တိုင်းပြည်ကို မိမိ ဦးဆောင်နိုင်မည်ဟု ဒေါ်အောင်ဆန်းစုကြည်ဆို

ဖေဖော်ဝါရီ ၅ ၊ ၂၀၁၅
M-Media

– ယခုနှစ်အတွင်း အဓိကကျသည့် ရွေးကောက်ပွဲရှိနေပြီး အာဏာရှင်စနစ်မှ ကူးပြောင်းလာခဲ့သည့် ဒီမိုကရေစီစနစ်မှာ အတုအယောင် ဒီမိုကရေစီဖြစ်လာသည်ဟု စိုးရိမ်မှုများရှိနေသော်လည်း မြန်မာနိုင်ငံအား ဦးဆောင်နိုင်မည်ဟု ဒေါ်အောင်ဆန်းစုကြည်က အခိုင်အမာပြောကြားခဲ့သည်။

လက်ရှိအာဏာရနေသော ဗိုလ်ချုပ်ဟောင်းများ၏ အာဏာကို တားဆီးရန်နှင့် ရာစုနှစ်တစ်ဝက်နီးပါး ကြာမြင်ခဲ့သည့် စစ်တပ်အုပ်ချုပ်မှု အဆုံးသတ်ပြီးနောက် ပေါ်ထွက်လာသော ဖွဲ့စည်းပုံအခြေခံဥပဒေတွင် သူမ၏ သမ္မတဖြစ်ခွင့်အား ပိတ်ပင်ထားသည့် အပိုဒ်ကို ဖြုတ်ပစ်ရန်အတွက် ဆောင်ရွက်သွားမည်ဟု မြန်မာ့ အတိုက်အခံခေါင်းဆောင် သူမက ဆိုသည်။

အမြဲတမ်းပင် တွေ့ဆုံဆွေးနွေးရေး စကားများကိုသာ ပြောဆိုလေ့ရှိသည့် နိုဘယ်ငြိမ်းချမ်းရေးဆုရှင်၏ ထိုမှတ်ချက်များက နိုင်ငံရေးအရှုပ်အထွေးနှင့် ပဋိပက္ခများရှိနေသည့် မြန်မာနိုင်ငံအတွင်း စိုးရိမ်စရာကောင်းသော ဖွဲ့စည်းပုံအခြေခံဥပဒေနှင့် အာဏာခွဲဝေမှုပြဿနာများကို မီးမောင်းထိုးပြနေသည်။

`သိပ်အန္တရာယ်ကြီးပါတယ်။ ဘာ့ကြောင့်လဲဆိုတော့ စစ်မှန်တဲ့ ဒီမိုကရေစီမဟုတ်လို့ပါ။ ဒါပေမယ့် စစ်မှန်တဲ့ဒီမိုကရေစီလို့ ယုံကြည်နေကြတဲ့သူတွေနဲ့၊ စစ်မှန်တဲ့ ဒီမိုကရေစီလိုမျိုး ဟန်ဆောင်နေကြတဲ့ သူတွေလည်း အများကြီးရှိပါတယ်´ ဟု နေပြည်တော် ပါလီမန်အဆောက်အဦးရှိ သူမ၏ ရုံးခန်၌ ပြုလုပ်ခဲ့သော အင်တာဗျူး၌ ဒေါ်အောင်ဆန်းစုကြည်က ပြောကြားခဲ့သည်။

