ဂျာမနီရှိ အစ္စလာမ် ဆန့်ကျင်ရေး အဖွဲ့ ဒုတိယခေါင်းဆောင် ရာထူးမှ နှုတ်ထွက်

ဇန်ဝါရီ ၂၉၊ ၂၀၁၅
M-Media

– ဂျာမနီရှိ အစ္စလာမ်ဆန့်ကျင်ရေးအဖွဲ့ PEGIDA ကို တည်ထောင်သူမှာ ပြီးခဲ့သည့် သီတင်းပတ်အတွင်း နှုတ်ထွက်သွားခဲ့ပြီးနောက် အဖွဲ့၏ ဒုတိယခေါင်းဆောင် ကက်သရင်း အော်တဲလ်လည်း ရာထူးမှ ထပ်မံ နှုတ်ထွက်သွားခဲ့ပြီဟု သိရသည်။

ကက်သရင်းနှင့် အခြားဘုတ်အဖွဲ့ဝင်တစ်ဦးမှာ ဇန်န၀ါရီ ၂၉ ရက် ယမန်နေ့က နှုတ်ထွက်သွားခဲ့ခြင်းဖြစ်ပြီး မီဒီယာများ၏ ဖိအားကြောင့်ဟု ဆိုခဲ့သည်။ ဂျာမနီအရှေ့ပိုင်း ဒရက်စ်ဒန်မြို့၌ အခြေစိုက်သည့် PEGIDA  အဖွဲ့ကလည်း ၎င်းတို့နှုတ်ထွက်မှုကို Facebook စာမျက်နှာမှတစ်ဆင့် အတည်ပြုခဲ့သည်။

အဖွဲ့တည်ထောင်သူ လုသ်ဇ် ဘခ်ျမန်း ပြီးခဲ့သည့်သီတင်းပတ်က နှုတ်ထွက်ပြီးနောက်ပိုင်း ကက်သရင်းမှာ အဖွဲ့ခေါင်းဆောင်ဖြစ်လာခဲ့ပြီး PEGIDA ကမူ ကက်သရင်းထိုကဲ့သို့ နှုတ်ထွက်ခြင်းမှာ ရန်လိုမှုများလာခြင်း၊ ခြိမ်းခြောက်မှုများနှင့် ပြဿနာများ များပြားလာခြင်းကြောင်းဖြစ်သည်ဟု ဆိုသည်။

`ညဘက်မှာ ဓာတ်ပုံဆရာတွေ၊ လူစိမ်းတွေ သူမရဲ့ အိမ်အပြင်ဘက်မှ ပုန်းကွယ်စောင့်ဆိုင်းလာကြတဲ့အခါ ကြံကြံခံလာတဲ့ အမျိုးသမီးဟာလည်း အနားယူရပါတော့မယ်´

အဖွဲ့တည်ထောင်သူ ဘခ်ျမန်းမှာ ဟစ်တလာပုံစံဆံပင်နှင့် နှုတ်ခမ်းမွှေးများတပ်ထာသည့် ၎င်း၏ ပုံအား Facebook စာမျက်နှာတွင် လွှင့်တင်ခဲ့ပြိး ဂျာမနီရှိ ရောင်းအားအကောင်းဆုံး သတင်းစာ Bild က ထိုပုံကို ပြီးခဲ့သည့် ဗုဒ္ဓဟူးနေ့ထုတ် သတင်းစာမျက်နှာဖုံးတွင် ဖော်ပြခဲ့သည်။ ထို့နောက် ဘခ်ျမန်းနှင့် ပတ်သက်၍ ဝေဖန်မှုများ ကြီးထွားလာပြီး နောက်ဆုံးတွင် ရာထူးမှ နှုတ်ထွက်သွားခဲ့ခြင်းဖြစ်သည်။

ဘခ်ျမန်းမှာ ဂျာမနီသုိ့ ပြောင်းရွှေ့အခြေချလာသူများအား မရိုးသားသူများဟု သုံးနှုန်းခဲ့ကြောင်းသတင်းများက ဖော်ပြခဲ့ပြီး အမုန်းတရားများ လှုံ့ဆော်မှုအတွက် စုံစမ်းစစ်ဆေးရန် ဆော်သြမှုများလည်းရှိနေသည်။ဖောက်ထွင်းမှုကျူးလွန်ခဲ့ဖူးသည့် ဘခ်ျမန်းမှာ ဂျာမနီ၏တန်ဖိုးကို ကာကွယ်သည်ဟု ၎င်းကဆိုသည့်

ချီတက်လမ်းလျှောက်မှုများကို အပတ်စဉ်ပြုလုပ်ပြီး PEGIDA အဖွဲ့ကို နိုင်ငံရေးလမ်းကြောင်းပေါ်သို့ တင်ပေးခဲ့သည်။

ထိုအဖွဲ့မှာ မြို့အချို့တွင် လူထောင်ပေါင်းများစွာပါဝင်သော အစ္စလာမ်ဆန့်ကျင်ရေး ချီတက်လမ်းလျှောက်မှုများကို ပြုလုပ်ခဲ့ပြီး ၎င်းတို့၏အဆိုပါလုပ်ရပ်ကို ဆန့်ကျင်သော တန်ပြန်ဆန္ဒပြမှုများကိုလည်း ဂျာမန်ပြည်သူများက ပြုလုပ်ခဲ့ကြသည်။

Ref: aljazeera