ရုရှားအကူအညီဖြင့် အီဂျစ်တွင် နျူဓာတ်အားပေး စက်ရုံဆောက်မည်

ဖေဖော်ဝါရီ ၁၁၊ ၂၀၁၅
M-Media

– အီဂျစ်နိုင်ငံတွင် ပထမဆုံး နျူကလီးယား ဓာတ်အားပေးစက်ရုံကို ရုရှား၏ အကူအညီဖြင့် တည်ဆောက်သွားမည်ဟု နှစ်နိုင်ငံခေါင်းဆောင်များက ယမန်နေ့တွင် ကြေညာလိုက်သည်။

အီဂျစ်နိုင်ငံ မြို့တော်ကိုင်ရိုတွင် ပြုလုပ်ခဲ့သော ရုရှားသမ္မတ ဗလာဒီမာပူတင်နှင့် အီဂျစ်သမ္မတ အဘ်ဒဲလ် ဖာတာဟ် အလ်-စီစီတို့၏ တွေ့ဆုံဆွေးနွေးမှုပြီးနောက် ယခုကဲ့သို့ သတင်းထုတ်ပြန်ခဲ့ခြင်းဖြစ်ပြီး သဘာဝဓာတ်ငွေ ကုန်သွယ်မှု မြှင့်တင်ခြင်း အပါအ၀င် အခြားသော ကိစ္စရပ်များကိုလည်း ပူးပေါင်းဆောင်ရွက်ရန် သဘောတူညီခဲ့ကြသည်။

“တကယ်လို့ နောက်ဆုံး ဆုံးဖြတ်ချက်တွေသာ ချမှတ်ပြီးပြီဆိုရင်တော့ ဒါဟာ နျူကလီးယား ဓာတ်အားပေးစက်ရုံတစ်ခုတည်း တည်ဆောက်တယ်ဆိုတဲ့ သဘောမျိုးသာမဟုတ်ဘဲ အီဂျစ်မှာ နျူကလီးယား လုပ်ငန်းတစ်ခုလုံးကို ဖန်တီးတဲ့ သဘောမျိုးပါပဲ” ဟု အီဂျစ်သမ္မတနှင့် ပူးတွဲပြုလုပ်ခဲ့သည့် သတင်းစာရှင်းလင်းပွဲတွင် ပူတင်က ထည့်သွင်းပြောကြားခဲ့သည်။

လျှင်စစ်ဓာတ်အား ပြတ်တောက်မှုကို မကြာခဏ ကြုံတွေ့ရည့် အီဂျစ်နိုင်ငံအတွက် ဓာတ်ပေါင်းဖို ၄ ခုပါဝင်ပြီး ဓာတ်အား ၁၂၀၀ မီဂါဝပ်ကို ထုတ်ပေးမည့် အဆိုပါ ဓာတ်အားပေးစက်ရုံကို နျူကလီးယားသုတေသန ဓာတ်ပေါင်းဖိုရှိရာ မြေထဲပင်လယ်ကမ်းရိုးတန်းရှိ ဒက်ဘားမြို့တွင် တည်ဆောက်မည်ဖြစ်သည်။

သမ္မတပူတင်၏ ၂ ရက်တာ လာရောက်လည်ပတ်မှုတွင် နှစ်နိုင်ငံ ရင်းနှီးမြှုပ်နှံမှု၊ သဘာဝဓာတ်ငွေ့လုပ်ငန်း တိုးတက်ရေးနှင့် ဆူးအက်တူးမြောင်းတစ်လျှောက် ရုရှားစက်မှုဇုန်တစ်ခု တည်ဆောက်ရန်အတွက်လည်း သဘောတူညီချက်များ ရရှိခဲ့သည်။ ထို့ပြင် အီဂျစ်မှာ ရုရှားမှ လက်နက်များ ပြန်လည်ဝယ်ယူရေးအတွက်လည်း အရိပ်အမြွက် ပြောကြားခဲ့သည်။

Ref: aljazeera