အိန္ဒိယမှာ ၂၀၂၁ ခုနှစ်တွင် ဟိန္ဒူနိုင်ငံဖြစ်ရမည်ဟု ဟိန္ဒူဘာသာရေးအဖွဲ့တစ်ခုမှ အကြီးအကဲပြောကြား

– နိုင်ငံအတွင်းရှိ ခရစ်ယာန်နှင့် အစ္စလာမ်ဘာသာဝင်များအားလုံး ၂၀၂၁ ခု ဒီဇင်ဘာ ၃၁ ရက်နေ့ နောက်ဆုံးထား၍ ဟိန္ဒိူဘာသာသို့ ပြောင်းလဲရမည်ဖြစ်ပြီး သို့မဟုတ်ပါက တိုင်းပြည်မှ ထွက်သွားရလိမ့်မည်ဟု အိန္ဒိယရှိ ဟိန္ဒူဘာသာရေးအဖွဲ့ DJS မှ ရာဂျက်ရ်ှဝါ ဆင်းက ပြောကြားလိုက်သည်။

ဒီဇင်ဘာ ၁၈ ရက်နေ့က အူတာပရာဒက်ရ်ှပြည်နယ် အဂ္ဂရာမြို့တွင် ပြုလုပ်ခဲ့သည့်
ဟိန္ဒူဘာသာသို့ ကူးပြောင်းပွဲ(ghar wapsi) အခမ်းအနားတွင် အဆိုပါပြည်နယ် DJS အဖွဲ့ အကြီးအကဲ ဆင်းက ယခုကဲ့သို့ ပြောကြားခဲ့ခြင်းဖြစ်ပြီး အိန္ဒိယအား ၂၀၂၁ ခုနှစ်အရောက်တွင် ဟိန္ဒူနိုင်ငံဖြစ်အောင် လုပ်ဆောင်သွားမည်ဟု ဆိုသည်။

`အိန္ဒိယရဲ့ အတွင်းစိတ်က ပေါ်ထွက်လာပါပြီ။ စောင့်သာ ကြည့်နေလိုက်ပါ။ ၂၀၂၁ ခုနှစ် ဒီဇင်ဘာ ၃၁ ရက်နေ့ဟာ ခရစ်ယာန်နဲ့ အစ္စလာမ်အတွက် နောက်ဆုံးနေ့ပါ။ အဲဒီနေ့မှာ ခရစ်ယာန်နဲ့ အစ္စလာမ်ဘာသာကို ကျွန်တော်တို့ အဆုံးသတ်သွားမှာပါ။ ကျွန်တော်တိုရဲ့ပစ်မှတ်က အိန္ဒိယဟာ ၂၀၂၁ ခုနှစ်မှာ ဟိန္ဒူနိုင်ငံ (Hindu Rashtra) ဖြစ်ဖို့ပါ။ မွတ်စလင်နဲ့ ခရစ်ယာန်တွေဟာ ဒီမှာနေဖို့ အခွင့်မရှိပါဘူး။ ဒါ့ကြောင့် သူတို့ ဟိန္ဒူဘာသာကို ပြောင်းရမယ်။ ဒါမှမဟုတ် ဒီကနေ ထွက်သွားရပါမယ်´ ဟု ဆင်းက ထည့်သွင်းပြောကြားခဲ့သည်။

DJS မှာ ghar wapsi အခမ်းအနားများ ပြုလုပ်ကာ ခရစ်ယာန်များနှင့်
အစ္စလာမ်ဘာသာဝင်များအား ဖိအားပေး၍သော်လည်းကောင်း၊ မလိမ့်တစ်ပတ်လုပ်၍သော် လည်းကောင်း ဟိန္ဒူဘာသာအတွင်းသို့ သွတ်သွင်းမှုများရှိနေသည်ဟု သတင်းများ ထွက်ပေါ်နေသည်။

အဆိုပါ DJS အဖွဲ့မှ တက်ကြွလှုပ်ရှားသူတစ်ဦးဖြစ်သူ နန်ဒ် ကစ်ဟိုးရ်မှာ အဂ္ဂရာရှိ မွတ်စလင်အယောက် ၁၀၀ အား အတင်းအကျပ် ဘာသာပြောင်းစေခဲ့မှုအတွက် ဒီဇင်ဘာ ၁၆ ရက်နေ့က ဖမ်းဆီးခံခဲ့ရသည်။ အိန္ဒိယအစိုးရကမူ အငြင်းပွားမှုများရှိနေသည့် ghar wapsi
အခမ်းအနားများကို မပြုလုပ်ရန် အချို့ပြည်နယ်များတွင် တားမြစ်ထားသည်။

သို့သော်လည်း ဆင်းကမူ မိမိတို့မှာ ထိုအလုပ်ကို လုပ်ဆောင်လာသည်မှာ နှစ်ပေါင်း ၆၀ ရှိခဲ့ပြီး လူပေါင်း ၆ သိန်းကျော်ကိုလည်း ဟိန္ဒူဘာသာအတွင်သို့ သွတ်သွင်းပေးခဲ့ပြီးဖြစ်ကြောင်း ပြောကြားခဲ့သည်။

DJS မှာ ဟိန္ဒူအစွန်းရောက်ပါတီဟု လူသိများသည့် RSS ၏ လက်ခွဲတစ်ခုဖြစ်ပြီး ပြီးခဲ့သည့် သီတင်းပတ်အတွင်းကလည်း ခရစ်ယာန်များအား ဟိန္ဒူဘာသာသို့ သွတ်သွင်းပွဲကို ကျင်းပပြုလုပ်ခဲ့သေးသည်။

Ref : Dailymail

ပုံ ၂- RSS မှပြုလုပ်သည့် ဟိန္ဒူဘာသာ ကူးပြောင်းပွဲ အခမ်းအနား