ဒေါ်အောင်ဆန်းစုကြည်၏ သားများမှာ မြန်မာနိုင်ငံသား မဟုတ်သောကြောင့် မိခင်ဖြစ်သူ သူမနေဖြင့် သမ္မတဖြစ်ခွင့် မရှိဟု ဆိုလိုသော ဖွဲ့စည်းပုံအခြေခံ ဥပဒေပါ စည်းမျဉ်းအား သူမက ပြင်နိုင်မည်ဆိုခြင်းနှင့် ပတ်သက်၍ သံသယများ ရှိနေသော်လည်း ဒေါ်အောင်ဆန်းစုကြည်ကတော့ စွန်လွှတ်မည်မဟုတ်ဟု ဆိုသည်။ အခြေခံဥပဒေအား ပြင်ဆင်ခြင်းမှာ လွှတ်တော်တွင် အသက်ဝင်နေသည့် ကိစ္စဖြစ်သည်ဟု သူမကထောက်ပြသည်။ ထိုပြင်ဆင်မှုတွင် သူမအား သမ္မတဖြစ်ခွင့် ပိတ်ပင်ထားသည့် အပိုဒ်ကိုဖြုတ်ရန်၊ စစ်တပ်က လွှတ်တော်တွင် ၂၅ ရာခိုင်နှုန်း နေရာယူထားခြင်းနှင့် ဖွဲ့စည်းပုံ အခြေခံဥပဒေပြင်ဆင်မှုအား တားမြစ်ပိတ်ပင်နိုင်သည့် အာဏာ စသည်တို့ကို ပယ်ဖျက်ရန်တို့ ပါဝင်သည်။

`အခြေခံဥပဒေဟာ ပြောင်းသွားမယ်လို့ ကျွန်မ သေချာပြောရဲပါတယ်။ ဘယ်တော့လဲဆိုတာကို ပြောလို့ မရပါပေမယ့် ဒီလိုမျိုး စာပိုဒ်တွေက တစ်သက်လုံးရှိနေမှာ မဟုတ်ပါဘူး´ ဟု အသက် ၇၀ အရွယ်ရှိပြီဖြစ်သည့် သူမက ဆိုသည်။

၁၈၈၅ ခုနှစ် အင်္ဂလိပ်က သီပေါဘုရင်ကို ဖြုတ်ချပြီးနောက်ပိုင်း နှစ်ပေါင်း ၁၃၀ လုံးလုံး နိုင်ငံအား မည်ကဲ့သို့ အုပ်ချုပ်ရမည်ဆိုခြင်းနှင့်ပတ်သက်၍ မြန်မာနိုင်ငံက ရုန်းကန်နေရဆဲပင်ဖြစ်သည်။ ထိုအတောအတွင်း ကိုလိုနီအုပ်ချုပ်ရေး၊ စစ်အာဏာရှင်စနစ်တို့ဖြင့် နှစ်ပေါင်းများစွာ ကြုံတွေ့ခဲ့ရသည်။ နေအိမ်အကျယ်ချုပ် ၁၅ နှစ်အပါအ၀င် လွန်ခဲ့သည့် ၂၅ နှစ်အတွင်း နိုင်ငံရေးအခွင့်အရေး အတွက် ဒေါ်အောင်ဆန်းဆုကြည် တစ်ယောက် စစ်ဗိုလ်ချုပ်ကြီးများနှင့် တိုက်ပွဲဝင်ရာတွင် ဆယ်စုနှစ်ပေါင်းများစွာ အစိုးရနှင့် ပဋိပက္ခများဖြစ်ခဲ့ကြသည့် တိုင်းရင်းသားများအား အာဏာခွဲဝေရေးနှင့် ပတ်သက်သည့် ပြဿနာကိုလည်း စဉ်းစားခဲ့ကြရသည်။ ထို့ပြင် လူများစု ဗမာလူမျိုးများ၏ လွှမ်းမိုးမှုကိုလည်း သတိထားခဲ့ကြရလေသည်။

