ဖမ်းဆီးထားသည့် ဂျပန်ဂျာနယ်လစ်အား IS သတ်ဖြတ်လိုက်ပြီ

ဖေဖော်ဝါရီ ၁၊ ၂၀၁၅
M-Media

– ဖမ်းဆီးထားသည့် ဂျပန်ဂျာနယ်လစ်တစ်ဦးအား သတ်ဖြတ်ခဲ့သည်ဟု ယူဆရသော ဗီဒီယိုကို IS အဖွဲ့က ယမန်နေ့တွင် ထုတ်ပြန်လိုက်ပြီး ဂျပန်နိုင်ငံသားများအား မည်သည့်နေရာတွင် တွေ့ရှိသည်ဖြစ်စေ သတ်ဖြတ်ပစ်မည်ဟု ဂျပန်အစိုးရအား ခြိမ်းခြောက်ခဲ့သည်။

ဂျာနယ်လစ် ကင်ဂျိဂိုတိုအား ခေါင်းဖြတ်သတ်ခဲ့သည့် အဆိုပါ ဗီဒီယိုကို စစ်သွေးကြွဝဘ်ဆိုက်တစ်ခုတွင် လွှင့်တင်ခဲ့ခြင်းဖြစ်ပြီး ဂိုတို၏ ဘေးနားတွင် ရပ်နေသော မျက်နှာဖုံးဝတ် IS အဖွဲ့ဝင်တစ်ဦးက ထိုသတ်ဖြတ်မှုမှာ ဂျပန်အစိုးရကြောင့် ဖြစ်ရသည်ဟု ဗြိတိန်လေသံဖြင့် ပြောကြားခဲ့သည်။

ဂိုတိုမှာ IS မှ သတ်ဖြတ်သည့် ဒုတိယမြောက် ဂျပန်နိုင်ငံသားဖြစ်ပြီး ပြီးခဲ့သည့်တစ်ပတ်ကလည်း ဂျပန်နိုင်ငံသား ခြုံရေးကန်ထရိုက်တာ ဟာရူနာ ယူကာဝါကို IS မှ သတ်ဖြတ်ခဲ့သည်။ ၎င်းတို့ ၂ ဦးစလုံးအတွက် ဂျပန်အစိုးရထံမှ ပြန်ပေးငွေ ကန်ဒေါ်လာ သန်း ၂၀၀ ကို IS အဖွဲ့က တောင်းဆိုခဲ့သော်လည်း ဂျပန်အစိုးရက ပေးအပ်ခဲ့ခြင်း မရှိချေ။

IS လက်ထဲတွင် ဂျော်ဒန်တိုက်လေယာဉ်မှူး မူအသ် အလ်-ကာဆီစ်ဘဟ်မှာ ဓားစားခံအဖြစ် ဆက်လက်ရှိနေပြီး ၎င်း၏ ကံကြမ္မာကို သိရှိရခြင်း မရှိသေးပေ။ ဂျော်ဒန်ကဖမ်းဆီးထားသော အလ်ကိုင်းဒါးအဖွဲ့ဝင် အမျိုးသမီးကို လွှတ်ပေးပါက အဆိုပါလေယာဉ်မှူးကို လွှတ်ပေးမည်ဟု IS အဖွဲ့က စောစောပိုင်းတွင် ပြောကြားထားပြီး ဂျော်ဒန်ကမူ မိမိတို့ လေယာဉ်မှူး
အသက်ရှိနေသည့်အထောက်အထား ပြရန် တောင်းဆိုထားသည်။

ဂိုတိုအားသတ်ဖြတ်မှုအတွက် ဒေါသဖြစ်မိသည်ဟု ဂျပန်ဝန်ကြီးချုပ် ရှင်ဇိုအာဘေးက ယနေ့တွင် ပြောကြားခဲ့သည်။

`ယုတ်မာပြီး မုန်းတီးစက်ဆုပ်ဖွယ်ကောင်းတဲ့ အကြမ်းဖက်ဝါဒရဲ့ လုပ်ရပ်အတွက် ကျွန်တော် ခံပြင်းဒေါသထွက်ရပါတယ်´ ဟု ကတ်ဘိနတ်အရေးပေါ်အစည်းဝေးပြီးနောက် အာဘေးက သတင်းထောက်များအား ထိုကဲ့သို့ ပြောကြားခဲ့သည်။ ထို့ပြင် မိမိတို့အနေဖြင့် နောက်ဆုတ်သွားမည်မဟုတ်ဘဲ IS အစွန်းရောက်အဖွဲ့အား တိုက်ခိုက်နေသည့် နိုင်ငံများကို လူသားချင်းစာနာထောက်ထားမှုဆိုင်ရာ အကူအညီများ ဆက်လက်ပေးအပ်သွားမည်ဟု ပြောကြားခဲ့သည်။

IS ၏ ထိုသတ်ဖြတ်မှုအတွက် အမေရိကန်သမ္မတ ဘာရက်အိုဘားမား၊ ပြင်သစ်သမ္မတ ဖရန်ကိုအစ် ဟော်လန်ဒေးတို့အပါအ၀င် ကမ္ဘာ့ခေါင်းဆောင်များက ကန့်ကွက်ရှုတ်ချခဲ့ကြသည်။

ဆီးရီးယားနှင့် အီရတ်တို့ရှိ နယ်မြေအချို့အား သိမ်းပိုက်ထားသည့် IS အဖွဲ့ကို အစ္စလာမ်ဘာသာဝင် မျိုးနွယ်စုဖြစ်သော ကာ့ဒ်လူမျိုးများက ဦးဆောင်တိုက်ခိုက်နေပြီး အမေရိကန်ဦးဆောင်ကာ အာရပ်နိုင်ငံများပါဝင်သည့် မဟာမိတ်အဖွဲ့ကလည်း လေကြောင်းမှ တိုက်ခိုက်မှုများကို ပြုလုပ်ပေးနေသည်။

Ref:Usatoday, japantimes