တမန်တော်နေ့ အထိမ်းအမှတ် ဘာသာပေါင်းစုံ ဆရာတော်များ မြေနီကုန်းတွင် ဟောပြောမည်။

ဒီဇင်ဘာ ၃၁ ၊ ၂၀၁၄
M-Media
သူရိန်

၁၄၈၉ကြိမ်မြောက် မဟာတမန်တော်နေ့ အထိမ်းအမှတ်အဖြစ် ဘာသာပေါင်းစုံဆရာတော်များ ပါဝင်သော တရားပွဲ တစ်ရပ်ကို ဇန်နဝါရီလ ၅ရက်နေ့တွင် ရန်ကုန်မြို့ မြေနီကုန်းတွင် ကျင်းပပြုလုပ်မည် ဖြစ်ကြောင်းသိရသည်။

ဟောပြောပွဲတွင် ဓမ္မနှင့် ငြိမ်းချမ်းရေး ခေါင်းစဉ်ဖြင့် ဘာသာအသီးသီးမှ ဦးစီးရှေ့ဆောင် ဆရာတော်များ ဓမ္မကထိကများ က ဦးဆောင် ဟောပြောကြမည်လည်း ဖြစ်သည်။

ဗုဒ္ဓဘာသာမှ မေတ္တာကမ်ပိန်း ပဓာန နာယက ဆရာတော်ကြီးဖြစ်သော မန္တလေးမြို့ မြဝတီမင်းကြီး ကျောင်းတိုက်မှ ဆရာတော် ဘဒ္ဒန္တ အရိယာဝံသာ ဘိဝံသ အမှူးပြုသော ဆရာတော် သံဃာတော်များက ဓမ္မနှင့် ငြိမ်းချမ်းရေး အမြင်များကို ဟောပြော ကြမည်လည်း ဖြစ်သည်။

ထိုပြင် ခရစ်ယာန် ဘာသာမှ ကက်သလစ် ဘုန်းတော်ကြီး Fr.မောရစ် ညွန့်ဝေ ဟိန္ဒူ ဘုန်းတော်ကြီးများ အဖွဲ့ချုပ် ဥက္ကဌ မေတ္တာကမ်ပိန်း နာယက စရီဦးမောင်မြင့်တို့ကလည်း ၄င်းတို့၏ တရားဓမ္မ အမြင်များကို မျှဝေဟောပြော ကြမည်လည်းဖြစ်သည်။

အစီအစဉ်တွင် အစ္စလာမ်ဓမ္မဗိမာန် မှဦးဆောင်ဆော်သြရေးမှူး အလ်ဟာဂ်ျ ခလီဖွာ ဦးအေးလွင်နှင့် အလ်ဟာဂ်ျ ဒေါက်တာဆောင်းလွင်အောင် တို့ကလည်း မဟာတမန်တော်မြတ်ကြီးနှင့် ငြိမ်းချမ်းရေး အကြောင်းကို ဟောပြောမည်ဟု သိရသည်။

အဆိုပါ တရားပွဲအစီအစဉ်ကို ၂၀၁၅ခုနှစ် ဇန်နဝါရီလ ၅ ရက်နေ့တွင် ရန်ကုန်မြို့စမ်းချောင်းမြို့နယ် ရှမ်းကုန်းလမ်း ရှိ ကူဝသုလ် အစ္စလာမ် ရာသစ်ဗ် အဖွဲ့ ရုံးခန်းရှေ့ပရဝုဏ်အတွင်း ကျင်းပမည်ဖြစ်သည်။

ညနေ ၇ နာရီမှ ည၁၀နာရီ ကျော်အထိ ကျင်းပမည့် အဆိုပါ ဘာသာပေါင်းစုံ ဟောပြောပွဲ အခမ်းအနားသို့ ဘာသာပေါင်းစုံမှ တရားနာပရိသတ်များ ကြွရောက် တရားနာယူနိုင်ကြောင်း သိရသည်။

တရားပွဲကို မေတ္တာ ကမ်ပိန်း နှင့် ကူဝသုလ် အစ္စလာမ် ရာသစ်ဗ် အဖွဲ့တို့မှ မဟာတမန်တော်နေ့ အထိမ်းအမှတ် အဖြစ် ပူးတွဲစီစဉ် ကျင်းပခြင်းဖြစ်သည်။