ကော်ဖီသောက်ပြီးမှ အနိုင်ရခဲ့တဲ့ အမေရိကန် တင်းနစ်မယ် ဆရီနာ

ဇန်န၀ါရီ ၇၊ ၂၀၁၅
M-Media

– အမေရိကန်က နာမည်ကြီး တင်းနစ်မယ် ဆရီနာဝီလီယံတစ်ယောက် ပါ့သ်မြို့မှာ ကစားခဲ့တဲ့ Hopman Cup နိုင်ငံတကာ အသင်းလိုက် တင်းနစ်ပြိုင်ပွဲမှာ ထူးဆန်းတဲ့ တိုက်ဆိုင်မှုတစ်ခု ကြုံခဲ့ပါတယ်။

ဒါကတော့ ရှုံးနေရာကနေ ကော်ဖီသောက်ပြီးမှ ပြန်အနိုင်ရခဲ့တာပါပဲ။ ပထမပွဲငယ်မှာ အီတလီက ဖလာဗီယာ ပန်နက်တာကို အပြတ်အသတ်ရှုံးနိမ့်ခဲ့တဲ့ ဆရီနာတစ်ယောက် နားချိန်မှာ ဒိုင်လူကြီးဆီက ခွင့်တောင်းပြီး ကော်ဖီတစ်ခွက် မှာသောက်ခဲ့ပါတယ်။ အဲဒီနောက်ပိုင်း ကစားတဲ့ ပွဲငယ်တွေမှာတော့ ဆရီနာဟာ ၆-၃၊ ၆-၀ နဲ့ အနိုင်ရခဲ့ပါတယ်။

ဆရီနာက ပွဲချိန်အတွင်းမှာ ဒီလိုကော်ဖီသောက်တာမျိုး လုပ်လေ့လုပ်ထမရှိပါဘူးလို့ ပွဲအပြီးမှာ ပြောသွားခဲ့ပြီး ဒီကော်ဖီဟာ မှော်ဆန်တဲ့ ကော်ဖီလို့ ကင်ပွန်းတပ်ခဲ့ပါတယ်။

`ကျွန်မ ကော်ဖီသောက်ဖို့ အာသီသ ရှိခဲ့ပါတယ်။ ဒါ့ကြောင့်ပဲ ကော်ဖီတစ်ခွက်မှာခဲ့တာပါ။ ပြီးတော့ သောက်လို့ရလားဆိုတာလဲ ကျွန်မမေးခဲ့ပါသေးတယ်။ ဘာ့ကြောင့်လည်းဆိုတော့ ဒီလိုမျိုး တစ်ခါမှ မလုပ်ဖူးလို့ပါပဲ။ ကျွန်မနိုးထဖို့ လိုအပ်ခဲ့ပါတယ်´ လို့ ဆရီနာက သူ့ရဲ့ ဆန္ဒကို ဖွင့်ဟခဲ့ပါတယ်။

အဓိကဆုဖလား ၁၈ ခုရရှိထားတဲ့ ဆရီနာတစ်ယောက် ဒီလနှောင်းပိုင်း သြစတေးလျအိုးပင်းမှာ ၀င်ရောက်ယှဉ်ပြိုင်ကစားရမှာကြောင့် Hopman Cup ပြိုင်ပွဲဟာ ဖိအားတွေရှိခဲ့ပြီး ဖခင်ဖြစ်သူရဲ့ အကြံပေးမှုနဲ့ ၀င်ရောက်ယှဉ်ပြိုင်ခဲ့တာပါလို့ သူမက ဆိုပါတယ်။

ဆရီနာအနိုင်ရခဲ့သလိုပဲ ဂျွန်အစ္စနာကလည်း အီတလီ တင်းနစ်သမား ဖေဘီယို ဖော့ဂ်နီနီကို အနိုင်ရခဲ့တာကြောင့် အမေရိကန် အသင်းဟာ အုပ်စု A မှာ အီတလီအသင်းကို အနိုင်ရရှိခဲ့ပါတယ်။

Ref : dailymail