ရော်နယ်ဒိုတွေ ကံကောင်းတဲ့နေ့

ဇန်န၀ါရီ ၁၄၊ ၂၀၁၅
M-Media

– ဇန်န၀ါရီ ၁၂ ရက် တနင်္လာနေ့မှာ ရီးယဲလ်မက်ဒရစ်တိုက်စစ်မှူး ခရစ္စတီယာနိုရော်နယ်ဒိုဟာ ကမ္ဘာ့အကောင်းဆုံး ဘောလုံးသမားဆု ရရှိခဲ့တာကို လူတိုင်းသိကြမှာပါ။

ပြီးခဲ့တဲ့ ၁၂ လတာအတွင်းမှာ အကောင်းဆုံး စွမ်းဆောင်နိုင်ခဲ့တာကြောင့် ရခဲ့တယ်လို့ ပြောလို့ရပေမယ့် ကံတရားကလည်း အကြောင်းအရင်းတစ်ခု ဖြစ်ခဲ့ပါတယ်။ အဲဒီနေ့မှာပဲ နောက်ထပ် ကံကောင်းခဲ့တဲ့ ရော်နယ်ဒိုတစ်ယောက် ရှိခဲ့ပါတယ်။

သူကတော့ ရီးယဲလ်မက်ဒရစ် ကစားသမားသမားဟောင်း ဖြစ်ခဲ့ဖူးသူ ဘရာဇီးလ် ဂန္တ၀င်တိုက်စစ်မှူးဟောင်း ရော်နယ်ဒိုပဲဖြစ်ပါတယ်။

ကမ္ဘာ့အကောင်းဆုံး ဘောလုံးသမားဆုကို ၃ ကြိမ်တိုတိုင်ရရှိခဲ့တဲ့ ရော်နယ်ဒိုတစ်ယောက် ဘဟားမားစ်မှာ ပြုလုပ်ခဲ့တဲ့ ကာရစ်ဘီယံ ပိုကာပြိုင်ပွဲ PCA မှာ ကန်ဒေါ်လာ ၄၂၁၈၀ အနိုင်ရခဲ့တာပါ။ အဲဒီပိုကာပြိုင်ပွဲဟာ လက်ရှိမှာ ဆက်လက်ကစားနေပြီး ပြိုင်ပွဲပြီးဆုံးလို့ ငွေပမာဏအများဆုံး ရရှိအောင် ကစားနိုင်သူဟာ ဆုကြေး ကန်ဒေါ်လာ ၁.၄ သန်း ရရှိမှာ ဖြစ်ပါတယ်။

ဘောလုံးလောကမှာ ပြိုင်ဘက်မရှိတဲ့ စွမ်းရည်တွေကို ပိုင်ဆိုင်ခဲ့တဲ့ ရော်နယ်ဒိုဟာ ပိုကာလောကမှာလည်း ကမ္ဘာ့အဆင့်ကစားသမား ဖြစ်နေပြီး အခုပြိုင်ပွဲမှာ ၀င်ကစားတဲ့ ကစားသမား ၈၁၆ ဦးမှာ အဆင့် ၂၆ နေရာမှာ ရှိနေပါတယ်။

`ကျွန်တော် တကယ့်ကို စိတ်လှုပ်ရှားနေပါတယ်။ ဘောလုံးလောကရဲ့ အမြင့်ဆုံးအဆင့်မှာ ကစားတဲ့အခါ ခံစားရတဲ့ ခံစားမှုမျိုးပါပဲ။ အတွေ့အကြုံကလည်း တော်တော်ကောင်းပါတယ်။ ကျွန်တော့်ရဲ့ ပထမဆုံး ရည်ရွယ်ချက်က ပြိုင်ပွဲကြီးတစ်ခုမှာ ဆုတစ်ခုရဖို့ ဖြစ်ပြီး ဒါကို ကျွန်တော် လုပ်နိုင်ခဲ့ပါတယ်´ လို့ ရော်နယ်ဒိုက သူ့ရဲ့ ပီတိကို ဖွင့်ဟခဲ့ပါတယ်။

ရော်နယ်ဒိုဟာ ပြီးခဲ့တဲ့ ၂၀၁၄ နှစ်ကုန်ပိုင်းလောက်မှာ တင်းနစ်အကျော်အမော် ရာဖေးလ်နာဒယ်လ်နဲ့ ပိုကာကစားခဲ့ပြီး အဲဒီပွဲမှာတော့ ရှုံးနိမ့်ခဲ့ပါတယ်။

Ref : dailymail