ဗြိတိန်ရှိ အိမ်ယာမဲ့ ခရစ်ယာန်များအတွက် မွတ်စလင်စားသောက်ဆိုင်တစ်ခုက ခရစ္စမတ်ပွဲတော် ကျင်းပပေးမည်

ဒီဇင်ဘာ ၂၄၊ ၂၀၁၄
M-Media

– ဘ၀တွင် ရင်ဆိုင်ကြုံတွေ့နေရသည့် အခက်အခဲများကြောင့် ခရစ္စမတ်ပွဲတော်ကို
အများနည်းတူ ဆင်နွှဲရန် မတတ်နိုင်သည့် အင်္ဂလန်ရှိ အိမ်ရာမဲ့များအတွက် ဗြိတိန်မွတ်စလင်များက ခရစ္စမတ်ပွဲတော်ကို ကျင်းပပေးသွားမည်ဟု သိရသည်။

အဆိုပါ ခရစ္စမတ်ပွဲတော်ကို ဘက်ကင်ဟမ်ရှိုင်းယားဒေသ အေလက်စ်ဘာရီမြို့ရှိ မွတ်စလင်ပိုင် စားသောက်ဆိုင်တစ်ခုက ကျင်းပပေးသွားမည်ဖြစ်ပြီး ခရစ်ယာန်သာသာဝင်များ၏ နေ့ထူးနေ့မြတ်တွင် ထိုဒေသရှိ အိမ်ယာမဲ့များမှာ အခြားလူများနည်းတူ ပျော်ရွှင်ခွင့် ရမည်ဖြစ်သည်။

`ကျွန်တော် မွတ်စလင်တစ်ယောက်ပါ။ ခရစ္စမတ်ပွဲတော်ကို မပါဝင်ပါဘူး။ ဒါပေမယ့် အခြားသူတွေရဲ့ ဘာသာရေးပွဲတော်မှာ သက်ဆိုင်သူတွေကို ကူညီပံ့ပိုးပေးဖို့ ကျွန်တော်ဆောင်ရွက်မှာပါ။ ဒါနဲ့ ပတ်သက်ပြီး လူ့အဖွဲ့အစည်း စိတ်ဓာတ်ကို ပဲတင့်ထပ်စေတယ်လို့ ကျွန်တော်ထင်ပါတယ်။ ဘယ်နေရာကနေပဲလာလာ၊ ဘယ်လိုအသိုင်းအ၀ိုင်းမျိုးကပဲဖြစ်ဖြစ် ကိစ္စမရှိပါဘူး။ အလှူဒါနပြုတာ၊ ကောင်းမွန်တဲ့ ကိစ္စတွေကို ဆောင်ရွက်တဲ့အခါ လူတွေဟာ ပါဝင်ကူညီချင်ကြတာပါပဲ´ ဟု The Grill စားသောက်ဆိုင်ပိုင်ရှင် အွတ်စမန် မဂျစ်က ပြောကြားခဲ့သည်။

အစ္စလာမ်၏ သွန်သင်မှုအရ အခြားသော ဘာသာရေးထုံးတမ်းစဉ်လာများကို
လိုက်နာဆောင်ရွက်ခွင့် မရှိသော်လည်း ထိုတားမြစ်မှုက မည်သည့်နေရာမှ သွားစရာမရှိသည့် ချို့တဲ့သောသူများအား ကူညီခြင်း၊ လူမှုအကျိုးပြုလုပ်ငန်းများ လုပ်ခြင်းမှ တားဆီးမှုမျိုး မဟုတ်ချေ။

The Grill စားသောက်ဆိုင်မှ မွတ်စလင်များမှာ အိမ်ရာမဲ့များအတွက် ခရစ္စမတ်ပွဲတော် တစ်ခုတည်းကိုသာ ကျင်းပပေးခြင်းမဟုတ်ဘဲ လက်ရှိတွင်လည်း အစားအသောက်များ၊ အ၀တ်အထည်များကိုဝေငှနေပြီး ဆံပင်ညှပ်ပေးသည့် ၀န်ဆောင်မှုကိုလည်း ပေးအပ်လျက်ရှိနေသည်။

`အပြင်ဘက်မှာ ခါးသီးလှတဲ့ အအေးဒဏ်ကို ခံစားနေရတဲ့အချိန်မှာ ကျွန်တော်တို့မှာ နွေးထွေးတဲ့နေရာရှိတယ်။ ပူပူနွေးနွေးအစားအသောက်ရှိတယ်။ အ၀တ်အစားအသစ်တွေ ရှိတယ်။ ဆံပင်ညှပ်မယ်ဆိုရင်လည်း ညှပ်လို့ရပါတယ်။ ခင်ဗျားရဲ့ ဘ၀ကို ပြောင်းလိုက်မယ်လို့ ကျွန်တော်တို့ မပြောပါဘူး။ ဒါဟာ လက်တွေ့လည်း မကျပါဘူး။ ဒါပေမယ့် ခင်ဗျားရဲ့ ခရစ္စမတ်နေ့ရက်လေးမှာ ၈ နာရီ ၉ နာရီလောက်တော့ ကျွန်တော်တို့ ခင်ဗျားရဲ့ ဘ၀ကို
အကျိုးကျေးဇူးတွေ ပေးနိုင်ပါတယ်´ ဟု မဂျစ်က ထည့်သွင်းပြောကြားခဲ့သည်။

တရားဝင်တွက်ချက်မှုများ မရှိသော်လည်း ဗြိတိန်တွင် အစ္စလာမ်ဘာသာကို
သက်ဝင်ယုံကြည်သူဦးရေ ၂.၇ သန်းခန့်ရှိနေသည်ဟု ခန့်မှန်းထားသည်။

ယေရှုခရစ်တော်၏ မွေးနေ့အထိမ်းအမှတ်အဖြစ် ကျင်းပသည့် ခရစ္စမတ်ပွဲတော်မှာ ခရစ်ယာန် ဘာသာဝင်များအတွက် အဓိကပွဲတော်တစ်ခုဖြစ်ပြီး ဒီဇင်ဘာ ၂၄ ရက်နေ့ သန်းခေါင်းယံအချိန်မှာ ခရစ္စမတ်ကာလ၏ အမြင့်ဆုံးအချိန်ဖြစ်သည်။

မွတ်စလင်များမှာ ယေရှုသခင် (ငြိမ်းချမ်းသာယာမှု သက်ရောက်ပါစေ)အား
အလ္လာဟ်အရှင်မြတ်၏ တမန်တော်တစ်ပါးနှင့် မရ်ယမ်သခင်မ၏ သားတော်တစ်ပါးအဖြစ် ယုံကြည်ပြီး အလ္လာဟ်အရှင်မြတ်၏ သားတော်အဖြစ် ယုံကြည်ခြင်းမရှိပေ။

ကုရ်အာန်ကျမ်းတော်မြတ်တွင် ယေရှုသခင်အား တမန်တော် အီဆာဟု မှည့်ခေါ်ထားပြီး အလ်-မစီဟ် (the Christ) နှင့် မရ်ယမ်သခင်မ၏သား (Son of Mary) ဟုလည်း သုံးနှုန်းထားသည်။

Ref: OnIslam.net