အစိုးရနှင့် ခွဲထွက်ရေးတပ်များမှ လက်နက်ကြီးများ ဆုတ်ခွာရန် နယ်နမိတ်လိုင်းတစ်ခုကို ယူကရိန်း၌ သတ်မှတ်

ဇန်န၀ါရီ ၂၂၊ ၂၀၁၅
M-Media

– မတည်မငြိမ်ဖြစ်ပွားနေသည့် ယူကရိန်းနိုင်ငံအရှေ့ပိုင်းတွင် ခွဲထွက်ရေးသမားများနှင့် ယူကရိန်အစိုးရဘက်မှ လက်နက်ကြီးများ ဆုတ်ခွာရန် နယ်နမိတ်လိုင်းတစ်ခုသတ်မှတ်ရန်အတွက် ရုရှားနှင့် ယူကရိန်းတို့က သဘောတူညီခဲ့ကြသည်ဟု သိရသည်။

ယူကရိန်း၊ ရုရှား ဂျာမနီနှင့် ပြင်သစ်နိုင်ငံတို့မှ နိုင်ငံခြားရေးဝန်ကြီးများပါဝင်ပြီး ဘာလင်တွင် ယမန်နေ့က ပြုလုပ်ခဲ့သည့် ဆွေးနွေးပွဲ၌ ထိုသို့ သဘောတူခဲ့ခြင်းဖြစ်ပြီး ယူကရိန်းအရှေ့ပိုင်း ငြိမ်းချမ်းရေးအတွက် ပြီးခဲ့သည့်နှစ်က ချုပ်ဆိုခဲ့သည့် Minsk သဘောတူညီချက်မှ အချက်တစ်ချက်ကို အကောင်အထည်ဖော်နိုင်ခဲ့ခြင်းလည်း ဖြစ်သည်။ သို့သော်လည်း နှစ်ဖက်စစ်တပ်များ ရုပ်သိမ်းရေးနှင့် ပတ်သက်၍မူ သဘောတူညီချက် မရသေးပေ။

`Minsk သဘောတူညီချက်မှာ ဖော်ပြထားတဲ့ နယ်နမိတ်လိုင်းတစ်ခု သတ်မှတ်ဖို့ဆိုတာကို နောက်ဆုံး ကျွန်တော်တို့ သဘောတူညီ ခဲ့ကြပါပြီ။ အဲဒီလိုင်းကနေ လက်နက်ကြီးတွေ အားလုံး ဆုတ်ခွာဖို့ဆိုတာ အခုချက်ခြင်း ဆောက်ရွက်ဖို့လိုတဲ့ ကိစ္စပါပဲ´ ဟု ဂျာမနီ နိုင်ငံခြားရေးဝန်ကြီး ဖရန့်ဝေါလ်တာက အစည်းအဝေးပွဲအပြီးတွင် သတင်းထောက်များအား ပြောကြားခဲ့သည်။

ယူကရိန်းနှင့် ခွဲထွက်ရေးသမားများ၏ တပ်များမှ လက်နက်ကြီးများမှာ ယခုသတ်မှတ်လိုက်သည့် နယ်နမိတ်လိုင်း၏ ၁၅ ကီလိုမီတာ အကွာသို့ ရွှေ့ပေးရမည်ဖြစ်သည်။ ထို့ပြင်ကြာရှည်ခံမည့် နေရာချထားမှုများ ပြုလုပ်ရေးအတွက် ထိပ်သီးဆွေးနွေးပွဲ ကျင်းပရေး ယူကရိန်း၊ ရုရှားနှင့် OSCE မှ တာဝန်ရှိသူများ အမြန်ဆုံး တွေ့ဆုံကြရန် ဆိုပါအစည်းအဝေးတွင် သဘောတူခဲ့သည်။

ယူကရိန်းအရှေ့ပိုင်းတွင် ဖြစ်ပွားနေသော မငြိမ်သက်မှုများတွင် ရုရှားမှ ပါဝင်ပတ်သက်နေသည်ဟု ယူကရိန်းနှင့် အနောက်နိုင်ငံများက စွပ်စွဲထားပြီး ရုရှားကမူ ငြင်းဆိုထားသည်။

အမေရိကန်တပ်မှူးတစ်ဦးဖြစ်သူ ဘန်ဟုဒ်ဂ်ျ မကြာသေးမီက ကိဗ်သို့ လာရောက်လည်ပတ်သည့် အချိန်တွင် စက်တင်ဘာနှင့် ဒီဇင်ဘာ အပစ်ရပ်ရေး ကာလများ၌ ခွဲထွက်ရေးသမားများအား ရုရှားမှ လက်နက်ထောက်ပံ့မှုမှာ ၂ ဆဖြစ်လာသည်ဟု ပြောကြားခဲ့သည်။

ယူကရိန်းနိုင်ငံအရှေ့ပိုင်း Donetsk မြို့တွင် ပြီးခဲ့သည့် ရက်များအတွင်း တိုက်ပွဲများ ပြန်လည်ဖြစ်ပွားခဲ့ပြီး လူသေဆုံးမှုများလည်း ရှိခဲ့သည်။

Ref : aljazeera