ထိပ်ဆုံး ၂ သင်းသရေကျ၊ အာဆင်နယ်ဂိုးမြူးပြီး၊ မန်ယူ၊ လီဗာပူးလ်တို့ အမှားမရှိခဲ့တဲ့ ပရီးမီးယားလိဂ် ပွဲစဉ် ၂၃

ဖေဖော်ဝါရီ ၂၊ ၂၀၁၅
M-Media

– ဒီတစ်ပတ်ရီးမီးယာလိဂ်မှာတော့ အာဆင်နယ် ဂိုးမြူးခဲ့ပြီး မန်ယူ၊ လီဗာပူးလ်တို့လည်း အနိုင်ရခဲ့ကာ ထိပ်ဆုံးက ချယ်ဆီးနဲ့ မန်စီးတီးတို့ ထိပ်တိုက်တွေ့ဆုံတဲ့ပွဲမှာတော့ သရေနဲ့ အဆုံးသတ်ခဲ့ရပါတယ်။

စနေနေ့က အန်ဖီးလ်မှာကစားခဲ့တဲ့ပွဲမှာ လီဗာပူးလ်တို့ ကစားပုံကောင်းခဲ့ပြီး စတာလင်နဲ့ စတားရစ်ခ်ျတို့ရဲ့သွင်းဂိုးတွေနဲ့ ၀က်စ်ဟမ်းကို အနိုင်ရခဲ့ပါတယ်။ ဒဏ်ရာကြောင့် သြဂုတ်လထဲက အနားယူနေရတဲ့ စတားရစ်ခ်ျတစ်ယောက် ပထမဆုံးကစားနိုင်တဲ့ပွဲမှာ ဂိုးသွင်းပေးခဲ့တာလည်း ဖြစ်ပါတယ်။ လီဗာပူးလ်တို့ ဒီထက်ဂိုးပိုရမယ့်အခွင့်အရေးတစ်ချို့ ရခဲ့ပေမယ့် အသုံးမချနိုင်ခဲ့တာကြောင့် ၂ ဂိုးနဲ့ပဲ ကျေနပ်ခဲ့ရတာဖြစ်ပါတယ်။ လိဂ်ဖလားမှာ ချယ်ဆီးကိုရှုံးပြီးထွက်ခဲ့ရတဲ့ လီဗာပူးလ်တို့ ဒီပွဲအနိုင်ဟာ ဖြေသိမ့်စရာလည်း ဖြစ်ခဲ့ပါတယ်။ ၀က်စ်ဟမ်းနည်းပြ ဆမ်အလာဒိုက်စ်ကတော့ အသင်းမှာ ဒဏ်ရာရကစားသမားတွေ များနေတာကြောင့် ရလဒ်မကောင်းခဲ့တာလို့ ပွဲအပြီးမှာ ပြောခဲ့ပါတယ်။

မန်ယူက ပထမအကျော့ အဝေးကွင်းမှာ ၅ ဂိုး ၃ ဂိုးနဲ့ ရှုံးထာတဲ့ လက်စတာကို အိမ်ကွင်းမှာ ၃ ဂိုး ၁ ဂိုးနဲ့ နိုင်ခဲ့ပါတယ်။ ဒါပေမယ့် ပထမပိုင်းမှာ ကစားပုံ သိပ်မကောင်းခဲ့ပါဘူး။ လက်စတာကလည်း မန်ယူနောက်တန်းကို ထိထိရောက်ရောက် ခြိမ်းခြောက်နိုင်ခြင်းမရှိတာကြောင့် မန်ယူတို့ သက်သာရာရခဲ့ပါတယ်။ မန်ယူအတွက် ဂိုးတွေကိုတော့ ၂၇ မိနစ်မှာ ဗန်ပါစီနဲ့ ၃၂ မိနစ်မှာ ဖယ်လ်ကာအိုတို့က သွင်းပေးခဲ့ပြီး ၄၄ မိနစ်မှာ လက်စတာက ၀က်စ်မော်ဂန်ရဲ့ ကိုယ့်ဂိုးကိုယ်သွင်းမှုကြောင့် ၁ ဂိုး ထပ်ရခဲ့ပါတယ်။ လက်စတာအတွက် နှစ်သိမ့်ဂိုးကိုတော့ မိနစ် ၈၀ မှာ ၀ါစီလ်ဝက်စ်ကီက သွင်းယူပေးခဲ့တာဖြစ်ပါတယ်။

