သက်ရှိများ နေထိုင်နိုင်ဖွယ်ရှိသည့် ဂြိုဟ်သစ် ၈ လုံး ထပ်မံတွေ့ရှိ

ဇန်န၀ါရီ ၇၊ ၂၀၁၅
M-Media

– မပူလွန်း မအေးလွန်းသည့်ဇုန် Goldilocks Zone တွင် ရှိပြီး ရေနှင့် သက်ရှိများရှိနိုင်သည်ဟု ယူဆရကာ ကိုယ်ပိုင်ကြယ်များကို လှည့်ပတ်နေသော ဂြိုဟ်သစ် ၈ လုံးကို ထပ်မံ တွေ့ရှိခဲ့သည်ဟု နက္ခတဗေဒပညာရှင်များက ယမန်နေ့တွင် ကြေညာလိုက်သည်။

ထိုတွေ့ရှိမှုကြောင့် လူသားများနေထိုင်၍ရသောဇုန်အတွင်း ရှိမည်ဟု ယုံကြည်ရပြီး ကမ္ဘာနီးနီးအရွယ်အစားရှိ ဂြိုဟ်များ၏ အရေအတွက်ကို ၂ ဆနီးပါး ဖြစ်လာစေမည် ဖြစ်သည်။

အဆိုပါ ဂြိုဟ် ၈ လုံးမှ ၂ လုံးမှာ မိမိတို့ နေအဖွဲ့အစည်း၏ အပြင်ဘက်တွင် ယခုအချိန်အထိ တွေ့ရှိထားသော ဂြိုဟ်များထဲမှ ကမ္ဘာနှင့်အတူဆုံး ဖြစ်နေသည်ဟု ဆီယက်တဲလ်တွင် ပြုလုပ်ခဲ့သည့် အမေရိကန် နက္ခတဗေဒအသိုက်အ၀န်း၏ ၂၂၅ ကြိမ်မြောက် အစည်းဝေးတွင် နက္ခတဗေဒပညာရှင်များက ထည့်သွင်းပြောကြားခဲ့သည်။

`ဒီဂြိုဟ်တွေထဲက အများစုမှာ ကမ္ဘာလို ကုန်းမြေတွေရှိဖို့ အခွင့်အရေးကောင်းတွေ ရှိနေပါတယ်´ ဟု နက္ခတဗေဒပညာရှင် ဂူလီယာမို တောရက်စ်က ပြောကြား ခဲ့သည်။

အဆိုပါဂြိုဟ်များကို နာဆာ၏ ကက်ပလာမစ်ရှင်အတွင်း တွေ့ခဲ့ခြင်းဖြစ်ပြီး ၎င်းတို့၏ ထုထည်ကို တိုင်းတာရန် အလွန်သေးငယ်နေသော ကြောင့် BLENDER ဟုခေါ်သည့် ကွန်ပျူတာ ပရိုဂရမ်တစ်ခုကို အသုံးပြုခဲ့ရသည်။

ယခုအချိန်အထိ တွေ့ရှိခဲ့ရသည့် ဂြိုဟ်များအနက်မှ ကမ္ဘာနှင့်အတူဆုံးဟု သတ်မှတ်ထားသည့် ဂြိုဟ်များမှာ ကမ္ဘာဂြိုလ်မှ အလင်းနှစ် ၄၇၀ အကွာအဝေးတွင်ရှိသည့် Kepler- 438b နှင့် အလင်းနှစ် ၁၁၀၀ အကွာအဝေးတွင်ရှိသည့် Kepler-442b ဂြိုဟ်တို့ ဖြစ်ကြသည်။

Kepler-438b မှာ ကမ္ဘာကြီးထက် ၁၂ ဆခန့်ကြီးပြီး ကမ္ဘာကဲ့သို့ ကုန်းမြေရှိနိုင်သည့် ရာခိုင်နှုန်းမှာ ၇၀ ခန့်ရှိသည်ဟု သိပ္ပံပညာရှင်များက ဆိုသည်။ Kepler-442b မှာလည်း ကမ္ဘာထက် ၃ ခန့်ကြီးပြီးကုန်းမြေတည်ရှိမှု ဖြစ်နိုင်ချေမှာ ၅ ပုံ ၃ ပုံခန့် ရှိနေသည်။

Ref: alarabiya