တောင်ကြီးမှ ဘာသာပေါင်းစုံ ကျီးဖြူကန် သုဿာန်များအား ဥပဒေမဲ့ ဖျက်ဆီး၊ သင်္ဂြိုလ်မှုပြုရန် အခက်ကြုံနေ

ဖေဖော်ဝါရီ ၃၊ ၂၀၁၅
M-Media
သတင်း/ဓာတ်ပုံ – ထွန်းသူအောင်

အေးသာယာမြို့ရှိ တိုင်းရင်းသားနှင့် ဘာသာပေါင်းစုံ(ကျီးဖြူကန်)သုဿာန်များအား မင်းကျန်စစ် ဆောက်လုပ်ရေး ကုမ္ပဏီမှ ဥပဒေမဲ့ ရှောင်တခင် ကျုးကျော်ဖျက်ဆီးခဲ့၍ သဂြိုလ်မှုပြုရန် အခက်ခဲကြုံတွေ့နေရ

ရှမ်းပြည်နယ်တောင်ပိုင်း တောင်ကြီးမြို့နယ်၊ အေးယာယာမြို့နှင့် ထုံးဖိုကျေးရွာ အုပ်စုရှိ ဘာသာ အသီးသီးမှ သင်္ဂြိုလ်မှုပြုလုပ်လျက် ရှိသော အေးသာယာမြို့ တိုင်းရင်းသားပေါင်းစုံ(ကျီးဖြူကန်)သုဿာန်များအား  ဇန်န၀ါရီလကုန်ရက်ပိုင်း ညဥ့်အချိန်များအတွင်း မင်းကျန်စစ် ဆောက်လုပ်ရေး ကုမ္ပဏီမှ စီမံကိန်းလုပ်ငန်းခွင်အတွက်ဟု အကြောင်းပြကာ စက်ယန္တရားများဖြင့် ဥပဒေမဲ့ကျူးကျော် ၀င်ရောက်ဖျက်ဆီးမှုဖြစ်ပွား ခဲ့ကြောင်း အေးသာယာမြို့ရှိ ပရဟိတအသင်းများ၊ နာမှုကူညီရေးအသင်းဝင်များနှင့် ဘာသာရေး အဖွဲ့အစည်း တာဝန်ရှိသူများထံမှ သိရှိရပါသည်။

မင်းကျန်စစ်ကုမ္ပဏီသည် အေးသာယာမြို့ နယ်နိမိတ် အတွင်း ကျီးဖြူကန်ပတ်ဝန်းကျင်၌ တန်ဖိုးနည်း ၀န်ထမ်းအိမ်ယာ စီမံကိန်း ဆောက်လုပ်ဆောင်ရွက်ခွင့် ရရှိထားခဲ့ပြီး ယခုအခါတွင် ဆောက်လုပ်ရေးလုပ်ငန်း အတွက် စက်ယန္တရားများ အသုံးပြုကာ မြေတူးခြင်း၊ မြေညှိခြင်းများပြုလုပ်လျက်ရှိကြောင်း၊ သို့သော် နောက်ဆုံးရ အချက်အလက်များအရ ၀န်ထမ်းများ သက်သက်အတွက် မဟုတ်ဘဲ ပြင်ပသူများ၏လျှောက်လွှာတင်မှုကိုလည်း လက်ခံနေကြောင်း၊ ဇန်န၀ါရီလနှောင်းပိုင်းတွင် အေးသာယာမြို့နှင့် ထုံးဖိုမြို့နယ်ရှိ ဗုဒ္ဓဘာသာ၊ ဟိန္ဒူဘာသာ၊ ခရစ်ယာန်ဘာသာနှင့် အစ္စလာမ်ဘာသာဝင်များ သင်္ဂြိုလ်မှုပြုလုပ်ရာ တိုင်းရင်းသားပေါင်းစုံ(ကျီးဖြူကန်)သုဿာန်များအား တစ်စုံတစ်ရာ တင်ကြိုအသိပေး အကြောင်းကြားခြင်းမရှိဘဲ ညဥ့်အချိန်တွင် ကျုးကျော်ဝင်ရောက်ဖျက်ဆီးခဲ့ကြောင်း၊ ယင်းမြေနေရာများမှာ စီမံကိန်း၏ သတ်မှတ် ဧရိယာ၌ မပါဝင်ကြောင်း၊ ထိုဖြစ်စဉ်သည် မတရားမြေသိမ်းမှု တစ်ရပ်သာဖြစ်ကြောင်း ဒေသခံများက ဆိုပါသည်။

