သြစတေးလျဘောလုံးအသင်း အာရှဖလားကို ပထမဆုံးအကြိမ် ဆွတ်ခူး

ဇန်န၀ါရီ ၃၁၊ ၂၀၁၅
M-Media

– ယနေ့ညနေက ကစားခဲ့သော အာရှဖလားနောက်ဆုံးဗိုလ်လုပွဲတွင် အိမ်ရှင် သြစတေးလျအသင်းက တောင်ကိုရီးယားအသင်းကို ၂ ဂိုး ၁ ဂိုးဖြင့် အနိုင်ကစားပြီး ပထမဆုံးအာရှဖလားကို ဆွတ်ခူးနိုင်ခဲ့သည်။

ဆစ်ဒနီတွင်ကစားခဲ့သည့် အဆိုပါပွဲမှာ အကြိတ်အနယ်ရှိခဲ့ပြီး ပထမပိုင်း ၄၅ မိနစ်တွင် လူအွန်ဂိုက အိမ်ရှင်အသင်းအတွက် ဦးဆောင်ဂိုးသွင်းပေးခဲ့သည်။ ထို့နောက် တောင်ကိုရီးယားဘက်ကလည်း ချေပဂိုးရရန် ကြိုးစားခဲ့ပြီး ဂိုးသွင်းခွင့်အချို့ ရခဲ့သော်လည်း လိုအပ်နေသည့် ချေပဂိုးကို ဒုတိယပိုင်း နာကျင်အချိန်ပိုတွင်မှ ဟွန်မင်ဆန်က သွင်းယူပေးနိုင်ခဲ့သည်။

ပွဲအပြီး အချိန်ပိုဆက်လက်ကစားခဲ့ရာ ၁၀၅ မိနစ်တွင် ထရိုအီစီက သြစတေးလျအတွက် အဖိုးတန်အနိုင်ဂိုး သွင်းပေးခဲ့ပြီး မိမိကွင်း၊ မိမိပရိတ်သတ်ရှေ့မှောက်တွင် အာရှဖလားကို ပထမဆုံးအကြိမ် ဆွတ်ခူးနိုင်ခဲ့သည်။

`လူတိုင်းလူတိုင်း အင်မတန်ကောင်းတဲ့ အားထုတ်မှုတွေ လုပ်ခဲ့ပါတယ်။ နောက်ဆုံးဗိုလ်လုပွဲက လွယ်ကူခဲ့တာတော့ မဟုတ်ပါဘူး။ ခက်ခဲတယ်။ အကြိမ်ကြိမ်ကြိုးစားခဲ့ရပြီး ကစားသမားတွေပြသတဲ့ သတ္တိကတော့ အံမခန်းပါပဲ´ ဟု သြစတေးလျနည်းပြ အန်ဂီ ပေါ့စ်တီကော့ဂ်လူက ပွဲအပြီးတွင် ပြောကြားခဲ့သည်။

သြစေတးလျမှာ ၂၀၁၁ ခုနှစ် အာရှဖလားပွဲတွင် ဒုတိယဖြင့်သာ ကျေနပ်ခဲ့ရသည်။

Ref:channelnewsasia