ကုရ်အာန်ကျမ်းတော်မြတ်အား ဥဇဘက်ဘာသာစကားသို့ အာဖဂန်ပညာရှင်တစ်ဦး ပြန်ဆို

ဇန်န၀ါရီ ၇၊ ၂၀၁၅
M-Media

ကုရ်အာန်ကျမ်းတော်မြတ်အား ဥဇဘက် ဘာသာစကားသို့ ပြန်ဆိုခဲ့သူ မောင်လာနာ အဘ်ဒူလ် ဟစီးဘ် ဟာဆဘ်

– နိုင်ငံအတွင်းရှိ ဥဇဘက်လူမျိုးများ ကုရ်အာန်ကျမ်းတော်မြတ်အား ကိုယ်တိုင် လေ့လာနိုင်စေရန် အတွက် အာဖဂန်နစ္စတန်ရှိ အစ္စလာမ့်ဓမ္မပညာရှင်တစ်ဦးမှာ ကုရ်အာန်ကျမ်းတော်မြတ်ကို ဥဇဘက်ဘာသာစကားသို့ ဘာသာပြန်ဆိုခဲ့သည်ဟု သိရသည်။

အဆိုပါ ဘာသာပြန်ဆိုမှုကို နိုင်ငံမြောက်ပိုင်း ဘဂ္ဂလန်ပြည်နယ်မှ အစ္စလာမ့်ဓမ္မပညာရှင် တစ်ဦးဖြစ်သူ မောင်လာနာ အဘ်ဒူလ် ဟစီးဘ် ဟာဆဘ်က ဆောင်ရွက်ခဲ့ခြင်းဖြစ်သည်။ မောင်လာနာ ဟာဆဘ်၏ ကြိုးပမ်းအားထုတ်မှုကို ဂုဏ်ပြုသည့်အနေဖြင့် ဥဇဘက် လူ့အဖွဲ့အစည်းက ပြီးခဲ့သည့် သီတင်းပတ်တွင် ဥဇဘက်ဒေသမြို့တော် ဖာယဘ်တွင် အခမ်းအနားတစ်ခု ပြုလုပ်ခဲ့သည်။

အဆိုပါဂုဏ်ပြုပွဲအခမ်းအနားတွင် မောင်လာနာ ဟာဆဘ်က ကုရ်အာန်ကျမ်းတော်မြတ်အား ဥဇဘက်ဘာသာသို့ ပြန်ဆိုရခြင်း၏ အဓိကရည်ရွယ်ချက်မှာ အစ္စလာမ်၏ သွန်သင်ချက်များကို ဥဇဘက်လူ့အဖွဲ့အစည်းအတွင်း ထွန်းလင်းလာစေရန်သာဖြစ်သည်ဟု ပြောကြားခဲ့သည်။

`ကုန်အာန်ကျမ်းတော်မြတ်သင်ကြားမှုဖောင်ဒေးရှင်း ဆိုတဲ့ အဖွဲ့တစ်ခု ကျွန်တော်တို့မှာ ရှိပါတယ်။ ဒီအဖွဲ့ဟာ နိုင်ငံတစ်ဝှမ်းလုံးမှာ အစ္စလာမ့်ဓမ္မပညာရေးကို မြှင့်တင်ပေးဖို့ပါပဲ´ ဟု ၎င်းက ဆိုပြီး ကုရ်အာန်ကျမ်းတော်မြတ် ဘာသာပြန်ရန် အချိန် ၇ နှစ်ခန့် ယူခဲ့ရကြောင်း၊ နိုင်ငံတစ်ဝှမ်း အလွယ်တကူရရှိနိုင်ရန်အတွက် အဆိုပါ ဘာသာပြန် ကော်ပီပေါင်း အနည်းဆုံး ၂၀၀၀ ကို ရိုက်နှိပ်ဖြန့်ချီရန် စီစဉ်ထားကြောင်း ထည့်သွင်း ပြောကြားခဲ့သည်။

အာဖဂန်၏ အကျော်ကြားဆုံး ဓမ္မပညာရှင်များထဲမှ တစ်ဦးဖြစ်သူ ဒေါက်တာ မိုဟာမက် အယက်ဇ် နီယာဇီကလည်း ထိုအားထုတ်မှုအား ချီးကျူးပြောဆိုခဲ့သည်။

`ဥဇဘက်လူ့အဖွဲ့အစည်းနဲ့ အာဖဂန်တစ်နိုင်ငံလုံးအတွက် ကောင်းမွန်တဲ့ ဆောင်ရွက်ချက် ဖြစ်ပါတယ်´

အလ်-အဇ်ဟာရ် တက္ကသိုလ်မှ ဘွဲ့ရခဲ့သည့် ဒေါက်တာ နီယာဇီမှာ မြို့တော် ကဘူးလ်ရှိ ၀ါဇီရ် အက္ကဘာရ်ခန်း ဂျာမေ ဗလီဝတ်ကျောင်းတော်၏ ရှေ့ဆောင်ဆရာတော်လည်း ဖြစ်ပြီး၊ ထိုကဲ့သို့ ဘာသာပြန်ဆိုမှုက ဥဇဘက်လူ့အဖွဲ့အစည်းတွင်း ဂုဏ်ယူစရာ ဖြစ်လာမည်ဖြစ်ပြီး အစ္စလာမ့်သွန်သင်ချက်များလည်း ဖွံ့ဖြိုးလာမည်ဟု ဆိုသည်။

