နိုင်ငံတကာသတင်းတို (ဇန်နဝါရီ ၂၉၊ ၂၀၁၅)

ဇန်န၀ါရီ ၂၉၊ ၂၀၁၅
M-Media

– ဂျော်ဒန်က ဖမ်းဆီးထားသော အလ်ကိုင်းဒါအဖွဲ့ဝင် အီရတ်အမျိုးသမီး ဆာဂျေဒါ အလ်-ရီရှာဝီအား ဇန်န၀ါရီ ၂၉ ရက် နေ၀င်ချိန်တွင် နောက်ဆုံးထား၍ ပြန်လွှတ်မပေးပါက မိမိတို့ ဖမ်းဆီးထားသော ဂျော်ဒန်လေယာဉ်မှူးအား သတ်ပစ်မည်ဟု IS အဖွဲ့က ခြိမ်းခြောက်ပြောဆိုလိုက်သည်။ ဖမ်းဆီးထားသော ဂျပန် ဂျာနယ်လစ်မှ တစ်ဆင့် ထိုကဲ့သို့ ပြောကြားလိုက်ခြင်းဖြစ်ပြီး ဂျော်ဒန် အစိုးရကလည်း ၎င်းတို့၏ လေယာဉ်မှူးအား လွှတ်ပေးပါက IS ၏ တောင်းဆိုမှုကို လိုက်လျောမည်ဟု ဆိုသည်။

– နှစ်နိုင်ငံ ပုံမှန်ဆက်ဆံရေး ပြန်လည်မတည်ဆောက်မီအလျင် အမေရိကန်က ရေတပ်စခန်းအဖြစ် အသုံးပြုထားသည့် ဂွာတာနာမိုပင်လယ်အော်အား ပြန်လည်ပေးအပ်ရန် ကျူးဘားသမ္မတ ရာအူလ်း ကက်စထရိုက တောင်းဆိုလိုက်ပြီး အမေရိကန် အနေဖြင့် ကျူးဘားအပေါ် ရာစုနှစ်ဝက်ကြာ ချမှတ်ထားသော ကုန်သွယ်မှု ပိတ်ပင်ခြင်းကိုလည်း အဆုံးသတ်သင့်ဟု ထည့်သွင်းပြောကြားခဲ့သည်။

– မကြာသေးမီက ရိုက်ကူးထားသော ဂြိုဟ်တုဓာတ်ပုံများအရ မြောက်ကိုရီးယား၏ ယုံဗြောင် နျူကလီးယား ဓာတ်ပေါင်းဖိုမှာ ပြန်လည် လည်ပတ်တော့မည်ဟု ထင်ရကြောင်း အမေရိကန်မှ တတ်သိပညာရှင်များ အဖွဲ့က ပြောကြားလိုက်သည်။ ထိုစက်ရုံ ပြန်လည် လည်ပတ်ပါက တစ်နှစ်အတွင်း ပလူတိုနီယံပမာဏ ၆ ကီလိုဂမ်ကို ထုတ်လုပ်နိုင်ဖွယ်ရှိနေပြီး ထိုပမာဏက နျူးကလီးယားဗုံးထုတ်လုပ်ရန် လုံလောက်သည့် ပမာဏဖြစ်သည်။

ယူကေတွင် ယနေ့နံနက်ပိုင်းမှစ၍ နှင်းများထူထပ်စွာ ကျဆင်းမှုကြောင့် အင်္ဂလန်မြောက်ပိုင်းနှင့် မြောက် အိုင်ယာလန်တို့တွင် စာသင်ကျောင်းများ ဒါဇင်နှင့်ချီ၍ ပိတ်ပစ်ခဲ့ရပြီး မန်ချက်စတာလေဆိပ် အပါအ၀င် သယ်ယူ ပို့ဆောင်ရေး ၀န်ဆောင်မှုများကိုလည်း ရပ်ဆိုင်းခဲ့ရသည်။

– လူ ၁၀၀ နီးပါးခန့်တင်ဆောင်ကာ မလေးရှားသို့ ဦးတည်ထွက်ခွာလာသည့် ဘင်္ဂလားဒေ့ရ်ှမှ ငါးဖမ်းသင်္ဘော တစ်စီးမှာ ဘင်္ဂလားပင်လယ်အော်ရှိ ဘင်္ဂလားဒေ့ရှ် ကမ်းရိုးတမ်းနီး၌ ယနေ့တွင် နစ်မြုပ်ခဲ့ပြီး ဘင်္ဂလားဒေ့ရှ် ရေတပ်က လူပေါင်း ၃၂ ဦးကို ကယ်တင်နိုင်ခဲ့ကာ ကျန်လူများအား ဆက်လက်ရှာဖွေလျက် ရှိနေသည်။

– စင်ကာပူနိုင်ငံတွင် ပြီးခဲ့သည့်နှစ်အတွင်း ဖြစ်ပွားခဲ့သောရာဇ၀တ်မှုများမှာ ၂၀၁၃ ခုနှစ်ကထက် ၇.၄ ရာခိုင်နှုန်း ပိုမိုမြင့်တက်လာခဲ့ပြီး လိမ်လည်မှုနှင့် အွန်လိုင်းအချစ်လူရမ်းကားများအမှုမှာ အများဆုံးဖြစ်သည်ဟု စင်ကာပူရဲတပ်ဖွဲ့၏ ယနေ့တွင်ပြုလုပ်ခဲ့သော သတင်းစာရှင်းလင်းပွဲတွင် ပြောကြားခဲ့သည်။

Ref: channelnewsasia,aljazeera