မျိုးစောင့်ဥပဒေ လက်ရှိ မလိုအပ်သေးကြောင်း ရွှေဝါရောင် သံဃာတပ်ပေါင်းစုမှ ဦးဆောင် ဆရာတော် မိန့်ကြား

ဇန်နဝါရီ ၂၅ ၊ ၂၀၁၅
M-Media
သတင်း-ဇေယျာ

မျိုးစောင့်ဥပဒေများမှာ ယနေ့ခေတ် တိုင်းပြည်တွင် မလိုအပ်သေးကြောင်း ရွှေဝါရောင် သံဃာတပ်ပေါင်းစုမှ ဦးဆောင်ဆရာတော် တပါးဖြစ်တဲ့ အရှင်စန္ဒာသီရိ မှ ဇန်နဝါရီလ၂၄ရက်နေ့ကမိန့်ကြားလိုက်ပါတယ်။

” မျိုးစောင့်ဥပဒေဟာမလိုအပ်သေးပါဘူး။ အချိန်ကာလတစ်ခုအရ တိုင်းပြည်မှာ စစ်အာဏာရှင် စနစ်ကျဆုံးပြီးတော့ ပြည်သူလူထု တကယ်လိုလားတဲ့ အစိုးရ ပြည်သူ့အကျိုးစီးပွား ဆောင်ရွက်ရတဲ့ အစိုးရသာ ဒီနေ့အချိန်တိုင်းပြည် မှာ အုပ်ချုပ်ခွင့် စီမံခန့်ခွဲမှု ရရှိပါမယ်။ ကျန်တဲ့ကိစ္စတွေဟာ ကျွဲကူးရေပါဖြစ်မှာပါ။

သာမန်ကိစ္စကို ရှေတန်းမတင်ပါနဲ့။ သာမန်ကိစ္စကို သာမန်ပဲထားပါ။ တိုင်းပြည်မှာ အရေးကြီးတာကိုပဲဆောင်ရွက်ပါ။ ” ဟု တော်ဝင်နှင်းဆီ ခန်းမမှာ ပြုလုပ်ခဲ့တဲ့ ဇေယျကျော်ထင် ဗိုလ်မှူးကြီး ဘရှင် ရာပြည့်အကြို အခမ်းအနားမှာ အခုလို မိန့်ကြားခဲ့တာဖြစ်ပါတယ်။

နိုင်ငံအတွင်းမှာ ဘာသာရေး လူမျိုးရေး ဝါဒမှိုင်းများကို တိုက်ဖျက်ရန် ဆောင်ရွက်ရမည်ဖြစ်ပြီး ပဋိပက္ခအသွင်ဆောင်မှုများကိုလည်း လက်ဦးမှု ရယူကာဖြေရှင်းဆောင်ရွက်သွားရမည်လို့ ဆရာတော်က မိန့်ပါတယ်။

လက်ရှိအချိန်တွင် ဘာသာပေါင်းစုံအတွင်း အမုန်းတရား၊ အမုန်းစကားများ လွှမ်းမိုးမှုများကို ပပျောက်ရန် အရေးကြီးကြောင်း မိန့်ကြားခဲ့ကြားခဲ့ပါတယ်။

မျိုးစောင့်ဥပဒေများတွင် ကိုးကွယ်ရာ ဘာသာကူးပြောင်းခြင်းဆိုင်ရာ ဥပဒေကြမ်း၊ လက်ထပ် ထိမ်းမြားခြင်း ဆိုင်ရာ၊ လူဦးရေ တိုးပွားနှုန်း ထိန်းညှိရေးဆိုင်ရာ ဥပဒေကြမ်း မြန်မာ ဗုဒ္ဓဘာသာဝင် အမျိုးသမီးများ အထူးထိမ်းမြားခြင်းဆိုင်ရာ ဥပဒေကြမ်းနှင့် တစ်လင်တစ်မယားစနစ် ကျင့်သုံးခြင်း ဆိုင်ရာဥပဒေကြမ်း ၄ခုကို ရေးဆွဲထားပြီး ကျင်းပလျက်ရှိသည့် လွှတ်တော် အစည်းအဝေးများတွင် ဆွေးနွေး လျက်ရှိပါတယ်။

ရွှေဝါရောင်ဦးဆောင် ဆရာတော်က တိုင်းပြည်တွင် စစ်မှန်သော ဒီမိုကရေစီစနစ်ကို တည်ဆောက်လိုလျှင် စစ်မှန်သော အစိုးရပေါ်ပေါက်နိုင်ရေး အတွက် အားလုံးဟာ လက်တွဲညီညီနှင့် မတူညီမှုတွေကို ဘေးဖယ်ထား တူတာတွေနဲ့ တတ်နိုင်သမျှ ညှိညှိနှိုင်းနှိုင်း နဲ့ မိမိတို့ တိုင်းပြည်ငြိမ်းချမ်း သာယာစေဖို့ လူမျိုးဘာသာဝင်နိုင်ငံသား အလွှာ အသီးသီးမှ ပါဝင်လာကြစေရန် တိုက်တွန်းကြောင်း ၄င်းဆရာတော်မှ မိန့်ကြားခဲ့ပါတယ်။

ထိုဥပဒေကြမ်းများပေါ်ထွက်လာခြင်းမှာ သံဃာတော်တချို့ ဦးဆောင်သည့် အမျိုးဘာသာသာသနာစောင့် ရှောက်ရေးအဖွဲ့ (မဘသ) က သမ္မတထံ လက်မှတ်ရေးထိုး တောင်းဆိုခဲ့ခြင်းဖြစ်ပါတယ်။