`ဥဇဘက်ညီအစ်ကိုမောင်မနှတွေဟာ အခုအချိန်မှာတော့ သူတို့ရဲ့ မိခင်ဘာသာစကားနဲ့ အစ္စလာမ့်ရဲ့ သွန်သင်မှုတွေကို ရရှိတော့မှာ ဖြစ်တာကြောင့် ဂုဏ်ယူနိုင်ပါလိမ့်မယ်။ ပြီးတော့ ဒါဟာ သူတို့အတွက် လေ့လာသင်ယူမှု နည်းလမ်းတွေအတွက်လည်း လမ်းပွင့်သွားပါလိမ့်မယ်´ ဟု ထပ်လောင်းပြောကြားခဲ့သည်။

ထုိ့ပြင် အာဖဂန်၏ လူမျိုးစုံရှိသော လူ့အဖွဲ့အစည်းအတွင်း လူမျိုးတစ်ခုချင်းဆီမှာ ၎င်းတို့၏ ကိုယ်ပိုင် ဂုဏ်ယူဖွယ်ရာများ ရှိနေပြီး ထိုဂုဏ်ယူဖွယ်ရာများက မွတ်စလင်လူ့အဖွဲ့အစည်းအတွင်း ဂုဏ်သတင်းများ ထပ်ပေါင်းပေးမည်မှာ ဧကန်ဖြစ်ကြောင်း ၎င်းက ထည့်သွင်းပြောကြားခဲ့သည်။

အာဖဂန်နစ္စတန်တွင် ဥဇဘက်လူမျိုး အရေအတွက်မှာ ၅ သန်းဝန်းကျင်ရှိပြီး နိုင်ငံအနောက်မြောက်ပိုင်း ပြည်နယ်များဖြစ်သည့် ဖာယဘ်၊ ဘဒ်ဂစ်နှင့် ဂျော်ဇ်ဂျန် ဒေသတို့တွင် နေထိုင်ကြသည်။

ချီးကျူးမှု

ဟာဆဘ်၏ ထိုအားထုတ်မှုနှင့် ပတ်သက်၍ ဥဇဘက်ဒေသရှိ ရပ်မိရပ်ဖများနှင့် ပညာရှင်များကလည်း ချီးကျူးခဲ့ကြကာ အာရဘီ ဘာသာစကား သင်ယူရေး၏ အရေးပါမှုကိုလည်း အလေးအနက်ထား ပြောကြားခဲ့ကြသည်။

ဥဇဘက်လူမျိုး အစ္စလာမ်ဓမ္မပညာရှင်တစ်ဦးဖြစ်သူ မော်လ၀ီ အက်ဆက်ဒွလ္လာဟ် ဂျမားလ်ကလည်း အဆိုပါ ဘာသာပြန်ဆိုမှုမှာ အချိန်တိုင်း လုံးဝလိုအပ်နေသည့်အရာဖြစ်သည်ဟု ပြောကြားခဲ့သည်။

`မောင်လာနာ ဟာဆဘ် ဆောင်ရွက်ခဲ့တဲ့အရာဟာ တကယ့်ကို အံ့သြလောက်စရာပါပဲ။ ကျွန်တော်တို့မှာ ပက်ရ်ှတို၊ ဒါရီ၊ အင်္ဂလိပ် ဘာသာစကားနဲ့တောင် ကုရ်အာန်ကျမ်းတော်မြတ် ဘာသာပြန်တွေရှိပြီး ကျွန်တော်တို့ရဲ့ ကိုယ်ပိုင် ဥဇဘက်ဘာသာစကားနဲ့ ရှိမနေခဲ့တာက ဆိုးရွားမှုတစ်ခုပါပဲ´ ဟု ဂျမားလ်က ဆိုသည်။

အခြားသော ခေါင်းဆောင်တစ်ဦးဖြစ်သူ မော်လ၀ီ အစ္စမာအီလ် မူဂျာဟစ်ကလည်း မောင်လာနာ ဟာဆဘ်၏ ဆောင်ရွက်မှုမှာ နှိုင်းယှဉ်၍မရဘဲ၊ အချိန်ကာလကြာရှည်စွာ သတိတရ ရှိနေမည်ဟု ပြောကြားခဲ့သည်။

ကုရ်အာန်ကျမ်းတော်မြတ်ကို ဥဇဘက်ဘာသာသို့ ပြန်ဆိုခြင်းအပြင် မောင်လာနာ ဟာဆဘ်မှာ အာရဘီဘာသာစကားနှင့် ရေးသားထား သည့် အစ္စလာမ့်ဓမ္မဆိုင်ရာ ကျမ်းစာအုပ် ၅ အုပ်ကိုလည်း ဥဇဘက်ဘာသာစကားသို့ ပြန်ဆိုထားပြီးဖြစ်သည်။

Ref : onislam