သူငယ်ချင်းကောင်းတဲ့လား

ဇန်နဝါရီ ၁ ၊ ၂၀၁၅
M-Media
.နှင်းဆီခင်ရေးသည်။

ထီးတည်းနေလို့မရတဲ့လောကကြီးမှာ အပေါင်းအသင်းမိတ်ဆွေဆိုတာ ရှိစမြဲပဲပေါ့။ အရေးကြီးတာက ကိုယ်ကသံယောဇဉ်ဖွဲ့သလို ကိုယ့်အပေါ်လည်း စိတ်ရင်းစေတနာအမှန်နှင့် ခင်တဲ့သူငယ်ချင်းကောင်းဖြစ်ဖို့ပဲလိုတယ်။ ကျွန်မဆီကိုစာဖတ်သူတော်တော်များများက စာရေးပြီးရင်ဖွင့်လေ့ရှိကြတာကတော့ သူတို့ခင်သလို မခင်ဘဲ၊ အရေးကြုံမှနောက်ပြီး သူငယ်ချင်းကောင်းတွေကို ခင်မင်ချင်စိတ်ပြင်းပြင်းပြပြရှိတယ်ဆိုတာတွေပေါ့။

အမှန်ပါပဲ။ သူငယ်ချင်းဆိုတဲ့သူစိမ်းတစ်ရံဆိုတာ ဘဝမှာမိသားစုတွေ ဆွေမျိုးသားချင်းတွေပြီးရင် မရှိမဖြစ်လိုအပ်သူတွေပါပဲ။ ဟိုးကလေးဘဝအရွယ်ကတည်းကစပြီး ဘဝနေဝင်ချိန်ရောက်တဲ့အထိ ရင်ဖွင့်ဖော်တွေဆိုတာ အရေးပါတဲ့သူတွေအဖြစ် ဘဝမှာမှတ်မှတ်ထင်ထင်ရှိနေကြသူတွေပါ။

တစ်ခါတစ်လေမှာဆိုရင် သွေသားရင်းချာတစ်ချို့ထက်ပိုပြီး အားထား ယုံကြည်အပ်တဲ့သူတွေဖြစ်သလို ကိုယ်နှင့်အတူပျော်ပြီး ဝမ်းနည်းလည်းအတူ ခံစားပေးနိုင်ကြတယ်လေ။ သာတယ်နာတယ် မတွေးအားပါဘူး။ ကိုယ့်သူငယ်ချင်းအတွက် ယုံကြည်အားကိုးထိုက်သူ အဖြစ် တစ်ဘဝစာ သစ္စာရှိရှိနေပေးဝံ့ကြသူတွေလို့ဆိုနိုင်တယ်။

ကိုယ့်ကိုယ်ကိုယ်ယုံကြည်မှုနည်းပါးနေချိန်မှာ ကိုယ့်အပေါ်ကိုယုံကြည်စိတ်အပြည့်ထားသူဟာ ကိုယ့်ရဲ့သူငယ်ချင်းပဲပေါ့။ ခင်မင်ရင်းနှီးမှုဆိုတာ ကမ္ဘာကြီးတစ်ခုလုံးကို တစ်သားတည်းစုစည်းသွားအောင် ချည်နှောင်နိုင်တဲ့ကြိုးတစ်ချောင်းဖြစ်သလို သူငယ်ချင်းကောင်းတစ်ယောက်ကို အပေါင်းအသင်းတွေကြားမှာ ရှာဖွေရခက်ခဲ သလို၊ တွေ့ပြန်တော့လည်း မေ့ပျောက် ပစ်ဖို့ခဲယဉ်းပြန်ရော။

ဘဝဆိုတဲ့ဟင်းလျာကောင်းတစ်ခွက်ရဖို့အတွက် သူငယ်ချင်းအပေါင်းအသင်းတွေဟာ အရေးကြီးဆုံးပါဝင်နေတဲ့ ဟင်းချက်စရာ ပစ္စည်းပစ္စယတွေလို့ ဆိုနိုင်တယ်။ တကယ် သံယောဇဉ်ရှိတဲ့ သူငယ်ချင်းဟာ ကမ္ဘာရဲ့ အကောင်းဆုံးတစ်နေရာမှာ ရှိနေပါစေ။ ကိုယ့်ရဲ့နှလုံးသားကိုထိရှ ခံစားပြီး နွေးထွေးနှစ်သိမ့်မှုကိုပေးနိုင်စွမ်းရှိသူပါပဲ။ နှင်းဆီမှန်ရင် ဆူးမကင်းတာအကုန်အသိပါပဲ။ ဒါပေမယ့် ခင်မင်မှုကို ရနံ့ကြွယ်တဲ့နှင်းဆီပွင့်လေးတွေနှင့် တင်စားမယ်ဆိုရင်ပေါ့။ အဲဒီပန်းပွင့်လေးတွေဟာ ဆူးမဲ့နှင်းဆီပဲဖြစ်မှာပါ။

လူတွေဟာခေတ်ပေါ်နည်းပညာတွေဘယ်လောက်ကြီးပဲ တိုးတက်နေတယ်ဆိုပါစေ အိုင်တီခေတ်ကြီးထဲမှာလည်း ရှေးဟောင်း ပစ္စည်းတွေကို ဂန္တဝင် မှတ်တမ်းတစ်လို့ အမှတ်တရတန်ဖိုးထာလေ့ရှိကြပါတယ်။ ဒီတော့ အကောင်းဆုံးသော ရှေးဟောင်း ပစ္စည်း တစ်ခုကိုပြောပြစမ်းပါ လို့မေးလာခဲ့ရင် သူငယ်ချင်းဟောင်း သူငယ်ချင်းကောင်းတွေပါပဲ ဆိုတဲ့အဖြေကိုရမှာပါ။

