တောရက်စ်မှာ အက်သလက်တီကိုနှင့် အံဝင်ခွင်ကျဖြစ်သည်ဟု ဘိုင်ယန်နည်းပြဆို

ဇန်န၀ါရီ ၁၇၊ ၂၀၁၅
M-Media

– တိုက်စစ်မှူး ဖာနန်ဒိုတောရက်စ်အား ပြန်လည်ခေါ်ယူခဲ့သည့် နည်းပြ ဆီမြွန်နီ၏ ဆုံးဖြတ်ချက်မှာ မှန်ကန်ပြီး တောရက်စ်မှာလည်း အက်သလက်တီကို အသင်းဖြင့်သာ အံဝင်ခွင်ကျဖြစ်သည်ဟု ဘိုင်ယန်နည်းပြ ဂွာဒီယိုလာက ပြောကြားလိုက်သည်။

အက်သလက်တီကိုအသင်းနှင့် အောင်မြင်ခဲ့သည့် တောရက်စ်မှာ ၂၀၀၇ ခုနှစ်က လီဗာပူးလ်သို့ ပြောင်းရွှေ့ခဲ့ပြီး နောက်ပိုင်းတွင် ချယ်ဆီး၊ အေစီမီလန်အသင်းတို့၌ ကျင်လည်ခဲ့သော်လည်း ခြေစွမ်းကောင်းများ ပြသနိုင်ခြင်း မရှိခဲ့ပေ။

သို့သော်လည်း အသင်းဟောင်းအက်သလက်တီကိုက ယခုနှစ်ဆောင်းရာသီတွင် ၎င်းအားအေစီမီလန်အသင်းမှ အငှားဖြင့် ပြန်လည်ခေါ်ယူခဲ့သည်။ ပုံမှန်ခြေစွမ်း မပြနိုင်ဘဲ ဂိုးပေါက်ပျောက်နေသည့် တောရက်စ်အတွက် ဝေဖန်မှုများ ရှိခဲ့သော်လည်း တောရက်စ်မှာ ကြာသာပတေးနေ့က ကစားခဲ့သည့် စပိန်ရှုံးထွက်ဖလားပွဲ ဒုတိယအကျော့ ရီးယဲလ်နှင့် ၂ ဂိုးစီ သရေကျသည့်ပွဲစဉ်တွင် အသင်းအတွက် ၂ ဂိုးစလုံး သွင်းယူပေးခဲ့သည်။

ပထမအကျော့တွင် အနိုင်ရရှိထားသည့် အက်သလက်တီကိုမှာ ထိုပွဲသရေကြောင့် နောက်တစ်ဆင့်သို့ တက်ရောက်နိုင်ခဲ့သည်။

ဘာစီလိုနာအသင်း၏ နည်းပြဟောင်းဖြစ်ပြီး လက်ရှိတွင် ဘိုင်ယန်မြူးနစ် နည်းပြဖြစ်နေသည့် ဂွာဒီယိုလာကမူ တောရက်စ်မှာ အက်သလက်တီကို အသင်းနှင့်သာ လိုက်ဖက်သည်ဟု ပြောကြားခဲ့သည်။

`တောရက်စ်က ကစားသမားကောင်းတစ်ယောက်ပါ။ အက်သလက်တီကိုဟာ သူ့ရဲ့နှလုံးသားထဲက အသင်းဆိုတာ သူ သိပါတယ်။ သူဟာ အဲဒီအသင်းနဲ့ အလိုက်ဖက်ဆုံးသူပါ။ ဆီမြွန်နီဟာ တန်ပြန်တိုက်စစ်ကစားရတာကို ကြိုက်ပြီး တောရက်စ်ကလည်း အဲဒီစနစ်နဲ့ အံ့ဝင်ခွင်ကျဖြစ်ပါတယ်´ ဟု ဂွါဒီယိုလာက သတင်းထောက်များအား ပြောကြားခဲ့သည်။

ထို့ပြင် အက်သလက်တီကိုမက်ဒရစ်အသင်းမှာ ချန်ပီယံလိဂ်တွင် ဘိုင်ယန်၏ အကြီးမားဆုံး ပြိုင်ဘက် ၅ သင်းမှ တစ်သင်းလည်း ဖြစ်သည်ဟု ၎င်းက ထည့်သွင်းပြောကြားခဲ့သည်။

Ref : Goal.com