စာသင်ကျောင်းများတွင် ဟိန္ဒိူအမျိုးသားရေးဝါဒ သွတ်သွင်းမှုကို အိန္ဒိယမွတ်စလင်များ ဝေဖန်ကန့်ကွက်

ဇန်န၀ါရီ ၂၆၊ ၂၀၁၅
M-Media

– အိန္ဒိယနိုင်ငံ ဂူဂျာရတ်ပြည်နယ်၏ မြို့တော် အဟ်မီဒါဘတ်ရှိ လောကီရေး စာသင်ကျောင်းများတွင် ဟိန္ဒူနတ်ဘုရားမအား ရှိခိုးကန်တော့ရသည့် အစီအစဉ်ကို အိန္ဒိယမွတ်စလင်များက ဝေဖန်လိုက်ပြီး အာဏာရပါတီ BJP ၏ ဟိန္ဒူအမျိုးသားရေးဝါဒ
သွတ်သွင်းရန် ကြိုးစားမှုဟု ပြောကြားလိုက်သည်။

အဆိုပါမြို့ရှိ ပညာရေးဘုတ်အဖွဲ့က မြို့၌ရှိသော စာသင်ကျောင်းအားလုံးတွင် ကျောင်းသားများအနေဖြင့် အသိပညာကို စိုးမိုးသော နတ်ဘုရားမ ဆာရက်စ်ဝါသီအား စနေနေ့တိုင်း ရှိခိုးကန်တော့ရန် နှိုးဆော်စာကို ဇန်န၀ါရီ ၁၉ ရက်နေ့က ဖြန့်ချီခဲ့သည်။ ထို့နောက် စာသင်ကျောင်းများရှိ အစ္စလာမ်ဘာသာဝင်ကလေးများကိုလည်း ထိုရှိခိုးမှုတွင်ပါဝင်ရန် အတင်းအဓ္ဓမ စေခိုင်းမှုများ ရှိခဲ့သည်။

`အဟ်မီဒါဘတ်မှာရှိတဲ့ ကျောင်းတွေမှာ ဆာရက်စ်ဝါသီ နတ်ဘုရားမကို ရှိခိုးကန်တော့ရမယ်လို့ တိုက်တွန်းတဲ့ ဂူဂျာရတ်အစိုးရရဲ့ ဒီနှိုးဆော်မှုအတွက် ကျွန်တော်တို့ သောကဖြစ်ရပါတယ်။ မွတ်စလင်မိသားစုတွေက သူတို့ရဲ့ ကလေးတွေကို ကျောင်းကိုမလွှတ်တော့တာမျိုးတွေ ဖြစ်လာနိုင်ပါတယ်။ လူ့အဖွဲ့အစည်းအတွက် အဖြစ်ဆိုးပါပဲ´ ဟု အငြိမ်းစားပါမောက္ခနှင့်
လူ့အခွင့်အရေးလှုပ်ရှားသူ ဂျူဇာ ဘန်ဒူကွာလာက Anadolu သတင်းဌာနသို့ ပြောကြားခဲ့သည်။

အဆိုပါရှိခိုးကန်တော့ခြင်းကို Vasant Panchami ဟု ခေါ်တွင်ပြီး ကျောင်းသားများက ပညာရေး၏အရေးကြီးပုံကို သိရှိစေရန် စာသင်ကျောင်များအနေဖြင့် ကျောင်းသားများကို စုဝေးစေကာ ဆာရက်စ်ဝါသီ နတ်ဘုရားအား ရှိခိုးကန်တော့ရန်နှင့်
အခြားသောပြည်နယ်တွင်လည်း Vasant Panchami ကန်တော့ပွဲ မည်ကဲ့သို့ ကျင်းပသည်ကို နားလည်စေရန် သင်ကြားပေးရမည်ဟု အဆိုပါ နှိုးဆော်စာတွင် ရေးသားဖော်ပြထားသည်။

ဘန်ဒူကွာလာကမူ ဟိန္ဒူထုံးတမ်းဖြင့် ထိုသို့ ရှိခိုးကန်တော့မှုကို ဆောင်ရွက်ခြင်းမှာ ဟိန္ဒိူအစွန်းရောက်အဖွဲ့နှင့် အာဏာရ BJP ပါတီတို့၏ လူနည်းစုများအား စိတ်အနှောက်အယှက်ဖြစ်အောင် ဆောင်ရွက်သည့်အစီအစဉ်သာ ဖြစ်သည်ဟု ဆိုသည်။

`၀န်ကြီးချုပ်နာရန်ဒါမိုဒီဟာ အတွေ့အကြုံရှိတဲ့ ခေါင်းဆောင်ဖြစ်ပြီး နိုင်ငံတစ်ဝှမ်း အရေးပါတဲ့ ဖွံ့ဖြိုးတိုးတက်မှုတိုင်းကို ဂရုစိုက်နေသူတစ်ယောက်ပါ။ ဒီလို လူနည်းစုမုန်းတီးရေးလုပ်ငန်းမှာ သူဟာ အလိုတူအလိုပါဖြစ်မယ်လို့ ကျွန်တော် မယုံကြည်ချင်ပါဘူး´ ဟု ဘန်ဒူကွာလာက ပြောကြားခဲ့သည်။ ဘန်ဒူကွာလာမှာ အနည်းဆုံး လူပေါင်း ၂၀၀၀ သေဆုံးခဲ့သော ၂၀၀၂ ခုနှစ် ဂူဂျာရတ် လူမျိုးရေးအဓိကရုဏ်းတွင် ၎င်း၏ နေအိမ် ဖြိုချဖျက်ဆီးခံခဲ့ရသူဖြစ်သည်။

