အာဂျင်တီးနားရှိ လူဝံတစ်ကောင်အား လူသားများခံစားရသည့် အခြေခံအခွင့်အရေးများပေးရန် တရားရုံးဆုံးဖြတ်

ဒီဇင်ဘာ ၂၃၊ ၂၀၁၄
M-Media

– ဗျူနိုအေးရီစ် တိရစ္ဆာန်ရုံတွင် နှစ်ပေါင်း ၂၀ ကြာ နေထိုင်ခဲ့ရသည့် အော်ရန်းအူတန်း လူဝံကြီးကို လူသားများခံစားနေရသည့် အခြေခံလူ့အခွင့်အရေးများ ပေးအပ်ရန်အတွက် အာဂျင်တီးနားတရားရုံးမှ ဆုံးဖြတ်လိုက်သည်ဟု သိရသည်။

ဆန်ဒရာဟု အမည်ရသည့် အဆိုပါလူဝံကြီး အခြေခံလူ့အခွင့်အရေးများ ရရှိရန်အတွက် ဒေသတွင်း တိရစ္ဆာန်အခွင့်အရေးအဖွဲ့တစ်ခုမှ တရားရုံးသို့ ဦးတိုက်လျှောက်ပြီးနောက် တလအကြာတွင် ထိုကဲ့သို့ အမိန့်ချမှတ်လိုက်ခြင်းဖြစ်သည်။

`တရားရေးအရ ခိုင်မာတဲ့ ရှင်းလင်းဖော်ပြချက် ပြီးတဲ့နောက်မှာ တိရစ္ဆာန်ဟာလည်း အခွင့်အရေးကို ရထိုက်တယ်ဆိုတာကို အသိအမှတ်ပြုဖို့ လိုခဲ့ပြီး၊ ကာကွယ်မှုလည်းပေးရပါမယ်´ ဟု ဒီဇင်ဘာ ၁၈ ရက်နေ့က ထုတ်ပြန်ခဲ့သော တရားရုံး၏ ကြေညာချက်တွင် ဖော်ပြထားသည်။

ဆန်ဒါရာ၏ ရှေ့နေ ဂီလ် ဒိုမင်ဂက်ဇ်ကလည်း အဆိုပါ ဆုံးဖြတ်ချက်မှာ
မကြံစဖူးဆုံးဖြတ်ချက်ဖြစ်ပြီး လူဝံကြီးအား ဘေးမဲ့တောထဲလွှတ်ပေးရန်အတွက်
လမ်းပွင့်သွားခြင်း ဖြစ်သည်ဟု ပြောကြားခဲ့သည်။

`ဒါဟာ တိရစ္ဆာန် စောင့်ရှောက်မှုဆိုင်ရာ ပါရာဒိုင်းကို ပြောင်းလဲစေတဲ့ သာဓကတစ်ခုဖြစ်ပြီး တိရစ္ဆာန်တွေရဲ့ အခွင့်အရေးကို သက်ရောက်မှု ရှိပါလိမ့်မယ်။ နောက်ပြီး ဆွေးနွေးမှုတွေကို ဦးတည်သွားမှာဖြစ်ပြီး ဒီဆွေးနွေးမှုတွေမှာ တိရစ္ဆာန်ကို လှောင်ထားတာဟာ သူတို့ရဲ့
အခွင့်အရေးတွေကို ထိခိုက်စေလားဆိုလည်း ပါဝင်မှာပါ´ ဟု ဒိုမင်ဂက်ဇ်က
ထည့်သွင်းပြောကြားခဲ့သည်။

အဆိုပါ ဆန်ဒရာလူဝံကြီးမှာ ဂျာမနီနိုင်ငံတွင် မွေးဖွားခဲ့ခြင်းဖြစ်သော်လည်း အာဂျင်တီးနား တိရစ္ဆာန်ရုံတွင် ၎င်း၏ အချိန်အတော်များများကို ကုန်ဆုံးခဲ့ရသည်။

Source: AP