စိတ်ဝင်စားသည့် အဖွဲ့ပေါင်းများစွာနှင့် ကျယ်ကျယ်ပြန့်ပြန့် ဆွေးနွေးခြင်းအတွက် ယခင်ဗိုလ်ချုပ်ဟောင်းဖြစ်သည့် သမ္မတဦးသိန်းစိန်နှင့် သူ၏ လေးနှစ်သားရှိသော အရပ်သားတစ်ပိုင်း အစိုးရ၏ အစီအစဉ်များမှာ ပရမ်းပတာအခြေအနေဖြစ်စေ၍ ပြုပြင်ပြောင်းလဲမှုကို တမင်ဖျက်ဆီးရန် အားထုတ်မှုကဲ့သို့ ဖြစ်နေသည် ဟု ဒေါ်အောင်ဆန်းစုကြည်က ပြောခဲ့သည်။ အစိုးရကတော့ ဒေါ်အောင်ဆန်းစုကြည်က အားပေးသည့် နိုင်ငံရေးခေါင်းဆောင်များ အကြား ဆွေးနွေးညှိနှိုင်းမှုတွင် ၎င်းတို့၏ အစီအစဉ်မှာ အပေါ်အောက်သွားသည့်စနစ်ထက် ပို၍ ဒီမိုကရက်တစ်ဆန်သည်ဟု ဆိုသည်။

ပြန်ကြားရေးဝန်ကြီး ဦးရဲထွဋ်က ဒေါ်အောင်ဆန်းစုကြည်၏ ရပ်တည်ချက်ကို ဝေဖန်ခဲ့ပြီး ဒေါ်စုအနေဖြင့် တစ်ခါတစ်ရံတွင် စစ်တပ်နှင့်ပတ်သက်၍ အလွန်အမင်း ပွင့်ပွင့်လင်းလင်းပြောတတ်သည်ဟုဆိုသည်။

`ဒီလိုပြောဆိုမှုမျိုးဟာ အနောက်တိုင်း နိုင်ငံရေးယဉ်ကျေးမှုမှာတော့ အလုပ်ဖြစ်မှာဖြစ်ပေမယ့် မြန်မာ့နိုင်ငံရေး ဓလေ့မှာတော့ သူမ လိုချင်တဲ့ ရလဒ်ကို ဆောင်ကျဉ်းပေးနိုင်မှာ မဟုတ်ပါဘူး´ ဟု ဦးရဲထွဋ်က ဆိုလေ၏။

တစ်ချိန်က မာမာထန်ထန်တုန့်ပြန်ရန် လိုလားခဲ့သော ဒေါ်အောင်ဆန်းစုကြည်တစ်ယောက် စစ်ခေါင်းဆောင်များ၏ အတိတ်က မှားယွင်းမှုများအတွက် အနာဂတ်အစိုးရတွင် ပြစ်ဒဏ်ခတ်ခြင်း ပြုလုပ်မည် မဟုတ်ဟုဆိုကာ စစ်တပ်ကို စိတ်အေးစေအောင် ဆောင်ရွက်ခဲ့သည်။

`ကျွန်မတို့ ရှေ့ဆက်ဖို့လိုပါတယ်။ ဘာ့ကြောင့်လဲဆိုတော့ ကျွန်မတို့ကိုယ်ကျွန်မတို့ တစ်ချိန်လုံး အတိတ်မှာပဲ တစ်ဝဲလည်လည်ဖြစ်နေရမယ်လို့ ကျွန်မ မယူဆပါဘူး။ အတိတ်ဆိုတာ ကျွန်မတို့အတွက် သင်ယူဖို့ဖြစ်ပြီး ကျွန်မတို့ကို တုပ်နှောင်ထားဖို့ မဟုတ်ပါဘူး´

တရုတ်မှတည်ဆောက်မည့် ရေကာတာစီမံကိန်းများမှအစ မူးယစ်ဆေးဝါး၊ ကျောက်စိမ်း၊ ကျွန်းသစ်စသည်တို့ မှောင်ခိုထွက်နေခြင်းတို့အဆုံး ပြဿနာများဖြင့် စိုးရိမ်မှုများ မြင့်တက်လာချိန်တွင် မြန်မာ့စီးပွားရေး၊ နိုင်ငံခြားရင်းနှီမြှုပ်နှံမှု၊ သဘာဝသယံဇာတများအတွက် လိုင်စင်ချပေးခြင်း စသည်တို့နှင့်ပတ်သက်၍ အမျိုးသားဒီမိုကရေစီအဖွဲ့ချုပ်၏ ပေါ်လစီများကို အသေးစိတ်ပြောပြရန် ဒေါ်အောင်ဆန်းစုကြည်က ငြင်းဆိုခဲ့သည်။ သို့ရာတွင် ချစားမှုပြဿနာကို ပထမဆုံး ဖြေရှင်းရမည်ဟု သူမက ထောက်ပြခဲ့သည်။ ထိုအတွက် အစိုးရကိုယ်တိုင်က စတင်ရမည်ဖြစ်ပြီး ထို့နောက် နိုင်ငံအတွင်း တရားဥပဒေစိုးမိုးရေးကို တည်ဆောက်ရမည်ဟု သူမက ဆိုလေသည်။