အဟ်မီဒါဘတ်တွင် ပြုလုပ်သည့် အဆိုပါ ဘုရားရှိခိုးခြင်းအစီအစဉ်မှာ အိန္ဒိယတွင် ပထမဆုံး မဟုတ်ဘဲ မဒ်ယာ ပရာဒက်ရ်ှမြို့ရှိ လောကီရေးကျောင်းများတွင်လည်း နေမင်းဝတ်ပြုမှု (သူရိယ နာမက်စ်ကာ) အစီအစဉ်ကို ဇန်န၀ါရီ ၁၂ ရက်နေ့က ပြုလုပ်ခဲ့သည်။

ပြည်နယ်အစိုးရကမူ ထိုဝတ်ပြုမှုမှာ ကျောင်းသားများ၏ ကျန်းမာရေးနှင့် အာရုံစူးစိုက်မှု တိုးတက်လာစေရန်အတွက် ရည်ရွယ်သော ယောဂကျင့်စဉ်ဖြစ်သည်ဟု ကာကွယ်ပြောဆိုခဲ့သည်။ သို့သော်လည်း လူနည်းစုအသိုင်းအ၀ိုင်းမှ ကလေးများအပေါ်
ဟိန္ဒိူဘာသာရေးကျင့်ဝတ်များ သွတ်သွင်းခြင်းအတွက် ထိုပြည်နယ်ရှိ မွတ်စလင်များက ဝေဖန်ခဲ့သည်။

အငြင်းပွားဖွယ်

လောကီရေးကျောင်းများတွင် ဟိန္ဒူဘာသာရေးဝတ်ပြုမှုများ ဆောင်ရွက်ခြင်းမှာ လူနည်းစုများ၏ ဘာသာရေးဆိုင်ရာ ကျင့်ဝတ်များကို ထိခိုက်စေပြီး အိန္ဒိယ၏ လောကီသီးသန့် စနစ်ကို ခြိမ်းခြောက်ခြင်းလည်းဖြစ်သည်။

`ဒီလိုအမိန့်မျိုးဟာ အိန္ဒိယဖွဲ့စည်းပုံအခြေခံဥပဒေမှာ ဖော်ပြထားတဲ့ ဘာသာရေးမနွယ်တဲ့ အုပ်ချုပ်မှုကို တိုက်ခိုက်တာပါပဲ။ ပြီးတော့ မွတ်စလင်တွေရဲ့ အခြေခံအခွင့်အရေးတွေကို တိုက်ခိုက်မှုလည်း ဖြစ်ပါတယ်။ အခြေခံဥပဒေက မိမိတို့ရဲ့ ယုံကြည်မှုအတိုင်းသာ ၀တ်ပြုကိုးကွယ်ကြဖို့ ဘာသာတရားအားလုံးကို လွတ်လပ်ခွင့်ပေးထားပါတယ်´ ဟု ကောလိပ်ကျောင်းသားတစ်ဦးက ပြောကြားခဲ့သည်။

အဟ်မီဒါဘတ် ပညာရေးဘုတ်အဖွဲ့၏ လက်အောက်တွင် မွတ်စလင်ကျောင်းသား ၁၅၀၀၀ ရှိသည့် အူရဒူ အလယ်တန်းကျောင်း ၆၀ ကျော်အပါအ၀င် စာသင်ကျောင်းပေါင်း ၄၀၀ ကျော် ရှိနေသည်။

အဟ်မီဒါဘတ်မြို့ရှိ အဆိုပါ အူရဒူအလယ်တန်းကျောင်း အများစုကလည်း ပညာရေးဌာန၏ ထိုအမိန့်ကို လိုက်နာခဲ့ခြင်း မရှိခဲ့ပေ။ပညာရေးဘုတ်အဖွဲ့၏ တာဝန်ရှိသူများကမူ ထိုအဖြစ်အပျက်အတွက် ကာကွယ်ပြောဆိုခဲ့သည်။

`ကျွန်တော်တို့ရဲ့ တစ်ခုတည်းသောရည်ရွယ်ချက်က ကျောင်းသားတွေကြားထဲမှာ အသိပညာအတွက် စွမ်းအား မြှင့်တင်ပေးဖို့ဖြစ်ပြီး ဘယ်ဘာသာဝင်ကိုမှ နာကျင်အောင်လုပ်ဖို့ မဟုတ်ပါဘူး´ ဟု ဘုတ်အဖွဲ့ဥက္ကဌ ဂျက်ဂ်ဒစ်ရှ် ဘာ့ဗ်ဆာရ်က ပြောကြားခဲ့သည်။

ဘုတ်အဖွဲ့ဝင်တစ်ဦးဖြစ်သူ အလ်ဒီ ဒီဆိုင်းကလည်း ဆာရက်စ်ဝါသီမှာ ပညာရေးနတ်ဘုရားဖြစ်ပြီး စာသင်ကျောင်းများမှာလည်း ပညာရေးဘုရားကျောင်းများ ဖြစ်သည်ဟု ဆိုသည်။

အိန္ဒိယ၏ သန်း တစ်ထောင်ကျော်ရှိသော လူဦးရေတွင် အစ္စလာမ်ဘာသာကို သက်ဝင်ယုံကြည်သူဦးရေမှာ ၁၃ ရာခိုင်နှုန်း (သန်း ၁၈၀ ခန့်)ရှိပြီး ခရစ်ယာန်ဘာသာဝင်များမှာ ၃ ရာခိုင်နှုန်းသာရှိသည်။

Ref: onislam