန် လက်မခံခြင်းနှင့် မြောက်ကိုရီးယား ဟက်ကာအဖွဲ့က ရုံများကို တိုက်ခိုက်မည်ဟု ခြိမ်းခြောက်မှုများ ရှိနေသောကြောင့် ရပ်ဆိုင်းခဲ့သည်။

Al Jazeera and agencies