`ဒါဟာ စီးပွားရေးကိစ္စ သက်သက်ချည်းမဟုတ်ပါဘူး။ နိုင်ငံရေးကိစ္စမျိုးဖြစ်ပါတယ်´ ဟု တိုင်းရင်းသား လူနည်းစုများနှင့် သယံဇာတဝေခွဲရေးကို ရည်ညွှန်း၍ သူမက ပြောကြားခဲ့သည်။

၂၀၁၂ ခုနှစ်အတွင်း လွှတ်တော်အမတ်ဖြစ်လာပြီးနောက်ပိုင်း ဝေဖန်မှုများနှင့် ပိုမိုရင်ဆိုင်ခဲ့ရသည်ဆိုသည်ကို သူမက ငြင်းဆန်ခဲ့သော်လည်း သူမ၏ သမ္မတဖြစ်ရေး ရည်မှန်းချက်အတွက် အချို့သောသူများ၏ ဝေဖန်မှုကိုတော့ ဒေါ်အောင်ဆန်းစုကြည်က ရင်ဆိုင်ခဲ့ရလေသည်။

လက်ရှိအနေအထားအတွင်း အကျိုးခံစားနေရပြီး ဒေါ်အောင်ဆန်းစုကြည်ကို သံသယရှိသူအချို့က သူမအနေဖြင့် လက်ရှိအာဏာကို လှုပ်ခတ်နိုင်မည်လားဆိုခြင်းနှင့်ပတ်သက်၍ သောကရောက်နေကြသည်။ သူမကို အားပေးထောက်ခံသူတစ်ချို့ကတော့ ဒီမိုကရေစီအရေးလှုပ်ရှားမှုတွင် သူမ၏ လွှမ်းမိုးမှုမှာ ရွေးချယ်ခွင့်ရှိသော ခေါင်းဆောင်များ ပေါ်ထွက်လာရေးကို ထိန်းထားနိုင်ပြီး စစ်တပ်အား စောစီးစွာ အာဏာလွှဲပြောင်းပေးရေး ဖြစ်နိုင်ချေများကို ပိတ်ဆို့တားဆီးနိုင်လိမ့်မည်ဟု မြင်ကြလေသည်။

`ဒီအင်တာဗျူးမှာ အံ့သြစရာကောင်းတဲ့အရာကတော့ ကျွန်မဟာ အရင်က ဝေဖန်မခံခဲ့ရဘူးဆိုတဲ့ စကားပါပဲ။ ကျွန်မ ဝေဖန်ခံခဲ့ရပါတယ်။ အနောက်နိုင်ငံကပါအ၀င် လူတော်တော်များများက ကျွန်မဟာ လိုက်လျောညီထွေမှု လုံလုံလောက်လောက်မရှိဘူးလို့ပြောကြပြီး စစ်အစိုးရကိုလည်း ပိုမိုကောင်းမွန်စွာ ဆက်ဆံသင့်တယ်လို့လည်း ဆိုကြပါတယ်။ ပြီးတော့ ကျွန်မသာ ပူးပေါင်းဆောင်ရွက်မှုတွေပိုလုပ်ရန် စစ်တပ်က ကျွန်မကို ပိုမိုကောင်းမွန်စွာ ဆက်ဆံမယ်လို့ ပြောတာမျိုးတွေလည်း ရှိပါတယ်´ ဟု သူမက ထောက်ပြပြောဆိုခဲ့လေသည်။

ref:Financial Times‎