အိမ်ထောင်ရေးပြဿနာများ ပြေလည်စေရန် ကုရ်အာန်ကျမ်းတော်မြတ်၏ အဆုံးအမဘက်သို့ မာလာဝီမွတ်စလင်များ ပြန်လှည့်လာ

M-Media

– နိုင်ငံအတွင်း တစ်ရှိန်ထိုးမြင့်မားလာသည့် ကွာရှင်းမှုနှုန်းကို လျော့ကျစေရန် ကြိုးပမ်းကာ သန့်ရှင်းသော အိမ်ထောင်ရေးအဖြစ် ရပ်တည်နိုင်ရန်အတွက် ကုရ်အာန်ကျမ်းတော်မြတ်၏ သင်ကြားမှုများအား အသုံးပြုခြင်းကို မာလာဝီမွတ်စလင်များက တိုးမြှင့်ဆောင်ရွက်လာကြသည်ဟု သိရသည်။

`အစ္စလာမ်က အိမ်ထောင်ရေးကို ယုံကြည်ချက်ရဲ့ အခြေခံလို့ မှတ်ယူပါတယ်။ မုဟမ္မဒ်သခင်ရဲ့ သြ၀ါဒတော်တစ်ရပ်မှာ အိမ်ထောင်ပြုခြင်းကို ယုံကြည်သူမွတ်စလင်တစ်ယောက် လိုက်နာရမယ့် စည်းမျဉ်းအဖြစ် သတ်မှတ်မိန့်ကြားထားပါတယ်။ ဒါ့ကြောင့် နိုင်ငံအတွင်းက အိမ်ထောင်ရှင်တွေ
ကွာရှင်းကြတဲ့နှုန်း မြင့်တက်လာတာဟာ ယုံကြည်သူတွေဖြစ်တဲ့ ကျွန်တော်တို့အတွက် စိတ်သောက ရောက်စရာပါပဲ´ ဟု မာလာဝီမွတ်စလင်အသင်း MAM မှ ထိမ်းမြားလက်ထပ်ခြင်းဆိုင်ရာ အကြံပေး ရှိခ်မိုဟာမက် အွစ်မာန်းက OnIslam.net သို့
ပြောကြားခဲ့သည်။

ထို့ပြင် မိသားစုတစ်ခုမှာ အောင်မြင်သော လူ့အဖွဲ့အစည်းအတွက် အုပ်တစ်ချပ်
သဲတစ်ပွင့်ဖြစ်ကြောင်း၊ ကွာရှင်းမှုနှုန်း ဆက်လက်မြင့်မားနေပါကလည်း
မိမိတို့လူ့အဖွဲ့အစည်းမှာ တန်ဖိုးရှိတော့မည်မဟုတ်ဘဲ ပျက်ဆီးသွားမည်ဖြစ်ကြောင်း ၎င်းက ထပ်လောင်းပြောကြားခဲ့သည်။

မာလာဝီနိုင်ငံမှာ အာဖရိက၌ အိမ်ထောင်ရှင်များ ကွာရှင်းမှုနှုန်းအများဆုံး နိုင်ငံဖြစ်နေသည်ဟု မီဒီယာများက မကြာသေးမီကပင် ဖော်ပြခဲ့ကြသည်။ ထို့ကြောင့် စိုးရိမ်စရာကောင်းလာသည့် အဆိုပါ လမ်းကြောင်းကို တွန်းလှန်းရန် ခြေလှမ်းအဖြစ် ရှိခ်အွစ်မာန်းကဲ့သို့ မွတ်စလင်ခေါင်းဆောင်များက မပြေမလည်ဖြစ်နေကြသည့် မိသားစုများအကြား ပြဿနာများကို
ဖြေရှင်းပေးရန်အတွက် ကုရ်အာန်ကျမ်းတော်မြတ်မှ သွန်သင်ဆုံးမမှုများကို အသုံးပြုရန် စတင်ဆောင်ရွက်ခဲ့ကြသည်။

ထိုဆောင်ရွက်မှုက မိသားစုများအကြား ပြန်လည်ရင်ကြားစေ့ရေးနှင့် ခန္တီတရား
ထားရှိရေးတို့အတွက် ကြိုးပမ်းရာတွင် ထိရောက်သော အောင်မြင်မှုများ ရရှိလာခဲ့သည်။

`ကျွန်တော်တို့ရဲ့ မိသားစုတွေကြားထဲက တည်ငြိမ်မှုကို ထိခိုက်စေတဲ့ စိန်ခေါ်မှုဟာ တစ်ယောက်နဲ့ တစ်ယောက်ကြားမှာ သည်းခံစိတ် မရှိတာပါပဲ။ ကုရ်အာန်ကျမ်းတော်မြတ်ရဲ့ သွန်သင်မှုတွေထဲက ခန္တီတရားရဲ့ တန်ဖိုးတွေ၊ မိသားစုအကြား ပြန်လည်သင့်မြတ်ရေး လိုအပ်ချက်တွေကို ကျွန်တော်တို့ ဟောကြား ဆုံးမနိုင်ခဲ့ပါတယ်။ တကယ်လို့ ဘ၀ကို အဓိပ္ပါယ်ရှိရှိ အသက်ရှင်နေထိုင်သွားချင်တယ် ဆိုရင်တော့ မိသားစုတွေဟာ
ကုရ်အာန်ကျမ်းတော်မြတ်ရဲ့ သွန်သင်မှုကနေ လုံးဝ ခွဲထွက်မသွားရပါဘူး´ ဟု အွစ်မာန်းက ထည့်သွင်းပြောကြားခဲ့သည်။

