အစ္စရေးက ပါလက်စတိုင်းတို့၏ နေအိမ်များ ဖြိုချဖျက်ဆီးမှုကို ရပ်တန့်ပေးရန် ဂျူးဘုန်းကြီးများ တောင်းဆို

ဖေဖော်ဝါရီ ၈၊ ၂၀၁၅
M-Media

– ပါလက်စတိုင်းပြည်သူများ၏ နေအိမ်များကို အစ္စရေး၏ဖျက်ဆီးမှုများ ရပ်တန့်ပေးရန်အတွက် အစ္စရေးဝန်ကြီးချုပ်နေတန်ယာဟုအား တိုက်တွန်းသောစာတစ်စောင်ကို ဂျူးဘုန်းတော်ကြီး ၅၀၀ ကျော်က လက်မှတ်ရေးထိုး ပေးပို့ခဲ့သည်ဟုသိရသည်။

အစ္စရေး၊ ဗြိတိန်၊ အမေရိကန်နှင့် ကနေဒါမှ ဂျူးဘုန်းတော်ကြီး ၅၀၀ ကျော်ပါဝင်သော “လူ့အခွင့်အရေးအတွက် ဂျူးဘုန်းတော်ကြီးများအဖွဲ့” RHR မှ အဆိုပါစာကို ပေးပို့လိုက်ခြင်းဖြစ်ပြီး နေတန်ယာဟု၏ ရပ်တည်ချက်မှာနိုင်ငံတကာ
ဥပေဒများ၊ ဂျူးတို့၏ ဓလေ့ထုံးတမ်းများနှင့် ဆန့်ကျင်သည်ဟု အဆိုပါစာတွင် ထည့်သွင်းရေးသားခဲ့သည်။

RHR ၏ ထိုကဲ့သို့ တိုက်တွန်းခြင်းမှာ အစ္စရေးက ကျူးကျော်သိမ်းပိုက်ထားသော ပါလက်စတိုင်းပိုင် အနောက်ဘက်ကမ်းခြေတွင် ပါလက်စတိုင်းတို့၏ အိမ်ခြေ ၄၀၀ ကျော်ကို ဖြိုဖျက်ပစ်ရန် အစ္စရေးဝန်ကြီးချုပ်က ပြီးခဲ့သည့် ရက်ပိုင်းအတွင်း ကြေညာခဲ့ပြီးနောက်ပိုင်း ပေါ်ထွက်လာခြင်းလည်းဖြစ်သည်။

“တရားမ၀င်အဆောက်အဦးတွေဆောက်လုပ်ဖို့ လူထောင်ပေါင်းများစွာက ဖိအားပေးခံနေရပါတယ်။ ပြီးတော့ ဧရိယာ C
(အစ္စရေးက အိမ်များဖြိုမည့်ဒေသ) တစ်ခုတည်းမှာပဲ နှစ်တိုင်း အိမ်ရာပေါင်းများစွာ ဖြိုဖျက်တာကြောင့် ပြည်သူတွေဟာ အလွန်အမင်းထိခိုက်ခံစားရပါတယ်” ဟု အဆိုပါစာတွင် ရေးသားဖော်ပြထားပြီး အစ္စရေး၏ စီမံကိန်းနှင့် နယ်မြေဥပဒေက ပါလက်စတိုင်းပိုင်နက်အဖြစ် သတ်မှတ်ထားသော နယ်မြေတွင်ပင် ပါလက်စတိုင်းများ နေအိမ်ဆောက်လုပ်နိုင်ခွင့်ကို တင်းတင်းကျပ်ကျပ်ကန့်သတ်ထားသည်ဟုလည်း ထည့်သွင်းဖော်ပြထားသည်။

ထို့ပြင် ၁၉၇၁ ခုနှစ် မြို့နယ်နှင့် ခရိုင်စီမံကိန်းကော်မတီများ ဖျက်သိမ်းပြီးကတည်းက ပါလက်စတိုင်းပြည်သူများအနေဖြင့် ၎င်းတို့၏ လူ့အဖွဲ့အစည်း နေရာချထားခြင်းအတွက် မည်ကဲ့သို့ စီမံကိန်းရေးဆွဲရမည်ကို ဆောင်ရွက်နိုင်စွမ်းမရှိတော့ဘဲ အစ္စရေးစစ်တပ်ကပင် ချယ်လှယ်နေကြောင်း ဂျူးဘုန်းတော်ကြီးများက ထည့်သွင်းရေးသားခဲ့သည်။

အစ္စရေးမှာ ပြီးခဲ့သည့် ဇန်န၀ါရီ နှောင်းပိုင်းကလည်း အရှေ့ဂျေရုစလင်၊ ရာမာလာ၊ ဂျီရီချိုနှင့် ဟီဘရွန်ခရိုင်များတွင် ကလေးများ၏ နေအိမ်များအပါအ၀င် နေအိမ် ၇၇ လုံးကို ဖြိုချဖျက်ဆီးခဲ့ပြီး ၂၀၁၄ ခုနှစ်တွင်လည်း အစ္စရေးမှာ ပါလက်စတိုင်းပိုင်နက်အတွင်း ပါလက်စတိုင်းပြည်သူများ၏ နေအိမ်များကို စံချိန်တင်ပမာဏအထိ ဖြိုချဖျက်ဆီးခဲ့သည်ဟု ကုလ၏ မှတ်တမ်းများတွင် ဖော်ပြထားသည်။

Ref: RT