နိုင်ငံတကာ သတင်းတို (ဖေဖော်ဝါရီ ၃၊ ၂၀၁၅)

ဖေဖော်ဝါရီ ၃၊ ၂၀၁၅
M-Media

– ရုရှားမှ ထောက်ပံ့ပေးထားသည့် ခွဲထွက်ရေးသမားများအား တိုက်ခိုက်နေသော ယူကရိန်းစစ်တပ်ကို လက်နက်များ ထောက်ပံ့ပေးသွားရန် အမေရိကန်အစိုးရက စဉ်းစားနေသည်ဟု အစိုးရနှင့်နီးစပ်သူတစ်ဦးက ပြောကြားလိုက်သည်။ အမေရိကန် နိုင်ငံခြားရေးဝန်ကြီးဂျွန်ကယ်ရီမှာ ကိဗ်မြို့သို့ လာမည့် ကြာသာပတေးနေ့တွင် သွားရောက်ရန်ရှိနေသည်။ ခွဲထွက်ရေး သမားများကမူ ၎င်းတို့မှာ စစ်အင်အား ၁ သိန်း ဖြည့်တင်းမည်ဟု ယမန်နေ့က ပြောကြားထားသည်။

– သူပုန်များအား ပစ်မှတ်ထား၍ ဆီးရီးယားအစိုးရမှ ယမန်နေ့က နိုင်ငံတစ်ဝှမ်း ပြုလုပ်ခဲ့သော လေကြောင်းတိုက်ခိုက်မှုတွင် အရပ်သားအများစုအပါအ၀င် စုစုပေါင်း ၄၄ ဦးသေဆုံးခဲ့ပြီး ၁၀၀ ကျော်ဒဏ်ရာရှိခဲ့သည်ဟု လန်ဒန်အခြေစိုက် ဆီးရီးယား လူ့အခွင့်အရေး စောင့်ကြည့်အဖွဲ့က ပြောကြားလိုက်သည်။

– သြစတေးလျ အနောက်ပိုင်း ပါသ့်မြို့ ရှော့ပင်းစင်တာတစ်ခုရှိ လျှပ်စစ်ထရန်ဖော်မာထားရာ အခန်း၌ ယနေ့နံနက်ပိုင်း ပေါက်ကွဲမှုကြောင့် လူတစ်ဦး သေဆုံးခဲ့ပြီး သုံးဦးမှာ ဆိုးရွားသည့် မီးလောင်ဒဏ်ရာများ ရရှိခဲ့သည်ဟု အစိုးရ တာဝန်ရှိသူများက ပြောကြားခဲ့သည်။

– အီဂျစ်နိုင်ငံ ကိုင်ရိုမြို့လည်ကောင်တွင် လက်လုပ်ဗုံးတစ်လုံး ယနေ့နံနက်အစောပိုင်းက ပေါက်ကွဲခဲ့ပြီး သေဆုံးဒဏ်ရာရသူများ မရှိခဲ့ချေ။ ထို့ပြင် ကိုင်ရို အဓိကလေဆိပ်၏ ၀င်ပေါက်များတွင်လည်း ဗုံး ၂ လုံးကို တွေ့ရှိရသောကြောင့် လုံခြုံရေးများကို တိုးမြှင့်ချထား လိုက်သည်ဟု တာဝန်ရှိသူများက ပြောကြားခဲ့သည်။

Ref: channelnewsasia,aljazeera