နိုင်ငံတကာ သတင်းတို (ဇန်န၀ါရီ ၃၀၊ ၂၀၁၅)

ဇန်န၀ါရီ ၃၀၊ ၂၀၁၅
M-Media

– မက္ကဆီကိုနိုင်ငံ မက္ကဆီကိုစီးတီးရှိ ကလေးဆေးရုံတစ်ခု အပြင်ဘက်တွင် ဂက်စ်အိုးတင်လာသည့် ကားမှ ဂက်စ် ယိုစိမ့်ကာ ပေါက်ကွဲမှုကြောင့် မွေးကင်းစကလေးငယ် ၂ ဦးအပါအ၀င် လူ ၃ ဦးသေဆုံးခဲ့ကာ ဒါဇင်နှင့်ချီ၍ ဒဏ်ရာရရှိခဲ့သည်။ ထို့ပြင် ဆေးရုံ အဆောက်အဦး၏ ၄၀ ရာခိုင်နှုန်းမှာလည်း ပြိုကျပျက်ဆီးခဲ့သည်။

– အီဂျစ်နိုင်ငံ ဆိုင်းနိုင်ကျွန်းဆွယ်မြောက်ပိုင်း အလ်အရစ်ရ်ှမြို့တွင် ရဲစခန်းများ၊ ရဲနှင့် စစ်သားများနေရာ အိမ်ခန်းနှင့် စစ်တပ် စစ်ဆေးရေးဂိတ်တို့အား စစ်သွေးကြွများက ယမန်နေ့ ညနေပိုင်းတွင် ဒုံးကျည်များ၊ ကားဗုံးများဖြင့် တိုက်ခိုက်ခဲ့သောကြောင့် စစ်သားအများစုအပါအ၀င် ၂၆ ဦးသေဆုံးခဲ့ကာ အများအပြား ဒဏ်ရာရရှိခဲ့သည်။

– တစ်စထက်တစ်စ ကြီးထွားလာပြီး နိုင်ငံဖြတ်ကျော် တိုက်ခိုက်မှုများပါ ပြုလုပ်လာသည့် နိုက်ဂျီးရီးယားရှိ ဘိုကိုဟရမ် အဖွဲ့အား နှိမ်နင်းရန်အတွက် အာဖရိက သမဂ္ဂက ယနေ့တွင်ထုတ်ပြန်ခဲ့သော ကြေညာချက်တွင် အာဖရိက ၅ နိုင်ငံပါဝင်သော အင်အား ၇၅၀၀ ရှိ ညွန့်ပေါင်းတပ်အား တိုက်တွန်းပြောဆိုလိုက်သည်။

– IS လက်တွင် ကျန်ရှိနေသည့် မိမိတို့ဂျာနယ်လစ် လွတ်မြောက်ရေးအတွင် ဂျော်ဒန်နှင့် အနီးကပ် ပူးပေါင်းဆောင်ရွက်မှုများ ပြုလုပ်နေသည်ဟု ဂျပန် တာဝန်ရှိသူများက ပြောကြားလိုက်သည်။ ဂျော်ဒန်လေယာဉ်မှူးနှင့် အလ်ကိုင်းဒါး အဖွဲ့ဝင် အမျိုးသမီးတို့ လဲလှယ်ရေးအတွက် IS မှ ပေးထားသော အချိန်မှာ ပြည့်သွားခဲ့ပြီဖြစ်ပြီး IS ဘက်က မည်သည့်ထုတ်ပြန်မှုမှ မပြုလုပ်သေးပေ။

– နိုင်ငံအတွင်း အရက်သေစာသောက်သုံးမှု ထိန်းချုပ်ရေးနှင့်ပတ်သက်၍ ဥပေဒမူကြမ်းတစ်ခုကို စင်ကာပူ ပါလီမန်၌ ယနေ့တွင် တင်သွင်းခဲ့သည်။ အဆိုပါ ဥပဒေမူကြမ်းအရ အများပြည်သူနှင့် သက်ဆိုင်သည့်နေရာများတွင် အရက်သေစာသောက်စားခြင်းကို နေ့စဉ် ည ၁၀ နာရီခွဲမှ နံနက် ၇ နာရီအထိ ပိတ်ပင်သွားမည်ဖြစ်ပြီး အပြင်သို့သယ်ဆောင်သွားနိုင်သည့် အရက်သေစာ ရောင်းချမှုကိုလည်း ည ၁၀ နာရီခွဲအထိသာ ပြုလုပ်နိုင်မည်ဖြစ်သည်။

– ပါလက်စတိုင်းပိုင် အနောက်ဘက်ကမ်းခြေတွင် အစ္စရေးက တရားမ၀င်လူနေအိမ်ရာ ၄၃၀ ကို ထပ်မံဆောက်လုပ်ရန်စီစဉ်နေသည်ဟု တရားမ၀င်အိမ်ရာဆောက်လုပ်မှုများကို စောင့်ကြည်နေသည့် Terrestrial Jerusalem အဖွဲ့က ပြောကြားလိုက်သည်။ ပါလက်စတိုင်းပိုင်နက်များတွင် ဂျူးအခြေချအိမ်ရာများအစ္စရေးက ဆောက်လုပ်ခြင်းမှာ နိုင်ငံတကာဥပဒေများအား ချိုးဖောက်ခြင်းဖြစ်သည်ဟု ကုလသမဂ္ဂအပါအ၀င် နိုင်ငံတကာအသိုင်းအ၀ိုင်းက သတိပေးထားသော်လည်း အစ္စရေးက ရပ်တန့်ခြင်းမရှိဘဲ ဆက်လက်ဆောင်ရွက်နေခြင်း ဖြစ်သည်။

– ပြီးခဲ့သည့် တနင်္ဂနွေနေ့က ပြုလုပ်ခဲ့သော စစ်ဆင်ရေးအတွင်း ကျဆုံးသွားခဲ့သည့် ရဲကွန်မန်ဒို ၄၄ ဦး၏ ဈာပနအခမ်းအနားကို ဖိလစ်ပိုင်၌ ယနေ့တွင် ပြုလုပ်ခဲ့ပြီး ဖိလစ်ပိုင်သမ္မတ အကွီနိုက ကျဆုံးသွားသူများအတွက် တရားမျှတမှုကို ရယူပေးမည်ဟု ကတိပြုခဲ့သည်။ ကွန်မန်ဒိုများမှာ နိုင်ငံတောင်ပိုင်းရှိ သူပုန်အဖွဲ့နှစ်ဖွဲ့ကို တိုက်ခိုက်ရင်း သေဆုံးခဲ့ရခြင်းဖြစ်ပြီး သူပုန်များကမူ အစိုးရက ငြိမ်းချမ်းရေးသဘောတူညီချက်ကို ချိုးဖောက်ကာ စစ်ဆင်ရေးပြုလုပ်ခဲ့ခြင်းဖြစ်သည်ဟု ပြောကြားခဲ့သည်။

Ref: .aljazeera,channelnewsasia