ဒီတစ်ပတ်ရဲ့ Match of the Week ဖြစ်တဲ့ ချယ်ဆီးနဲ့ မန်စီးတီးတို့ရဲ့ပွဲမှာတော့ ၁ ဂိုးစီ သရေနဲ့ အဆုံးသတ်ခဲ့ပါတယ်။ စတမ်းဖို့ဒ်ဘရစ်ခ်ျမှာကစားပေမယ့် ပယ်လီဂရီနီရဲ့ မန်စီးတီးတို့ကသာ အသာစီးရခဲ့တာပါ။ အားထားရတဲ့ တိုက်စစ်မှူး ဒီယေဂိုကော်စတာ ပွဲပယ်ပြစ်ဒဏ်ကြောင့် မပါဝင်နိုင်ခဲ့တာကလည်း ချယ်ဆီးအတွက် အားနည်းချက်ဖြစ်ခဲ့ပါတယ်။ ဒါပေမယ့် ဦးဆောင်ဂိုးကို ၄၁ မိနစ်မှာ အိမ်ရှင်တို့စရခဲ့ပြီး လိုအစ်ရီမီက သွင်းပေးခဲ့ပါတယ်။ ၄ မိနစ်အကြာမှာပဲ မန်စီးတီးတို့ချေပဂိုးရပြီး ဒေးဗစ်ဆေးလ်းဗားကသွင်းပေးခဲ့တာပါ။ နောက်ပိုင်းမှာ မန်စီးတီးတို့ အပိုင်ဂိုးသွင်းခွင့်အချို့ရခဲ့ပေမယ့် အသုံးမချနိုင်ခဲ့တာကြောင့် ထိပ်ဆုံးက ချယ်ဆီးနဲ့ အမှတ်ကွာဟမှု လျှော့ချနိုင်မယ့်အခွင့်အရေး ဆုံးရှုံးခဲ့ရပါတယ်။

အာဆင်နယ်ကတော့ ကွင်းလယ်လူအိုဇေးလ်ရဲ့ ခြေစွမ်းပြမှုနဲ့အတူ အက်စတွန်ဗီလာကို အိမ်ကွင်းမှာ သက်တောင့်သက်သာကစားခဲ့ပြီး ၅ ဂိုးပြတ်နဲ့ အနိုင်ယူနိုင်ခဲ့ပါတယ်။

ခရစ္စတယ်ပဲလေ့စ်ကတော့ နည်းပြသစ် ပါဂျူးရဲ့လက်ထက်မှာ ပထမဆုံးရှုံးပွဲတွေ့ခဲ့ပြီး၊ နယူးကာဆယ်ကလည်း အဝေးကွင်းမှာ ဟားလ်စီးတီးကို ၃ ဂိုးပြတ်နဲ့ အနိုင်ရခဲ့ပါတယ်။ ဇယားအောက်ခြေက အသင်းတွေထဲမှာတော့ ဒီတစ်ပတ် တစ်သင်းမှ အနိုင်မရခဲ့ပါဘူး။

ဒီတစ်ပတ်ပရီးမီးယားလိဂ်ရဲ့ အနိုင်အရှုံးရလဒ်များကတော့ အောက်ပါအတိုင်းဖြစ်ပါတယ်။

ဟားလ်စီး ၀-၃ နယူးကာဆယ်
ခရစ္စတယ်ပဲလေ့စ် ၀-၁ အဲဗာတန်
လီဗာပူးလ် ၂-၀ ၀က်စ်ဟမ်း
မန်ယူ ၃-၁ လက်စတာ
စတုတ် ၃-၁ ကျူပီအာ
ဆန်းဒါးလန်း ၂-၀ ဘန်လေ
ဝက်စ်ဘရွန်း ၀-၃ စပါး
ချယ်ဆီး ၁-၁ မန်စီးတီး
အာဆင်နယ် ၅-၀ အက်စတွန်ဗီလာ
ဆောက်သက်တမ် ၀-၁ ဆွမ်ဆီး