IS တပ်ဖွဲ့များကို တွန်းလှန်နေသည့် ကာ့ဒ်တပ်ဖွဲ့များ မူဆိုးလ်မြို့သို့ ချီတက်

ဒီဇင်ဘာ ၂၂၊ ၂၀၁၄
M-Media

– အီရတ်နိုင်ငံတွင် IS တပ်များကို ခုခံတိုက်ခိုက်နေသည့် ကာ့ဒ်တပ်ဖွဲ့များမှာ အောင်မြင်မှုများ ရရှိနေပြီး လက်ရှိအချိန်တွင် IS အမာခံဌာနချုပ်ဖြစ်သည့် မူဆိုးလ်မြို့သို့ ဆက်လက် ချီတက်နေသည်ဟု သိရသည်။

Peshmerga ဟုခေါ်သည့် အဆိုပါ ကာ့ဒ်တပ်ဖွဲ့ဝင်များမှာ IS တပ်များ သြဂုတ်လကတည်းက ပိတ်ဆို့ဝန်းရံထားသော ဆင်ဂျာမြို့ရှိ ယာဇီဒီလူမျိုးများကို စနေနေ့က ကယ်တင်နိုင်ခဲ့ပြီး တနင်္ဂနွေနေ့တွင် ဆင်ဂျာမြို့ တောင်ဘက်နှင့် အရှေ့ဘက်တို့ကို ဆက်လက် ထိုးစစ်ဆင်လျက် ရှိနေသည်။

ထိုချီတက်မှု အောင်မြင်ပါက IS အဖွဲ့၏ ၎င်းတို့ကိုယ်ပိုင် ကြေညာထားသည့် ခလီဖာနိုင်ငံတော် နယ်နိမိတ်မှာ ပြောင်းလဲသွားမည်ဖြစ်သည်။

ဘဂ္ဂဒတ်မြို့မြောက်ဘက် ဘီအစ်ဂျီမြို့အား IS အဖွဲ့က ပြန်လည်ထိန်းချုပ်နိုင်ခဲ့သည်ဟု သတင်းများ ထွက်ပေါ်လာပြီးနောက်ပိုင်း ကာ့ဒ်တပ်ဖွဲ့များက ထိုကဲ့သို့ ထိုးစစ်ဆင်ခဲ့ခြင်းဖြစ်ပြီး တနင်္ဂနွေနေ့တွင် ဘီအစ်ဂျီမြို့ ပတ်ဝန်းကျင်ရှိ မြို့ငယ်များကို သိမ်းပိုက်နိုင်ခဲ့သည်။

ဆီးရီးယားနယ်စပ် ကိုဘိန်းမြို့တွင်လည်း ဆီးရီးယားရှိ ကာဒ့်တပ်ဖွဲ့များက IS အဖွဲ့များကို ခုခံတိုက်ခိုက်နေပြီး ဆီးရီးယား-အီရတ် နယ်စပ်ရှိ ရွာပေါင်း ၇ ရွာကို တနင်္ဂနွေနေ့က သိမ်းပိုက်နိုင်ခဲ့သည်။ ထို့နောက် တောင်ဘက်ယွန်းယွန်းသို့ ဆက်လက် ချီတက်နေကာ အီရတ်ရှိ Peshmerga တပ်ဖွဲ့နှင့် ပူးပေါင်းသွားမည်ဖြစ်သည်။

Ref: Aljazeera and Agencies