ချယ်ဆီးကလွဲလို့ အသင်းကြီးတွေ မျက်နှာပန်းမလှခဲ့တဲ့ ပရီးမီးယားလိဂ် ပွဲစဉ် ၂၄

ဖေဖော်ဝါရီ ၉၊ ၂၀၁၅
M-Media

– ဒီတစ်ပတ် ပရီးမီးယားလိဂ်ပွဲစဉ်မှာတော့ အသင်းကြီးတွေထဲမှာ ချယ်ဆီးတစ်သင်းသာ အနိုင်ရပြီး ကျန်တဲ့အသင်းတွေကတော့ သရေ၊ အရှုံးနဲ့ ရင်ဆိုင်ခဲ့ရပါတယ်။

စနေနေ့က အစောဆုံးကစားခဲ့တဲ့ လန်ဒန်ဒါဘီ စပါးနဲ့ အာဆင်နယ်တို့ပွဲမှာ ၀င်းဂါးရဲ့အသင်း အရှုံးနဲ့ ရင်ဆိုင်ခဲ့ရပါတယ်။ ပွဲအစမှာ အိမ်ရှင်တို့ ပိုသွက်ခဲ့ပေမယ့် အိုဇေးလ်က ၁၁ မိနစ်မှာ အာဆင်နယ်အတွက် ဦးဆောင်ဂိုး သွင်းပေးနိုင်ခဲ့ပါတယ်။ နောက်ပိုင်းမှာ နှစ်ဘက်စလုံး တင်ကစားလာခဲ့တာကြောင့် ပွဲက ပိုမြိုင်လာခဲ့ပြီး စပါးတို့က ဂိုးသွင်းခွင့် ပိုမိုရရှိခဲ့ပါတယ်။ အားထားရတဲ့ တိုက်စစ်မှူး ဆန်းချက်ဇ် ဒဏ်ရာကြောင့် မပါဝင်နိုင်တာက အာဆင်နယ်အတွက် အားနည်းချက်တစ်ခုဖြစ်ခဲ့ပြီး အိမ်ရှင်အတွက် ချေပဂိုးနဲ့ အနိုင်ဂိုးတွေကိုတော့ ဟယ်ရီကိန်းက ၅၆ နဲ့ ၈၆ မိနစ်တွေမှာ သွင်းယူပေးခဲ့တာဖြစ်ပါတယ်။

ချယ်ဆီးကတော့ ကစားရခက်တဲ့ အက်စတွန်ဗီလာကို အဝေးကွင်းမှာ ဟာဇာ့ဒ်နဲ့ အိုင်ဗန်နိုဗစ်ရဲ့ဂိုးတွေနဲ့ အနိုင်ယူနိုင်ခဲ့ပါတယ်။ ပွဲအစအဆုံး ချယ်ဆီးကသာ အသာရခဲ့ပြီး ဒီပွဲအနိုင်ဟာ ဗီလာကွင်းမှာ မော်ရင်ဟိုရဲ့ နောက်ဆုံး ၅ ပွဲ ပထမဆုံးအနိုင်လည်း ဖြစ်ပါတယ်။

ချယ်ဆီးကို အမှီလိုက်နေတဲ့ မန်စီးတီးကတော့ အိမ်ကွင်းမှာ ဇယားအောက်ခြေက ဟားလ်စီးတီးကို အံ့သြဖွယ် သရေကျခဲ့ပါတယ်။ ဒါတောင် ကံကောင်းထောက်မစွာနဲ့ သရေကျခဲ့တယ်လို့ ပြောလို့ရပါတယ်။ ဟားလ်စီးတီးဟာ ၃၅ မိနစ်မှာ ဒေးဗစ်မေလာရဲ့ဂိုးနဲ့ လက်ရှိချန်ပီယံမန်စီးတီးကို ပွဲပြီးတဲ့အထိ ဦးဆောင်နေခဲ့တာပါ။ မန်စီးတီးက တရစပ်ဖိအားပေးခဲ့ပြီး ဟားလ်စီးတီးဂိုးပေါက်ကို အကြိမ်ကြိမ်ခြိမ်းခြောက်နိုင်ခဲ့ပေမယ့် ဒုတိယပိုင်း နာကျင်အချိန်ပို ၂ မိနစ်မှာမှ ဂျိမ်းစ်မီလ်နာက ဂိုးသွင်းပေးခဲ့တာကြောင့် သရေတစ်မှတ် ရရှိခဲ့တာဖြစ်ပါတယ်။

မန်ယူကလည်း ၀က်စ်ဟမ်းကွင်းမှာ နောက်ကလိုက်ကစားခဲ့ရပြီး ၉၂ မိနစ်မှာမှ ဘလင်းက ချေပဂိုးသွင်းပေးနိုင်ခဲ့ကာ သရေတစ်မှတ်ရရှိခဲ့ပါတယ်။ အဆင့်လေးက ဆောက်သက်တမ်ကလည်း ကျူပီအာရ်ကို ဒုတိယပိုင်း နာကျင်အချိန်ပိုသွင်းဂိုးနဲ့ အနိုင်ရခဲ့ပြီး တတိယနေရာကို ရောက်ရှိလာခဲ့ပါတယ်။ လီဗာပူးလ်ကတော့ အဲဗာတန်ကို အဝေးကွင်းမှာ ဂိုးမရှိသရေကျခဲ့ပါတယ်။

ဒီတစ်ပတ်ပရီးမီးယားလိဂ်ရဲ့ ရလဒ်များကတော့ အောက်ပါအတိုင်းဖြစ်ပါတယ်။

စပါး ၂-၁ အာဆင်နယ်
အက်စတွန်ဗီလာ ၁-၂ ချယ်ဆီး
လက်စတာ ၀-၁ ခရစ္စတယ်ပဲလေ့စ်
မန်စီးတီး ၁-၁ ဟားလ်စီးတီး
ကျူပီအာရ် ၀-၁ ဆောက်သက်တမ်
ဆွမ်ဆီး ၁-၁ ဆန်းဒါးလန်း
အဲဗာတန် ၀-၀ လီဗာပူးလ်
ဘန်လေ ၂-၂ ၀က်စ်ဘရွန်း
နယူးကာဆယ် ၁-၁ စတုတ်
ဝက်စ်ဟမ်း ၁-၁ မန်ယူ