တောင်ကိုရီးယားတွင် စစ်သားတစ်ဦးအား သေဒဏ်ချမှတ်

ဖေဖော်ဝါရီ ၃၊ ၂၀၁၅
M-Media

– မြောက်ကိုရီးယားနယ်စပ်တွင် ပြီးခဲ့သည့်နှစ်က စစ်သားငါးဦး သေဆုံးခဲ့သော ပစ်ခတ်မှုကို ကျူးလွန်ခဲ့သည့် လူငယ်စစ်သား တစ်ဦးကို တောင်ကိုရီးယား စစ်ခုံရုံးက ယနေ့တွင် သေဒဏ်ချမှတ်လိုက်သည်ဟု သိရသည်။

အသက် ၂၂ နှစ်အရွယ်ရှိပြီး လင်မ်ဟု အမည်ရသည့် အဆိုပါစစ်သားမှာ ကြိုတင်ကြံရွယ်ထားသော ရက်စက်သည့်အမှုကို လွန်ခဲ့သည်ဟု နိုင်ငံအရှေ့ပိုင်း ၀ွန်ဂျူးစစ်ခုံရုံးက သတ်မှတ်ခဲ့ပြီး ထိုသတ်ဖြတ်မှုအတွက်လည်း ရှုတ်ချခဲ့သည်ဟု Yonhap သတင်းဌာနက ဖော်ပြခဲ့သည်။

နိုင်ငံတကာ၏ ဖိအားပေးမှုများကြောင့် တောင်ကိုရီးယားနိုင်ငံမှာ ၁၉၉၇ နှစ်မှစ၍ သေဒဏ်စီရင်ခြင်း မပြုခဲ့ဘဲ ထိုပြစ်ဒဏ်အတွက် တစ်သက်တစ်ကျွန်းပြစ်ဒဏ်ကိုသာ ချမှတ်ခဲ့သည်။ တောင်ကိုရီးယားတွင် သေဒဏ်ချမှတ်ခံရသောသူများအတွက် အလိုအလျောက် အယူခံဝင်ခွင့်ရသည့် စနစ်ရှိသောကြောင့် လင်မ်မှာ အယူခံလျှောက်ထားခွင့်ရမည်ဖြစ်သည်။

ပြစ်ဒဏ်ချမှတ်မှုအကြိုအဖြစ် ဇန်န၀ါရီ ၂၃ ရက်နေ့က ထုတ်ပြန်ခဲ့သော ကြေညာချက်တွင် လင်မ်က မိမိအနေဖြင့် ထိုပြစ်မှုကို ကျူးလွန်ခဲ့ခြင်းအတွက် အလွန်အမင်းနောင်တရမိသည်ဟု ဖော်ပြထားသည်။

`သေဆုံးသွားသူတွေနဲ့ သူတို့ရဲ့ ဆွေမျိုးတွေအတွက် ကျွန်တော် အရမ်းစိတ်မကောင်းဖြစ်မိပါတယ်။ ဒီနောင်တတွေကိုကျော်ပြီး မပျော်ရွှင်နိုင်တော့ပါဘူး။ အိမ်မက်လို့သတ်မှတ်ပြီး အတိတ်ကို ပြန်သွားလို့လည်း မဖြစ်နိုင်တော့ပါဘူး´ ဟု လင်မ်က ဆိုသည်။

ပြီးခဲ့သည့်နှစ် ဇွန်လအတွင်းက လင်မ်မှာ မြောက်ကိုရီးအနီးရှိ စစ်ဆေးရေးဂိတ်၌ တာဝန်ထမ်းဆောင်နေစဉ် တို့တပ်ဖွဲ့ဝင်များအတွင်းသို့ ဗုံးတစ်လုံးပစ်ထည့်ကာ ပစ်ခတ်မှုများ ပြုလုပ်ခဲ့သောကြောင့် စစ်သား ၅ ဦး သေဆုံးခဲ့ပြီး ၇ ဦး ဒဏ်ရာရရှိခဲ့သည်။ လင်မ်ကမူ စစ်သားများက မိမိကို လှောင်ပြောင် အရှက်ရအောင် လုပ်ခြင်းအတွက် ထိုကဲ့သို့ လက်စာချေခဲ့ခြင်းဟု ပြောကြားခဲ့သည်။

တောင်ကိုရီးယားစစ်တပ်တွင် စစ်သားအချင်းအချင်း အနိုင်ကျင့်မှုများကြောင့် အချင်းချင်း လက်နက်ဖြင့်တုံ့ပြန်သည့် ဖြစ်စဉ်များမှာ ယခင်ကလည်း ဖြစ်ပွားလေ့ရှိခဲ့သည်။

Ref: channelnewsasia