“ပညာရေးဥပဒေ” ရေးဆွဲရာမှာပါဝင်တဲ့ သမ္မတ အကြံပေးတစ်ဦးရဲ့ သမိုင်းစာမျက်နှာ တကွက်

ဇန်နဝါရီ ၂၉ ၊ ၂၀၁၅
Patrick Tan ရေးသည်။

၁၉၈၃မှာ ရန်ကုန်တက္ကသိုလ် ပါမောက္ခချုပ် ဒေါက်တာမောင်ဒီ ဒုဝန်ကြီးဖြစ်သွားတယ်။ တောင်ငူဆောင်က အင်္ဂလိပ်စာပါမောက္ခ ဒေါ်အီးဂျေကံကြီးဆီကို သူ့ရဲ့Mazda 929L အသေးနဲ့လာတတ်တယ်။

သူလာရင် သူ့ယာဉ်မောင်းက ကားကို တောင်ငူဆောင်ရဲ့ပေါ်တီကိုအောက်မှာလာရပ်ပေးတယ်။ ဆရာမကြီးက ပထမထပ်ကနေလှုပ်လှုပ် လှုပ်လှုပ်နဲ့ဆင်းလာတော့ သွက်သွက်လက်လက်ကျနော်ကပြေးပြီး ကားတခါးဖွင့် ကြိုပေးရတယ်။ ဆရာကြီးဆင်းပြီးရင် သူ့ယာဉ်မောင်းက ကားကို တောင်ငူဆောင်ရှေ့ကွက်လပ်မှာ သွားရပ်ထားပြီး စောင့်နေရတယ်။ ဘာအစောင့်အကြပ်မှမပါဘူး။

ဆရာမကြီးက သူ့ကို ဝန်ကြီးလို့နောက်ခေါ်ရင်မကြိုက်ဘူး။ “ဆရာပဲခေါ်ပါဗျ၊ ကျနော်နှစ်သက်တာဒီဂုဏ်ပုဒ်”…လို့ ရယ်ရယ်မောမော ပြန်ပြောတတ်တယ်။

သူပြန်တော့မယ်ဆိုမှ ဆရာမကြီးခိုင်းလို့ ကျနော်ကသူ့ယာဉ်မောင်းကို အချက်ပြလိုက်ရင် ကားကိုပေါ်တီကိုအောက် လာ ထိုးပေးတယ်။ သူ့ယာဉ်မောင်းက ဆင်းပြီးကားတခါးဖွင့်ပေးတယ်။ ကားထဲကနေလက်ပြပြီးပြန်သွားရော။

အဲလိုမျိုးနောက်တစ်ယောက်က အမရဆောင် သမိုင်းဌာန ပါမောက္ခဦးထွန်းအောင်ချိ်န်လက်အောက်မှာ အမှုထမ်းနေသော ကထိကဒေါ်နီနီမြင့်ပါ။

ကျောင်းလာရင် သူ့ခင်ပွန်းဥက္ကဌကြီးဦးနေဝင်းလည်းစီးတတ်တဲ့ ဆ/နံပါတ် Mercedes E အနက်ကြီးနဲ့လာပါတယ်။ ဆရာမက ပုဝါ ဝတ်စုံ လည်ဆွဲနားကပ်ကအစ One set ဆင်မြန်းလေ့ရှိပါတယ်။ သူ့ယာဉ်မောင်းက တိုက်ပုံ၊ ကော်လံကတုံး အဖြူဝတ် စစ်မှုထမ်းပါ။

အမရဆောင်ပေါ်တီကိုအောက်ကားရပ်ရင် ယာဉ်မောင်းက ဆင်းပြီးကားတခါးဖွင့်ပေးပါတယ်။ ဆရာမက သူ့အိတ်သူဆွဲပြီးတက်လာတာပါပဲ။ ယာဉ်မောင်းက ကားကို အမရဆောင်ရှေ့ကခရေပင်ကြီးအောက်မှာ ရပ်ထားပြီး တနေကုန်စောင့်ပါတယ်။

ညနေ ဆရာမပြန်ခါနီးရင် tutor လေးတစ်ယောက်ယောက်က Corridor ကနေလှမ်းပြီး အချက်ပြလိုက်ရင် ယာဉ်မောင်းကြီးက ကားကိုပေါ်တီကိုအောက်မောင်းလာပေးပြီး လာကြိုသွားပါတယ်။

ဒါ….ပြည့်ဝပြီး အဆင့်ရှိသောပညာတတ်ကြီးများရဲ့ စည်းကမ်းလိုက်နာတတ်သောယဉ်ကျေးမှုပါ။

ရန်ုကုန်တက္ကသိုလ်စာသင်ဆောင်တွေရဲ့ ဘယ်ပေါ်တီကိုအောက်မှာမှ ဘယ်ပုဂ္ဂိုလ်ရဲ့ကားမျှ ကျောက်ချရပ်နားထားလေ့မရှိတာ အစဉ်အဆက်ကျင့်သံုးခဲ့တဲ့ “ယဉ်ကျေးမှု” ပါ။ အမိန့်ထုတ်မထားဘူး၊ စာတန်းဆိုင်းပုဒ်ချိတ်မထားပါဘူး။

အဲ့ဒါတွေနဲ့ဆန့်ကျင်ဖက်တစ်ခုပြောပြမယ်။

မန္တလေးဆောင် ဘူမိဗေဒဌာန ပါမောက္ခ ဦးဘသန်းဟက် (ဟာဂျီမ ပျဉ်းမနားစိန်ဒေါ်ပုရဲ့သားမက်) လက်အောက်မှာအမှုထမ်းနေတဲ့ Demonstrator သရုပ်ပြဆရာမလေးတစ်ဦးပါ။

ဥက္ကဌကြီးဦးနေဝင်းရဲ့ချွေးမဆိုတဲ့ အရှိန်နဲ့ Mazda 323 အနီ ထ/၄၄၄၄ ကို ကိုယ်တိုင်မောင်းကာ ကျောင်းသို့လာပြီး ကားကိုမန္တလေးဆောင်ပေါ်တီကိုအောက်မှာ ဘယ်သူ့ကိုမျှဂရုမစိုက်၊ ဘာစည်းကမ်းကိုမျှ မလိုက်နာ၊ ဘာယဉ်ကျေးမှုမျှ နားမလည်ဘဲ တစ်နေကုန်ကျောက်ချရပ်နာထားလေ့ရှိပါတယ်။

အဲ့ဒီိလိုအမျိုးသမီးတစ်ဦးက နောင်မျိုးဆက်သစ်တို့အတွက် အလွန်အရေးပါသော “ပညာရေးဥပဒေ” ပြဌာန်းဖို့ အကြံပေးတစ်ဦးဖြစ်နေတာ အံ့သြဖွယ်ရာတွေ့လိုက်ရတယ်ဗျာ။

သူကတော့ ကိုဖြိုးဝေဝင်းအရှိန်နဲ့ ဆိုရှယ်လစ်ခေတ်မှာ ရတောင့်ရခဲ နိုင်ငံခြား ပညာသင်ဆုရပြီး ဒေါက်တာ ဘွဲ့ရလာခဲ့သော ဒေါက်တာဒေါ်ရင်ရင်နွယ်ပါတဲ့ခင်ဗျား။