ကိုယ့်တက်လမ်းကိုတော့ ကိုယ်တိုင် မပိတ်ကြပါနဲ့ (ပေးစာ)

ဇန်နဝါရီ ၂ ၊ ၂၀၁၄
M-Media
.ပေးပို့သူ- ချယ်ရီမင်းဆွေ

လူငယ်လေး အချို့မှာ လွဲမှားနေတဲ့ အယူတွေရှိတာကို အစ်မ ကိုယ်တိုင် မျက်ဝါးထင်ထင် မြင်တွေ့လိုက်ရတော့ အံ့သြမိတာပေါ့ ငယ်လေးတို့ရေ.။

ကြည့်စမ်း….ကိုယ့်တက်လမ်းကို ကိုယ် ကိုယ်တိုင် ပိတ်ထားပါလား???  ဆိုတဲ့ အတွေးနဲ့အတူ ငယ်လေးတို့ကို ပြောပြချင်သွားတယ် ။ ဒီလိုလေ.. အစ်မရဲ့ လုပ်ငန်းခွင်မှာ ကြုံတွေခဲ့ရတာပါ….

သိတဲ့အတိုင်း (အိမ်ဆောက်ပစ္စည်းနဲ့ပရိဘောဂ လုပ်ငန်းသုံး) Aluminum ချောင်းတွေမှာ အမျိုးအစားက ရာကျော်ရှိတာ ။ အစ်မ အလုပ်ဝင်တော့ အဲဒါတွေကို ပုံလေးတွေနဲ့တကွ အမည်ကို တွဲပြီးမှတ်ရသလို တစ်ခါတစ်ရံ ဂိုဒေါင်ထဲသွားပြီး ပစ္စည်းတွေကြည့်ရင်း လေ့လာမှတ်သားရတယ် ။ တစ်နေ့ ပိုင်ရှင်လာကြည့်တဲ့အချိန် ပစ္စည်းထုတ်လက်စ ရောက်တာ သိပ်မကြာသေးတဲ့ အသစ် ၀န်ထမ်းလေးက ဘာမှမသိသလိုလေး ချက်ခြင်းဖြစ်သွားတာကို အစ်မ တအံ့တသြနဲ့ သတိပြုမိသွားတာပေါ့။

ပိုင်ရှင်ပြန်သွားချိန်မှာ “ဘာဖြစ်လို့ ဆက် မထုတ်တာလဲ” မေးတော့”ကျွန်တော် သိနေ ၊ တတ်နေတာ သိသွားရင် ကျွန်တော်ဘဲ ပိုပင်ပန်းမှာပေါ့”တဲ့လေ။ဘယ့်လောက်တောင် ဥာဏ်နည်းရသလဲကွယ်။

အစ်မတော့မချင့်မရဲ ဖြစ်မိပြီး နားဝင်အောင် ရှင်းပြခဲ့ရတယ် ငယ်လေးတို့ရေ။

“မင်း ဒီလောက်အချိန်ပိုင်းလေးအတွင်းမှာ ဒီအမျိုးအစားတွေ တော်တော်လေး တီးမိခေါက်မိသွားတာကို ပိုင်ရှင်သာ သိသွားကြည့်..မင်းကို ပထမဆုံး သတိထားမိသွားမှာ ..

ပြီးတော့ မင်းကို ဂရုတစိုက် စောင့်ကြည့်သွားမှာ..

နောက်မင်းရဲ့ လုပ်ရည်ကိုင်ရည် ကြိုးစားမှုကို အချိန်နဲ့အမျှ သိသွားတဲ့နောက် မင်းက အချိန်တိုလေးအတွင်းမှာ အဆင့်တခုကို မြင့်တက်သွားမှာပေါ့ ငယ်လေးရ..