“ သုဿာန်ထဲက အုတ်ဂူတွေ၊ အဆောက်အဦတွေ၊ အကာအရံခြံစည်းရိုးတွေကို မင်းကျန်စစ်ဆောက်လုပ်ရေး ကုမ္ပဏီအတွက် ဥပဒေမဲ့ကျုးကျော်ဖျက်ဆီးသွားပြီးတဲ့ အခါကျမှ ကျနော်တို့ အဖွဲ့တွေ သိလိုက်ရတယ်။ ရက်ပိုင်းမျှသာရှိသေးတဲ့ မြုပ်နှံပြီးစ ရုပ်ကလာပ်တွေလည်း မြေကြီးပေါ် ပြန်ရောက်လာလို့ အဆင်ပြေတဲ့တစ်နေရာမှာ အမြန်ရွှေ့ပြီး စုပေါင်းမြုပ်နှံ ခဲ့ရတယ်။ဒီမြေနေရာတွေ က ဘာသာ အသီးသီး တိုင်းရင်းသားပေါင်းစုံ အတွက် သုဿာန်မြေအဖြစ် နိုင်ငံတော်က တရားဝင်သတ်မှတ် ချမှတ်ပေးထားပြီး လွန်ခဲ့တဲ့နှစ်ပေါင်း(၂၀)ကျော်ကတည်းက စတင်အသုံးပြုလာခဲ့တာပါ။ ဒီသုဿာန်မြေနေရာနဲ့ပတ်သက်လို့ သက်ဆိုင်ရာဌာနများက တစ်စုံတစ်ရာ ညွှန်ကြားထားချက်တွေ၊ တရားဝင်ရွှေ့ပြောင်းခိုင်းမှုတွေ၊ အတည်တကျ သုဿန်မြေနေရာသစ်တစ်ခု ထပ်မံလျာထား သတ်မှတ်ပေးမှုတွေလည်း မရှိခဲ့ပါဘူး။  စီမံကိန်းဧရိယာထဲ မပါဝင်ဘဲနဲ့ မင်းကျန်စစ် ကုမ္ပဏီက မြေတူးစက်သုံးပြီး သုဿာန်တွေကို အခုလိုဝင်ရောက် ကျူးကျော်ဖျက်ဆီးခြင်းကတော့ တရားဥပဒေမဲ့လွန်းတဲ့ လုပ်ရပ်ဖြစ်ပါတယ်” ဟု အေးသာယာမြို့ နာမှုကူညီရေး အဖွဲ့ဝင်တစ်ဦးမှပြောကြားပါသည်။

အေးသာယာမြို့ တိုင်းရင်းသားပေါင်းစုံ(ကျီးဖြူကန်) သုဿာန်မြေနေရာသည် မင်းကျန်စစ်ကုမ္ပဏီ၏ ဆောက်လုပ်ခွင့်ရ စီမံကိန်းဧရိယာနှင့် ကိုက်(၅၀)ကျော်အကွာအဝေးတွင် လွတ်ကင်းစွာ တည်ရှိနေပါသည်။  သုဿာန်မြေနေရာပြောင်းရွှေ့ပေးရန် နိုင်ငံတော်မှ တရားဝင်ညွှန်ကြားစေခိုင်း ခဲ့ခြင်းနှင့် အမိန့်ထုတ်ပြန်ခဲ့ခြင်း ယနေ့ထိတိုင် မရှိကြောင်း၊  မြို့နယ် စည်ပင်သာယာရေးအဖွဲ့မှ အရာရှိအချို့နှင့် မင်းကျန်စစ်ကုမ္ပဏီမှ တာဝန်ရှိသူတို့၏ လျှို့ဝှက် လက်ဝါးရိုက်နားလည်မှုဖြင့်  ပူးပေါင်းပြုလုပ်သော ဥပဒေမဲ့လုပ်ရပ် တစ်ခုဖြစ်ဖွယ် ရှိကြောင်း၊ ယခုအခါ သုဿာန်မြေနေရာများ ပျက်စီးပျောက်ပျက်သွားပြီဖြစ်သဖြင့် နာရေးကိစ္စ ရှောင်တခင်ဖြစ်ပေါ်လာလျှင် သဂြိုင်္လ်မှုပြုရန် ဒေသခံဘာသာဝင် အသီးသီးထံ အခက်အခဲများကြုံတွေ့နေရကြောင်းကို အေးသာယာမြို့ ပရဟိတအသင်းဝင်တစ်ဦးမှ  M-Media သို့ အောက်ပါအတိုင်း ရင်ဖွင့်ပြောပါသည်။