ကျား၊ မ ခွဲခြားမှု ဆန့်ကျင်ရေး လုပ်ဆောင်နေသည့် အမျိုးသမီးအဖွဲ့ MWO မှ ဥက္ကဌ အန်ဒိုင်လာကလည်း မာလာဝီနိုင်ငံရှိ ကွာရှင်းမှုနှုန်း မြင့်တက်မှုကို ဖြစ်စေသာ စိန်ခေါ်မှုများကို ထောက်ပြခဲ့ပြီး ကုရ်အာန်ကျမ်းတော်မြတ်၏ သင်ကြားမှုကို အသုံးပြု၍ မိသားစုများအကြား ညှိနှိုင်း ဆောင်ရွက်ပေးခြင်းက ကွာရှင်းမှုမဖြစ်အောင် ဆောင်ရွက်နိုင်သည်ဟု ပြောကြားခဲ့သည်။

`လက်ခံတဲ့နည်းလမ်းအားလုံးနဲ့ မိသားစုတွေကို ကျွန်မတို့ ကူညီနေတာပါ။ ကျွန်မတို့ရဲ့ နည်းလမ်းကတစ်ဆင့် မွတ်စလင်စုံတွဲတွေဟာ အစ္စလာမ်ကပြောထားတဲ့၊ လူ့အဖွဲ့အစည်းက လိုလားတဲ့ တည်ငြိမ်တဲ့မိသားစုတန်ဖိုးကို ကျေနပ်နှစ်သက်နိုင်ကြပါတယ်´

မွတ်စလင်အများစုရှိရာ နိုင်ငံတောင်ပိုင်းမှ အကြီးအကဲတစ်ဦးဖြစ်သူ ကာဒီဝဲကလည်း အိမ်ထောင်သည်များအကြား ဖြစ်ပွားသည့် ပြဿနာများကို ဘာသာရေးရှုထောင့်မှ ဖြေရှင်းပေးခြင်းမှာ အကျိုဖြစ်ထွန်းသည့် ဆောင်ရွက်ချက်တစ်ခုဖြစ်သည်ဟု ဆိုသည်။

`ကုရ်အာန်ကျမ်းတော်မြတ်ရဲ့ သင်ကြားမှုတွေကို အသုံးချပြီး ပြဿနာတွေကို
ဖြေရှင်းပေးတာဟာ တစ်ကျက်ကျက်ဖြစ်နေတဲ့ မိသားစုတွေအကြားမှာ ငြိမ်းချမ်းမှုနဲ့ ခန္တီတရားကို ရရှိစေပါတယ်။ ကျွန်တော်တို့ ရွာတွေမှာ ကွာရှင်းမှုနှုန်းတွေ မြင့်တက်နေပါတယ်။ ဒါပေမယ့် အိမ်ထောင်ရေးနဲ့ပတ်သက်ပြီး ကုရ်အာန်ကျမ်းတော်မြတ်ရဲ့ သင်ကြားမိန့်မှာထားမှုတွေကို ဟောပြောခြင်းကတစ်ဆင့် အိမ်ထောင်တစ်ခုရဲ့ ဂုဏ်သိက္ခာကို ပြန်လည်ရရှိအောင် တစ်ချိန်တည်းမှာပဲ ငြိမ်းချမ်းမှုနဲ့ အပြန်အလှန်မှီခိုမှုကို ပြန်လည်ဖြစ်ပေါ်လာအောင် ဆောင်ရွက်ပေးနိုင်ခဲ့ပါတယ်´ ဟု ကာဒီဝဲက ပြောကြားခဲ့သည်။

အစ္စလာမ်သာသနာတွင် အိမ်ထောင်တစ်ခုအား ချစ်ခြင်းမေတ္တာ၊ နားလည်မှု၊
အပြန်အလှန်ဖေးမကူညီမှုတို့ဖြင့် တည်ဆောက်ရန် တိုက်တွန်းထားပြီး အိမ်ထောင်ရေးဝတ္တရား ကျေပွန်မှုအတွက် အထူအလေးထား မိန့်ကြားထားသည်။ ထို့ပြင် ဇနီးသည်ဝတ္တရား၊ ခင်ပွန်းသည်ဝတ္တရား၊ သားသမီးများအပေါ်တွင် ရှိသည့် မိဘ၏ ၀တ္တရား၊ မိဘအပေါ်တွင်ရှိသည့် သားသမီး၏ ၀တ္တရား စသည်တို့ကို သတ်သတ်မှတ်မှတ် ပြဌာန်းပေးထားကာ ကွာရှင်းမှုကို
စက်ဆုပ်မှုတစ်ခုအဖြစ်လည်း သတ်မှတ်ထားသည်။

မာလာဝီနိုင်ငံမှာ လောကီသီးသန့်နိုင်ငံ (Secular State) ဖြစ်ပြီး အစ္စလာမ်သာသနာမှာ နိုင်ငံ၏ ဒုတိယ ကိုယ်းကွယ်မှုအများဆုံး အယူဝါဒဖြစ်ကာ စုစုပေါင်း လူဦးရေ၏ ၃၆ ရာခိုင်နှုန်းရှိသည်။

Ref : OnIslam