ပျောက်ဆုံး Air Asia လေယာဉ်၏ Black Box တွေ့ရှိရန် နီးစပ်လာ

ဇန်န၀ါရီ ၁၁၊ ၂၀၁၅
M-Media

ပျက်ကျသွားခဲ့သည့် လေယာဉ်အမြီးပိုင်း

– ဂျာဗားပင်လယ်ထဲသို့ ပျက်သွားခဲ့သည့် Air Asia လေကြောင်းလိုင်းမှ Airbus A320-200 လေယာဉ် အမြီးပိုင်း ဆယ်ယူရရှိခဲ့သော နေရာ၏ ၁ ကီလိုမီတာ အကွာဝေးမှနေ၍ Black Box အချက်ပြမှုကို ထင်ထင်ရှားရှား ရရှိနေသည်ဟု အင်ဒိုနီးရှား တာဝန်ရှိသူများက ယနေ့နံနက်ပိုင်းတွင် ပြောကြားလိုက်သည်။

အမြီးပိုင်းကိုမူ ယမန်နေ့က ဆယ်ယူရရှိခဲ့ပြီး ပင်လယ်ရေအောက် မီတာ ၃၀ အနက်တွင် ရှိမည်ဟု ယူဆရသည့် အဆိုပါ Black Box တည်နေရာကို စစ်တပ်မှ ရေငုပ်သမားများက ရှာဖွေလျက်ရှိနေသည်ဟု အင်ဒိုနီးရှား အမျိုးသား ရှာဖွေကယ်ဆယ်ရေး အေဂျင်စီ ဒါရိုက်တာ အက်စ် ဘီ ဆူပရီယာဒီက ဆိုသည်။

`အမြီးပိုင်း တွေ့ရှိတဲ့နေရာရဲ့ အရှေ့ဘက် ၁ ကီလိုမီတာလောက်မှာ အချက်ပြမှု ကို ဖမ်းယူရရှိခဲ့ပါတယ်´ ဟု ဆူပရီယာဒီက AFP သတင်းဌာနသို့ ပြောကြားခဲ့သည်။

သို့သော်လည်း Air Asia စီအီးအိုဖြစ်သူ တိုနီဖာနန်ဒက်ဇ်ကမူ Black Box ဟုတ်မဟုတ် မသေချာသေးဟု ပြောကြားခဲ့သည်။

အင်ဒိုနီးရှား မိုလေ၀သဌာနကမူ Airbus A320-200 ပျက်ကျမှုမှာ ရာသီဥတုကြောင့် ဖြစ်နိုင်သည်ဟု ပြောကြားထားသော်လည်း လောာဉ်မှုများ၏ နောက်ဆုံးစကားများကို မှတ်တမ်းတင်ထားသည့် Black Box ရှာဖွေရှိမှသာ လေယာဉ်ပျက်ကျရသည့် အကြောင်းအရင်း တိတိကျကျကို သိရှိနိုင်မည်ဖြစ်သည်။

လွန်ခဲ့သည့် နှစ်ပတ်ခန့်က အင်ဒိုနီးရှားနိုင်ငံ ဆူရာဘာယာမှ စင်ကာပူသို့အသွား လမ်းတွင် ပျောက်ဆုံးသွားခဲ့သည့် အဆိုပါ လေယာဉ်တွင် လေယာဉ်အမှူထမ်းနှင့် ခရီးသည် စုစုပေါင်း ၁၆၂ ဦး ပါဝင်ဦး မည်သူမှ အသက်ရှင်ကျန်ရစ်ဖွယ် မရှိချေ။

Ref : channelnewsasia