မန်ယူဂိုးသမား ဒီဂီယာ ရီးယဲလ်ရောက်မည်လား

ဇန်န၀ါရီ ၂၃၊ ၂၀၁၅
M-Media

– မန်ချက်စတာယူနိုက်တက်အသင်း၏ အားထားရသည့် ဂိုးသမား ဒေးဗစ်ဒီဂီယာမှာ စာချုပ်သက်တမ်းကုန်သည်အထိ မန်ယူတွင် ရှိမနေနိုင်ဟု ၎င်း၏ အေးဂျင့်ဖြစ်သူ ဂျော့ဂ်ျ မန်ဒက်ဇ်က ပြောကြားလိုက်သည်။

ဂီယာမှာ ယခုနှစ်တွင် မန်ယူအသင်းအတွက် အကောင်းဆုံး လက်စွမ်းပြနေသူဖြစ်ပြီး လာမည့်နှစ်တွင် စာချုပ်သက်တမ်း ကုန်တော့မည် ဖြစ်သော်လည်း မန်ယူအသင်းမှ စာချုပ်သစ်အတွက် ကမ်းလှမ်းမှု မရှိသေးချေ။

ရီးယဲလ်မက်ဒရစ်က လက်စွမ်း ကျနေသည့် ဂိုးသမား ကာစီးလက်နေရာတွင်အစားထိုးရန် ဒီဂီယာကို စိတ်ဝင်စားနေသည်ဟု ပြောကြားခဲ့ပြီး မန်ယူကလည်း ဘာစီလိုနာ ဂိုးသမားဟောင်း ဗားလ်ဒက်စ်ကို အလွတ်ပြောင်းရွှေ့ကြေးဖြင့် ခေါ်ယူထားခြင်းကြောင့် ဒီဂီယာ၏ အနာဂတ်မှာ မသေမချာဖြစ်နေသည်။

ခရစ္စတီယာနိုရော်နယ်ဒိုအား မန်ယူမှ ရီးယဲလ်သို့ရောက်အောင် ဆောင်ရွက်ပေးခဲ့သည့် အေးဂျင့် မန်ဒက်စ်ကလည်း ဒီဂီယာ၏ အခြေအနေမှာ ပြောင်းသွားနိုင်သည်ဟု ဆိုသည်။

`ဒေးဗစ်(ဒီဂီယာ)ဟာ အံ့သြစရာကောင်းတဲ့ ကစားသမားတစ်ဦးပါ။ အခု မန်ယူကစားသမားဖြစ်နေပြီး စာချုပ်လည်း ရှိနေပါသေးတယ်။ ဒါကိုလေးစား ရမှာဖြစ်ပေမယ့် အခြေအနေတွေက မိနစ်တိုင်းမှာ ပြောင်းလဲနေပါတယ်´ ဟု စပိန်သတင်းစာ Marca နှင့် အင်တာဗျူးတွင် ထည့်သွင်း ပြောကြားခဲ့သည်။

မန်ယူနည်းပြ ဗန်ဂါးလ်ကမူ ဂီယာအား ဆက်လက် သက်တမ်းတိုးမည်ဟု စောစောပိုင်းက ပြောကြားထားသည်။

မန်ဒက်စ်မှာ တိုက်စစ်မှူး ဖယ်ကာအိုအား မိုနာကိုမှ မန်ယူသို့ ရောက်ရှိအောင် ဆောင်ရွက်ပေးထားသူ ဖြစ်သော်လည်း ၎င်းနှင့် မန်ယူအသင်းတို့၏ ဆက်ဆံရေးတွင် တင်းမာမှုများ ရှိနေသည်ဟု သတင်းများက ဖော်ပြခဲ့ကြသည်။

Ref: goal.com