ဂါဇာဒုက္ခသည်များအတွက် အိမ်များဆောက်လုပ်ပေးရန် ရန်ပုံငွေမရှိတော့ဟု ကုလဆို

ဇန်န၀ါရီ ၂၇၊ ၂၀၁၅
M-Media

– အလှူရှင်နိုင်ငံများက ထောက်ပံ့ပေးမည်ဟူသော အလှူငွေများ ရရှိခြင်းမရှိသောကြောင့် ပြီးခဲ့သည့်နှစ် အစ္စရေး၏ ကျူးကျော်တိုက်ခိုက်မှုအတွင်း ပျက်ဆီးသွားခဲ့သည့် ဂါဇာရှိ နေအိမ်များ ပြုပြင်ခြင်းလုပ်ငန်းကို မလုပ်ဆောင်နိုင်တော့ဟု ကုလသမဂ္ဂမှ ပြောကြားလိုက်သည်။

`အိမ်တွေပြင်ပေးဖို့၊ အိမ်ငှားတွေအတွက် ထောက်ပံ့ပေးဖို့ ကျွန်တော်တို့မှာ ရန်ပုံငွေတွေ ကုန်သွားပါပြီ။ ပြီးခဲ့တဲ့နှစ် အောက်တိုဘာက ကိုင်ရိုမှာကျင်းပခဲ့တဲ့ညီလာခံမှာ နိုင်ငံတွေက စုစုပေါင်း ကန်ဒေါ်လာ ၅.၄ ဘီလီယံထောက်ပံ့မယ်လို့ ကတိပြုခဲ့ပါတယ်။ ဒါပေမယ့် တကယ်တမ်းတော့ ဂါဇာကို အကုန်ရောက်မလာခဲ့ပါဘူး´ ဟု ပါလက်စတိုင်းဒုက္ခသည်များကို ကူညီထောက်ပံ့ပေးနေသည့် ကုလသမဂ္ဂ ကယ်ဆယ်ရေးနှင့် ပြန်လည်နေရာချထားရေး အေဂျင်စီ UNRWA က ယမန်နေ့တွင် ထုတ်ပြန်သော ကြေညာချက်၌ ဖော်ပြထားသည်။

အစ္စရေး၏ တိုက်ခိုက်မှုအတွင်း ပါလက်စတိုင်းတို့၏ အိမ်ပေါင်း ၉၆၀၀၀ ကျော် ပျက်ဆီးခဲ့ရသည်ဟု UNRWA က ဆိုပြီး အိုးအိမ်စွန့်ခွာထွက်ပြေးရသူများ အိမ်ငှားနေရန် ထောက်ပံ့ကြေးများကို ဖြတ်တောက်ရခြင်းကြောင့် လက်ရှိ လူပေါင်း ၁၂၀၀၀ ကို
နေရာချထားပေးထားရသည့် ကုလ၏ စာသင်ကျောင်းများနှင့် ကယ်ဆယ်ရေးစင်တာများတွင် လူများ ပိုမိုများလာမည်ဟု ကုလက ဆိုသည်။

`ဂါဇာက ပါလက်စတိုင်း ဒုက္ခသည်မိသားစု ၆၆၀၀၀ ကို သူတို့တွေရဲ့ အိမ်တွေပြင်ဖို့ ဒါမှမဟုတ် အခြားနေစရာတစ်ခုခုရှာဖို့အတွက် UNRWA က ထောက်ပံ့ငွေဟာ ကန်ဒေါ်လာ ၇၇ သန်းလောက်ရှိပါပြီ။ ဒါဟာ တစ်မူထူးခြားတဲ့ အောင်မြင်မှုပါပဲ။ ဒါပေမယ့် လုံလောက်မှုတော့ မရှိသေးပါဘူး။ နေစရာလုံလုံလောက်လောက်မရှိဘဲနဲ့ ချမ်းအေးလှတဲ့ ဆောင်းရာသီဒဏ်ကို ခံစားရမယ့် မိသားစုထောင်ပေါင်းများစွာအကြောင်း ကျွန်တော်တို့ ပြောနေပါ။ လူတွေက အုတ်ပုံတွေကြားမှာ အိပ်နေရတယ်။ ကလေးတွေက အအေးလွန်ပြီး သေဆုံးနေကြပါတယ် ´ ဟု အဆိုပါ ကြေညာချက်တွင် ထည့်သွင်း ဖော်ပြထားသည်။

Ref: alarabiya