ပလာတီနီ၏ အိမ်အတွင်းသို့ ရော်နယ်ဒို၏ ပရိတ်သတ်က ဘောလုံးများ ကန်သွင်း

ဇန်န၀ါရီ ၁၁၊ ၂၀၁၅
M-Media

– ကမ္ဘာ့အကောင်းဆုံး ဘောလုံးသမားဆု Ballon d’Or မည်သူရသင့်သည်ဆိုသည့် မှတ်ချက်ပေးမှုကို မကျေနပ်သည့်အတွက်ကြောင့် ယူအီးအက်ဖ်အေဥက္ကဌ ပလာတီနီ၏ အိမ်အတွင်းသို့ ခရစ္စတီယာနိုရော်နယ်ဒို၏ ပရိတ်သတ်များက ဘောလုံးများ ကန်သွင်းခဲ့သည်ဟု သိရသည်။

လွန်ခဲ့သည့် ၁၂ လတာ ကာလအတွင်း စွမ်းဆောင်ခဲ့သည်များကို ကြည့်ရှုဆုံးဖြတ်ကာ ချီးမြှင့်မည့် အဆိုပါဆု ဇကာတင်စာရင်းတွင် ရော်နယ်ဒို၊ မက်ဆီနှင့် ဂျာမနီဂိုးသမား နူအာတုိ့ ပါဝင်နေပြီး ရော်နယ်ဒိုက ရရှိရန် ရေပန်းစားနေသည်။

သို့သော်လည်း မကြာသေးမီက ပြုလုပ်ခဲ့သော အင်တာဗျူးတစ်ခုတွင် ပလာတီနီက ရော်နယ်ဒိုကိုကျော်၍ နူအာက ရရှိသင့်သည်ဟု ဖြေကြားခဲ့ပြီး ထိုမှတ်ချက်ကို မကျေနပ်သည့် ရော်နယ်ဒို၏ ပရိတ်သတ်များက ပဲရစ်မြို့ရှိ ပလာတီနီ၏ နေအိမ်အတွင်းသို့ ဘောလုံး ၆၁ လုံး ကန်သွင်းခဲ့သည်။

ဘောလုံးကန်သွင်းကြသူများမှာ တစ်ကိုယ်လုံး အနက်ရောင် ၀တ်ဆုံများ ၀တ်ဆင်ထားပြီး ၎င်းတို့ ကန်သွင်းသော အရေအတွက်မှာလည်း ပြီးခဲ့သည့် ၁၂ လအတွင်း ရော်နယ်ဒို သွင်းယူခဲ့သည့် ဂိုးအားလုံး၏ အရေအတွက် ဖြစ်သည်။

ကလပ်အသင်းများ ကမ္ဘာ့ဖလားပြိုင်ပွဲတွင် ရော်နယ်ဒိုက ပလာတီနီအား လက်ဆွဲနှုတ်ဆက်ခြင်း မပြုလုပ်ခဲ့ပြီးနောက် ၎င်းတို့နှစ်ဦး ဆက်ဆံရေးမှာ ချောမွေ့မှုမရှိဟု သတင်းများက ဖော်ပြခဲ့ကြသည်။ သို့သော်လည်း ရော်နယ်ဒိုနှင့် ပလာတီနီတို့ ၂ ဦးစလုံးက ထိုသတင်းကို ငြင်းဆိုခဲ့ကြသည်။

ဖီဖာဥက္ကဌ ဆပ်ဘလတ္တာကလည်း ရော်နယ်ဒိုမှာ ဘောလုံးကစားခြင်းထက် ဆံပင်သခြင်း၌သာ ပို၍ အချိန်ကုန်သည်ဟု ပြီးခဲ့သည့် တစ်နှစ်ခန့်က ဝေဖန်ပြောကြားခဲ့ဖူးသည်။

Ref: Goal.com