ခန္ဓာကိုယ်အပြင်ဘက်နှင့် အတွင်းရှိ ကလီစာများတွင် တင်ဆင်ကာ ကျန်းမာရေး စောင့်ကြည့်နိုင်မည့် အာရုံခံကိရိယာကို ဂျပန်သိပ္ပံပညာရှင်များ တီထွင်

– လူခန္ဓာကိုယ်ရှိ အဆက်များ၊ နှလုံးနှင့် အခြား လှုပ်ရှားနေသော ခန္ဓာကိုယ်တစ်ရှုးများတွင် လွယ်ကူချောမွေ့စွာ တပ်ဆင်နိုင်ပြီး ၎င်းတို့၏ အလုပ်လုပ်ပုံကို စောင့်ကြည့်လေ့လာနိုင်သည့် သေးငယ်သောဆင်ဆာတစ်ခုကို ဂျပန်သိပ္ပံပညာရှင်များက တီထွင်နိုင်ခဲ့သည်ဟု သိရသည်။

`စတေကာတစ်ခုလို ခန္ဓာကိုယ်မှာ တပ်လိုက်ရုံနဲ့ ကျွန်တော်တို့ရဲ့ ဆင်ဆာလေးဟာ ဇီဝဆိုင်ရာ သတင်းအချက်အလက်တွေကို တိတိကျကျ သိရှိစေပါတယ်´ ဟု တိုကျိုတက္ကသိုလ် သုတေသနပညာရှင်များက ဒီဇင်ဘာ ၁၉ ရက်နေ့တွင် ထုတ်ပြန်သော ကြေညာချက်၌ ဖော်ပြထားသည်။

အဆိုပါဆင်ဆာ၏ အားသာချက်တစ်ခုမှာ ခန္ဓာကိုယ်ရှိ လှုပ်ရှားနေသော အစိတ်ပိုင်းများတွင် တပ်ဆင်ထားသော်လည်း ကွာကျမသွားနိုင်သည့် ကော်အမျိုးအစားကို သုံးထားခြင်းဖြစ်သည်ဟု တိုကျိုတက္ကသိုလ် လျှပ်စစ်အင်ဂျင်နီယာနှင့် သတင်းအချက်အလက်စနစ် ဌာနမှ ပါမောက္ခ
တာကာအို ဆိုမီယာက ထည့်သွင်းပြောကြားခဲ့သည်။

အဆိုပါ ဆင်ဆာကို တီထွင်နိုင်ခဲ့ခြင်းမှာ သတိမပြုမိနိုင်သည့် ဆင်ဆာများ ခန္ဓာကိုယ်အတွင်းသို့ ထည့်ကာ ကိုယ်အင်္ဂါအစိတ်အပိုင်းများ၏ လုပ်ဆောင်ချက်များကို ဆရာဝန်များက ပိုမို အနီးကပ် စောင့်ကြည့်လေ့လာနိုင်ခြေကို လမ်းဖွင့်ပေးခဲ့ခြင်းလည်း ဖြစ်သည်။

ခန္ဓာကိုယ်အစိတ်အပိုင်းများ စောင့်ကြည့်ရန် ယခုလက်ရှိတွင် တပ်ဆင်အသုံးပြုသည့် ဆင်ဆာများမှာ ဆီလီကွန် သို့မဟုတ် အခြားမာကျောသည့် ပစ္စည်းကိရိယာများကို အသုံးပြုထားပြီး ခန္ဓာကိုယ်အတွင်း တပ်ဆင်ပါကလည်း သက်တောင့်သက်သာမဖြစ်သည့် ပစ္စည်းများဖြစ်သည်။

ယခုထုပ်လုပ်လိုက်သော ဆင်ဆာမှာ ပါးလွှာသော ပလက်စတစ် မျက်မှာပြင်တွင်
တပ်ဆင်ထားခြင်းဖြစ်ပြီး၊ ငုံဆေးတစ်ခုထက် အနည်းငယ်ပိုကြီးသည့် ဧရိယာတွင် ဆင်ဆာပေါင်း ၁၄၄ ခု တပ်ဆင်နိုင်သည်။ ထိုကဲ့သို့ တပ်ဆင်နိုင်ခြင်းကြောင့် ၎င်းတို့၏ အချက်အလက် ဖတ်နိုင်သည့် စွမ်းအားမှာလည်း မြင့်မားသည်။

အဆိုပါ ဆင်ဆာပြားကို ကျန်းမာရေးစောင့်ရှောက်မှုနှင့် အားကစားသိပ္ပံဘက်တွင်ပါ အသုံးပြုနိုင်သည်။

`လက်ရှိမှာ တိရိစ္ဆာန်တွေကို စစ်ဆေးနေပေမယ့် ဒီလိုဆင်ဆာပြားလေးဟာ ကြွက်ရဲ့ နှလုံးလို အတွင်းပိုင်း တစ်ရှူးတွေမှာလည်း ကောင်းမွန်စွာ တွယ်ကပ်နိုင်ပါတယ်။ အနာဂတ်မှာတော့ ဒီနည်းပညာကို ခန္ဓာကိုယ်တွင်း အစားထိုးထားတဲ့ အီလက်ထရောနစ် စနစ်မှာ သုံးစွဲသွားမှာ
ဖြစ်ပါတယ်´ ဟု သုတေသနအဖွဲ့၏ အဆိုပါ အစီရင်ခံစာတွင် ထည့်သွင်းဖော်ပြခဲ့သည်။

အဆိုပါ လေ့လာမှုကို ဂျပန် သိပ္ပံနှင့် နည်းပညာ အေဂျင်စီ၏ ပံ့ပိုးကူညီမှုဖြင့်
ဆောင်ရွက်ခြင်းဖြစ်သည်။

Ref: AFP/al