ကိုယ့်မှာအခြေအနေအကြောင်းကြောင့်ကြောင့် ကိုယ်စိတ်ပင်ပန်းခံစားနေရတဲ့ ပြသာနာအခက်အခဲတစ်ခုခုကြုံလာခဲ့ရရင်ပေါ့ ဆိုပါစို့ ကိုယ့်ရဲ့သိက္ခာထိပါးကျဆင်းရမဲ့ အခြေအနေမျိုးမှာ တစ်လောကလုံးကကိုယ့်ကို စွန့်ပြီးထွက်သွားကြတဲ့ အခါ နှစ်သိမ့်အားပေးကူညီချင် စိတ်တစ်ခုတည်းနှင့် ဝင်ရောက် လာမဲ့သူဟာ သူငယ်ချင်း အစစ်အမှန်ကလွဲလို့ ဘယ်သူများဖြစ်နိုင်ဦးပါ့မလဲနော်။

လောကအဝှန်းမှာ ပန်းရောင်စုံ ပွင့်ဖူးနေကြတာဟာာ လောကကြီးကိုအလှဆင်နေတဲ့သဘော၊ ဒီလိုပါပဲ လူတစ်ယောက်ရဲ့ ဘဝစိုပြေလှပအောင် သူငယ်ချင်းဆိုတဲ့ ပန်းပွင့်လေးတွေက အလှကြီးလှအောင် ဆင်ယင်ပေးနေကြပါတယ်။ သူငယ်ချင်းစစ်တွေမှန်ရင် ကိုယ့်ရဲ့အပျော်လေးတွေကို နှစ်ဆတိုးအောင်စွမ်းဆောင်ပေးနိုင်ကြသလို ကြေကွဲဝမ်းနည်းခြင်းတွေကို ထက်ဝက်လျော့ကျ သွားအောင် ဆောင်ရွက်ပေးနိုင် စွမ်းရှိတယ်ဆိုတာကို အလေးအနက်ယုံကြည်ထားလိုက်ပါ။

ကိုယ့်အပေါ်အမြဲတမ်းလို နားလည်စာနာပြီးအကောင်းကြီးကောင်းတဲ့သူငယ်ချင်းကောင်းတစ်ယောက်ရှိခဲ့မယ်ဆိုရင်လေ သူ့ကိုကျေးဇူးတင်ပြီး တသသဖြစ်နေဖို့အတွက် ယူသင့်တဲ့အချိန်ကာလကို သတ်မှတ်ချင်ရင် အချိန်နာရီနေ့ရက်တွေနှင့် မလုံလောက်ပါဘူး။ တကယ်တမ်းလိုအပ်တဲ့အချိန်ကာလက “တစ်သက်လုံး” ။

အရေးကြီးတာကပေါင်းသင်းဆက်ဆံကြတဲ့အခါ ကိုယ့်ကိုယ်ကိုအထင်ကြီးလွန်းတဲ့စိတ်က သူငယ်ချင်းကောင်းတွေရနိုင်ဖို့အတွက် အဆီးအတားကြီးတစ်ခုဖြစ်နေတာတတ်တယ်ဆိုတာ မမေ့သင့်ဘူး။ ဟုတ်တယ် ဘဝမှာတွေ့ကြုံလာသမျှ မိတ်ဆွေသူငယ်ချင်းတွေကို အမြဲတမ်းလိုလိုလျှော့တွက်လေ့ရှိတယ်ဆိုရင်တော့ ဒါဟာအကျင့်ဆိုးတစ်ခုမို့ အမြန်ဆုံးပြင်သင့်ပါတယ်။ လူတိုင်းဟာပြီးပြည့်စုံတဲ့ လူတစ်ဦးမဖြစ်နိုင်တာ မှန်ပေမယ့် လူတိုင်းလူတိုင်းမှာကောင်းတဲ့ (ချစ်စရာကောင်းလှတဲ့) အရည်အသွေးတစ်ခုခု (အနည်းဆုံး) ရှိနေတတ်ပါတယ်။ တစ်နည်းပြောရရင် သူများတကာမှာရှိနေတတ်တဲ့ ကောင်းကွက်လေးတွေကို မြင်အောင်ကြည့်တာ၊ အပြစ်ရှာမျက်လုံးတွေနှင့်ချည်းကြည့်ပြီး အဆိုးမြင်တတ်တာတွေက အပေါင်းအသင်းဝေးလို့ အထီးကျန်ဖြစ်စေနိုင်တာတော့ အသေအချာပါပဲ။

သူငယ်ချင်းအစစ်၊ သူငယ်ချင်းကောင်းတွေကို တမ်းတမ်းတတရှိတယ်ဆိုရင်တော့ ကိုယ့်ကိုကိုယ်အလေးအနက် (မညာတမ်း) ဆင်ခြင်ကြည့်ဖို့ဦးဆုံးလိုပါတယ်။ အရိုးဆုံးပြောရရင် ကိုယ်တိုင်ကရော သူများတကာအတွက် တကယ်ပဲခင်မင် ရင်းနှီးထိုက်သူဖြစ်ရဲ့လား။ သူငယ်ချင်းကောင်းဆိုတဲ့အရည်အသွေးတွေနှင့် အားလုံး မဟုတ်တောင်မှ တော်တော်လေးပြည့်စုံ ရဲ့လားဆိုတာတော့ ကိုယ်တိုင်အသိဆုံးနေမှာပါနော်။