“ အခုက သုဿာန်မြေနေရာ အကုန်လုံးကို စက်နဲ့မြေထိုးမြေညှိလိုက်တော့ သဂြိုင်္လ်ဖို့ အရမ်းခက်ခဲသွားတယ်။ သဂြိုင်္လ်ဖို့နေရာ မရှိတော့သလောက် ဖြစ်သွားတာဆိုတော့ ရုတ်တရက် တစ်ဦးတစ်ယောက် သေဆုံးရင် ဘယ်မှာသွား သဂြိုင်္လ်ရမလဲ မသိတော့ဘူး။ သက်ဆိုင်ရာကလည်း အခုထိ ဘာမှမလုပ်ပေးဘူး။ ပြောင်းရွှေ့သဂြိုလ်ဖို့အတွက် အတည်တကျ သုဿန်မြေနေရာသစ် ထပ်ပေးမယ် မပေးဘူးဆိုတာလည်း သေချာမသိရဘူး၊ နိုင်ငံတော်က ဒီသုဿာန်တွေကို တရားဝင် ဖျက်ခိုင်းတာလားဆိုတာလည်း ဘာမှမသိရတဲ့အပြင် ဘာညွှန်ကြားချက်၊ ဘာအမိန့်မှလည်း မရှိထားပြန်ဘူး။ နောက်ထပ်သတ်မှတ်လျာထားတဲ့နေရာသစ်မရှိဘဲ ဒီလိုဖျက်ဆီးခံရတာကို သက်ဆိုင်ရာက တကယ်မသိတာလား၊ မသိချင်ယောင်ဆောင်နေတာလားတော့ မပြောတတ်ဘူး။ အခုတော့ ဒီအေးသာယာသုဿာန်က ဘာသာအသီးသီးရဲ့ သုဿန်မြေတွေ၊ အုတ်ဂူတွေ၊ အဆောက်အဦနဲ့ ခြံစည်းရိုးတွေကို မင်းကျန်စစ်ဆောက်လုပ်ရေး ကုမ္ပဏီက မတရားကျုးကျော် ဖျက်ချင်တိုင်း ဖျက်ဆီးနေတာ ဒီအတိုင်းပဲ လက်ပိုက်ကြည့်နေရတယ်။ ဒီစီမံကိန်းကို ရှမ်းပြည်နယ် အစိုးရအဖွဲ့က ခွင့်ပြုခဲ့တာလို့ သိရပါတယ်။ ဒါကြောင့် မတရားကျူးကျော် ၀င်ရောက် ဖျက်ဆီးခံခဲ့ရပြီး သုဿန်မြေနေရာပျက်ဆီးပျောက်ဆုံးသွားမှု၊ သဂြိုင်္လ်ရေးအခက်ခဲ ကြုံတွေ့နေရမှုတွေနဲ့ပတ်သက်ပြီး မြို့နယ်အုပ်ချုပ်ရေး၊ စည်ပင်နဲ့ ပြည်နယ်အစိုးရအဖွဲ့မှာလည်း တာဝန်ရှိမယ်လို့ ထင်မြင်ပါတယ်” ။

ထိုအရေးနှင့်စပ်လျဉ်း၍ ယနေ့ (၃.၂.၂၀၁၅)ရက် နံနက်ပိုင်းတွင် အေးသာယာမြို့ သုဿာန်မြေနေရာ အတည်တကျရရှိရေး အတွက် ရပ်မိရပ်ဖများ၊ ပရဟိတအသင်းများ၊ နာမှုကူညီရေးအဖွဲ့များနှင့် ဘာသာရေးအသင်းဖွဲ့များ စုပေါင်းကာ သတင်းစာရှင်းလင်းပွဲတစ်ရပ် ကျင်းပရန် စီစဉ်ဖိတ်ကြားခဲ့သော်လည်း ထိုအခမ်းအနား မပြုလုပ်ဖြစ်ခဲ့ ကြောင်း သိရှိရပါသည်။

“ ဒီနေ့မနက်ပိုင်းမှာ ဒီသုဿာန်မြေ ကျုးကျော်ဖျက်ဆီးခံရတဲ့ ကိစ္စအတွက် အများပြည်သူနဲ့ သက်ဆိုင်ရာတာဝန်ရှိသူတွေက အစိုးရဌာနများ သိရှိနိုင်အောင် အေးသာယာမြို့၊ မြို့လယ်သာသနာ့ဗိမ္မာန်တော်မှာ သတင်းစာရှင်းလင်းပွဲလုပ်ဖို့ သာဓုပရဟိတ(အေးသာယာ)အဖွဲ့က စီစဉ်ဖိတ်ကြားခဲ့တယ်။ ဒါပေမယ့် မင်းကျန်စစ်ကုမ္ပဏီတာဝန်ရှိသူတွေက ညှိနှိုင်းဆောင်ရွက်ပေးမယ်ဆိုပြီး လာရောက်ပြောဆိုသွားလို့ သတင်းစာရှင်းလင်းပွဲကတော့ ဒီမနက် မလုပ်ဖြစ်ခဲ့ပါဘူး” ဟု အေးသာယာမြို့ခံတစ်ဦးမှ ရှင်းပြပါသည်။

သက်ဆိုင်ရာအစိုးရဌာနများသို့ မေးမြန်းစုံစမ်းကြည့်ရာတွင်လည်း တိကျရေရာသေချာစွာ မသိရှိ၊ မပြောဆိုနိုင်ကြကြောင်း သိရသည်။ သုဿာန်နေရာအရေး ရတက် မအေးကြသူများအနေဖြင့် ပြည်နယ်အဆင့်ထိ ဆက်လက်တင်ပြ အရေးဆိုသွားမည်ဖြစ်သည်ဟု သတင်းရရှိသည်။