မဟာတမန်တော်နေ့ အခမ်းအနား ကျောက်ဆည်ခရိုင်မှာ ကျင်းပပြုလုပ်

ဇန်နဝါရီ ၁၉ ၊ ၂၀၁၅
M-Media
သတင်း/ဓါတ်ပုံ- မောင်ကောင်းမြတ် (M-Media CJ)

၁၄၈၉ ကြိမ်မြောက် တမန်တော်နေ့ အထိမ်းအမှတ် အခမ်းအနား တရပ်ကို ၂၀၁၅ ခုနှစ် ဇန်နဝါရီလ ၁၈ ရက် တနင်္ဂနွေနေ့ န့မနက်၉း၃၀ မှ ၁၁း၃၀ ထိ ကျောက်ဆည်မြို့ မြင်းစိုင်း ခန်းမမှာ ကျင်းပပြုလုပ်ခဲ့ကြောင်း သိရပါတယ်။

အဆိုပါ အခမ်းအနားကို  ကျောက်ဆည်ခရိုင် ဘာသာပေါင်းစုံ ချစ်ကြည်ရေးအဖွဲ့ နှင့် ခရိုင် အစ္စလာမ် သာသနာရေးရာ ကောင်စီတို့မှ ပူးပေါင်း ကျင်းပခဲ့တာဖြစ်ပါတယ်။

အခမ်းအနားကို မန္တလေးတိုင်းဒေသကြီး အစ္စလာမ်သာသနာရေးရာကောင်စီ ဓမ္မသတ်မှုး မောင်လာနာ မုဟမ္မဒ် အမီန်း  ကျမ်းတော်မြတ်ကုရ်အာန်၏ မုက္ခပါဌ်တော်များကို ရွတ်ဖတ် သရစ္ဈယ် ၍ ဖွင့်လှစ်ခဲ့ပြီး မြို့နယ် သံဃနာယကအဖွဲ့ ဆရာတော်တစ်ပါးမှ သြဝါဒချီးမြှင့်ပေးခဲ့ပါတယ်။

အစ္စလာမ်သာသနာရေးရာကောင်စီ ဌာနချုပ်ဥက္ကဌနှင့် ပြည်ထောင်စု သမ္မတမြန်မာနိုင်ငံတော် ဘာသာပေါင်းစုံ ချစ်ကြည်ညီညွတ်ရေး ဗဟိုအမှု့ဆောင်အဖွဲ့ ဒုတိယဥက္ကဌ အလ်ဟာ့ဂ်ျ ဦးညွန့်မောင်ရှိန်မှ နှုတ်ခွန်းဆက် အမှာစကားပြောကြားခဲ့ပါတယ်။

အဲဒီနောက် မန္တလေးတိုင်းဒေသကြီး ဘာသာပေါင်းစုံ ချစ်ကြည်ညီညွတ်ရေးအဖွဲ့ ဥက္ကဌ သီဟသုဓမ္မ မဏိဇောတဓရ ဦးကျော်ဝင်း၊ ကျောက်ဆည် ခရိုင် အထွေထွေအုပ်ချုပ်ရေး ဦးစီးဌာန ခရိုင်အုပ်ချုပ်ရေးမှုး ဦးမြင့်နိုင်၊ ကျောက်ဆည်ခရိုင် ဘာသာပေါင်းစုံ ချစ်ကြည်ညီညွတ်ရေး အဖွဲ့ဥက္ကဌ ဆရာကြီးဦးကျော်မောင်၊ ကျောက်ဆည်ခရိုင် သာသနာရေး ဦးစီးဌာနခရိုင်သာသနာရေးဦးစီးမှုး ဦးအောင်ခိုင်တို့မှ အသီးသီး အမှာစကားများ ပြောကြားခဲ့ပါတယ်။

အဲဒီနောက်မှာတော့ ကျောက်ဆည်မြို့နယ် အိုလမာသာသနာ့ ပညာရှင်များ ဒုဥက္ကဌမှမြန်မာနိုင်ငံငြိမ်းချမ်းရေး အတွက် ဆုမွန်ကောင်းတောင်းပြီး အခမ်းအနားကို အောင်မြင်စွာ ရုတ်သိမ်းခဲ့ကြောင်း သိရှိပါတယ်။

အဆိုပါ တမန်တော်နေ့ အခမ်းအနားသို့ ဧည့်ပရိတ်သတ်(၂၅၀)ခန့် တက်ရောက်ခဲ့ပြီး ဧည့်ပရိတ်သတ်များကို ကြက်သား ဒံပေါက်ထမင်းဖြင့် တည်ခင်းဧည့်ခံခဲ့ကြောင်း သတင်းရရှိပါတယ်။