ပဲရစ်တိုက်ခိုက်မှုအတွင်း သေဆုံးသွားသူများအတွက် ချီတက်လမ်းလျှောက်မှု လူသန်းချီပါဝင်

ဇန်န၀ါရီ ၁၂၊ ၂၀၁၅
M-Media

– ပြီးခဲ့သည့် သီတင်းပတ်က ပဲရစ်မြို့အတွင်း ဖြစ်ပွားခဲ့သော တိုက်ခိုက်မှုနှစ်ခုတွင် သေဆုံးသွားခဲ့ရသူများနှင့် တစ်သားတည်းရှိမှုကို ပြသသည့် ချီတက်မှုများအတွင်း ကမ္ဘာ့ခေါင်းဆောင်များ အပါအ၀င် လူပေါင်းသန်းချီ ပါဝင်ခဲ့ကြသည်ဟု သိရသည်။

ယမန်နေ့က ပြုလုပ်ခဲ့သည့် အဆိုပါ ချီတက်မှုတွင် ပဲရစ်မြို့တစ်ခုတည်း၌ပင် လူပေါင်း ၁.၆ သန်း ပါဝင်ခဲ့ကြသည်။ Charlie Hebdo သတင်းစာတိုက် တိုက်ခိုက်မှုအတွင်း သေဆုံးသွားခဲ့သော ၀န်ထမ်းများ၏ မိသားစုများပါ ပါဝင်သည့် အဆိုပါ လူအုပ်ကြီးမှာ ပဲရစ်မြို့ရှိ သမိုင်းဝင် Place de la Republique နေရာ တွင် စုရပ်လုပ်ကာ ၃ ကီလိုမီတာဝေးသော မြို့အရှေ့ပိုင်းရှိ Republique to Place de la Nation နေရာသို့ ချီတက်ခဲ့ကြသည်။

အဆိုပါ ချီတက်ပွဲတွင် ဗြိတိန်ဝန်ကြီးချုပ် ဒေးဗစ်ကင်မရွန်း၊ ဂျာမနီအဓိပတိ အိန်ဂျလာမာကဲလ်၊ စပိန်ဝန်ကြီးချုပ် မာရီယာနိုတို့ အပါအ၀င် ကမ္ဘာ့ခေါင်းဆောင် များလည်း တက်ရောက်ခဲ့ကြပြီး၊ ပါလက်စတိုင်းသမ္မတ မဟ်မူဒ်းအဘတ်စ်၊ ဂျော်ဒန်ဘုရင် အဘ်ဒူလာ ၂ နှင့် မိဖုရားတို့ အပါအ၀င် မွတ်စလင်နိုင်ငံများမှ ခေါင်းဆောင် တစ်ဒါဇင်ကျော် ပါဝင်ခဲ့ကြသည်။

ထိုကဲ့သို့ ချီတက်ပွဲများကို ပြင်သစ်နိုင်ငံတစ်ဝှမ်းတွင် ပြုလုပ်ခဲ့ကြပြီး စုစုပေါင်း ပါဝင်သူဦးရေ ၃.၇ သန်းခန့်ရှိကာ ပြင်သစ်မွတ်စလင်များ ကလည်း အင်တိုက် အားတိုက် ပါဝင်ခဲ့ကြသည်။

ပြီးခဲ့သည့် ဗုဒ္ဓဟူးနေ့က ဖြစ်ပွားခဲ့သော သတင်းစာတိုက် တိုက်ခိုက်မှုတွင် မွတ်စလင်ရဲအရာရှိပါအ၀င် ရဲတပ်ဖွဲ့ဝင် ၂ ဦး၊ သတင်းစာ တိုက်မှ ၀န်ထမ်း ၁၀ ဦး စုစုပေါင်း ၁၂ ဦးသေဆုံးခဲ့ပြီး၊ ၂ ရက်အကြာ ပဲရစ်မြို့ ဆူပါမားကတ်တစ်ခုတွင် ဖြစ်ပွားခဲ့သော အပိုင်စီးမှု တစ်ခုတွင်လည်း လူ ၅ ဦးသေဆုံးခဲ့သည်။

ပြီးခဲ့သည့်နှစ် ဇူလိုင်လက ဂျာနယ်လစ် ၁၇ ဦးအပါအ၀င် ပါလက်စတိုင်းပြည်သူ ၂၂၀၀ ကျော် သေဆုံးခဲ့သော အစ္စရေး၏ ကျူးကျော်စစ်အတွင်း ဝေဖန်ခံနေရသည့် အစ္စရေးဝန်ကြီးချုပ် နေတန်ယာဟုလည်း ပဲရစ်တွင်ပြုလုပ်ခဲ့သည့် ချီတက်မှုတွင် ပါဝင်ခဲ့သည်။

Ref : aljazeera