နှစ်ကူးအကြိုည ရှန်ဟိုင်းလူသေမှုအတွက် တာဝန်ရှိသူ ၁၁ ဦးကို တရုတ်အစိုးရ အပြစ်ပေး

ဇန်န၀ါရီ ၂၁၊ ၂၀၁၅
M-Media

– ၂၀၁၅ နှစ်သစ်ကူးအကြိုညက ရှန်းဟိုင်းတွင်ဖြစ်ပွားခဲ့သည့် လူများ စုပြုံတိုးဝှေ့ သေဆုံးမှုနှင့်ပတ်သက်၍ တာဝန်ရှိသူ ၁၁ ဦးကို အပြစ်ပေးအရေးယူခဲ့သည်ဟု တရုတ်အာဏာပိုင်များက ပြောကြားလိုက်သည်။

အပြစ်ပေးအရေးယူခံရသူများတွင် အခင်းဖြစ်ပွားခဲ့ရာ ဟွမ်ပူးခရိုင် ကွန်မြူနစ်ပါတီ ဥက္ကဌနှင့် ၎င်း၏ လက်ထောက်၊ ခရိုင်အုပ်ချုပ်ရေးမှူး၊ ခရိုင် ဒုတိယအုပ်ချုပ်ရေးမှူးဖြစ်ပြီး ဟွမ်ပူး ပြည်သူ့လုံခြုံရေး အကြီးအကဲဖြစ်သူနှင့် ခရိုင်ရဲတပ်ဖွဲ့ ဒုတိယအကြီးအကဲ စုစုပေါင်း လေးဦးပါဝင်ပြီး ၎င်းတို့အား သက်ဆိုင်ရာ ရာထူးများမှ အသီးအသီး ထုတ်ပယ်ခဲ့သည်။

ထို့ပြင် ခရီးသွားလာရေး၊ ပြည်သူ့လုံခြုံရေး၊ မြို့ပြ စီမံခန့်ခွဲရေး စသည့်ဌာနများမှ စုစုပေါင်းဝန်ထမ်း ၇ ဦးကိုလည်း အပြစ်ပေး အရေးယူမှုများ ပြုလုပ်ခဲ့သည်ဟု Shanghai CPC စုံစမ်းစစ်ဆေးရေးကော်မရှင်မှ ယနေ့တွင် ပြုလုပ်ခဲ့သော သတင်းစာရှင်းလင်းပွဲ၌ ပြောကြားခဲ့သည်။

လူများစုပြုံတိုးဝှေ့မှုမှာ နှစ်သစ်အားကြိုဆိုရန် စောင့်စားနေသည့်အချိန် ဒီဇင်ဘာ ၃၁ ရက်နေ့ ည ၁၁ နာရီ ၃၅ မိနစ်တွင် ရှန်ဟိုင်းရှိ သမိုင်းဝင် ကမ်းနားလျှောက်လမ်း၌ ဖြစ်ပွားခဲ့ခြင်းဖြစ်ပြီး စုစုပေါင်း ၃၆ ဦး သေဆုံးခဲ့ကာ ၄၉ ဦး ဒဏ်ရာရရှိခဲ့သည်။

အခင်းဖြစ်ပွားချိန်တွင် ခရိုင်ကွန်မြူနစ်ပါတီအကြီးအကဲနှင့် လက်ထောက်အကြီးအကဲတို့မှာ အခင်းဖြစ်ပွားရာအနီးရှိ စားသောက်ဆိုင် တစ်ခုတွင် ဒေသတွင်း ရင်းနှီးမြှုပ်နှံသူအချို့နှင့် ပျော်ပွဲစားနေကြသည်။

စုံစမ်းရေးကော်မရှင်က ထုတ်ပြန်သော အစီရင်ခံစာ၌ လုံခြုံရေးအားနည်းမှု၊ုများပြားသော ပြည်သူများအတွက် ကြိုတင်စီစဉ်ထားမှု မရှိခြင်းနှင့် လုံလောက်သော စီမံခန့်ခွဲမှု မရှိခြင်းတို့ကြောင့် သေဆုံး ဒဏ်ရာရမှုများ ပိုမိုများပြားခဲ့ခြင်းဖြစ်သည်ဟု ဖော်ပြထားသည်။

Ref: xinhua