ကြိုးစားတာက ဘယ်သောအခါမှ အချီးနှီးမဖြစ်ဘူးလေ။ မင်း အခု အနိမ့်ဆုံးအဆင့် အထမ်းသမား ကနေ နောက် အထမ်းသမားတွေရဲ့ ခေါင်းဆောင် နောက် ပစ္စည်းထုတ် တာဝန်ခံ နောက် ဂိုဒေါင်မှုး အဆင့်ဆင့် မင်းအမြန်ဆုံး တိုးတက်ပြောင်းလဲသွားမှာလေ။

မင်းမြင်တတ်ရမှာပေါ့ ငယ်လေးရယ် ။ မင်းက ကျွန်တော် တတ်တာသိသွားရင် ပင်ပန်းမှာပေါ့ ဆိုပေမယ့်ပင်ပန်းခံတာနဲ့အမျှ မင်းကြိုးစားမှုကို မင်းအထက်အရာရှိကရော လစ်လှုရှုမယ်ထင်သလား..သူ့ရဲ့လက်အောက်က ဘယ်ဝန်ထမ်းဟာဖြင့်ကြိုးစားတယ် ဘယ်သူကဖြင့် အပါးခိုတယ် ၊ပျင်းရိတယ် စသည်ဖြင့်အစည်းအဝေးတိုင်းမှာ ပြောရတယ် ။ဆုပေး ဒဏ်ပေး စနစ်ဆိုတာရှိတယ်ကွ ။

ပိုင်ရှင်က အဆင့်ဆင့်အုပ်ချုပ်မှုတွေ ချပေးထားတာကလည်း သူ့ဝန်ထမ်းတွေရဲ့ လုပ်ရည်ကိုင်ရည်ကို သိချင်လို့ဘဲလေ။ မင်းတို့အထက်နေရာတွေကို အပြင်ကခေါ်ယူတာထက် အောက်ခြေကတက်လာတဲ့ ကျွမ်းကျင်ပြီးဖြစ်တဲ့မင်းတို့ထဲကတော်တဲ့သူတွေကိုဘဲ အဆင့်ဆင့် မြေတောင်မြှောက်ပေးချင်တာ ပိုင်ရှင်တွေရဲ့စိတ်ဘဲကွ။

မင်းဘက်ကလည်း အလုပ်ကို တာဝန်ကျေအောင်လုပ်ပေးနေတာထက် စေတနာလေးပါ ပိုဆောင်းပြီး လုပ်ပေးကြည့်စမ်းပါအုံး..အဲဒီ့စေတနာတွေအတွက်လည်း အလကားမဖြစ်ဘူး ငယ်လေးရ ။

ငါ့ကိုဒီလောက်ဘဲ ပေးထားတာ ဒါနဲ့ဘဲ တန်အောင်လုပ်ပေးမယ် ဆိုတာထက် ကိုယ်လုပ်နေတဲ့ အလုပ်ကို (ဘယ်လောက်ဘဲ သေးနှုတ်ပါစေ) စေတနာလေးထားပြီး ဂရုတစိုက် စိတ်နှစ်ပြီး လုပ်ပေးလိုက်ပါ ငယ်လေးရယ် ။

ကြိုးစားတဲ့သူအတွက် ကြိုးစားမှုကြောင့်ရတဲ့ အောင်မြင်မှုရဲ့ အသီးအပွင့်တွေကို ချိုမြိန်စွာ ခံစားရလေ့ရှိပါတယ်လို့ တရှည်တလျှားရှင်းပြခဲ့ရသေးတယ် ။

အစ်မ လေးလေးနက်နက် ပြောချင်တာက ကိုယ့်တက်လမ်းကိုတော့ ကိုယ်တိုင် မပိတ်ကြပါနဲ့ ငယ်လေးတို့ရယ်။။။

—————————
M-Media ပေးစာကဏ္ဍတွင် ဖော်ပြပေးစေလိုသူများ [email protected] သို့ စာမူများ ပေးပို့နိုင်ပါသည်။