သာယာမည့် ကမ္ဘာနှင့် ဖြူစင်သည့်လူသား

ဖေဖော်ဝါရီ ၁၁ ၊ ၂၀၁၅
M-Media
သက်ဝေနှင်း ရေးသည်။

လူတိုင်း လူတိုင်းလိုလိုပင် တစ်ခါတစ်ရံ (သို့မဟုတ်) အမြဲလိုလို ဖြစ်တတ်လေ့ရှိသည်။ မိမိစိတ်ကို မိမိနားမလည်နိုင်ခြင်းပင်တည်း။ သို့ဆိုလျှင် လူသည် မိမိစိတ်ကိုပင် မိမိနားမလည်နိုင်လျှင် တပါးအခြားသောသူ၏စိတ်ကို နားလည်နိုင်ဖို့ဆိုသည်မှာ ပိုမို၍ပင် ခက်ခဲနိုင်သည် မဟုတ်လား။

လူတိုင်းလူတိုင်းတွင် အပေါ်ယံစိတ်နှင့် အတွင်းဘက်ကျကျစိတ် ဟူ၍ရှိ၏။ (သိစိတ်နှင့် မသိစိတ်ကို ဆိုလိုခြင်းမဟုတ်) သာမန်စိတ် တစ်ခုကိုပင် ရည်ညွှန်းခြင်းသာ ဖြစ်ပေသည်။ လူသည်အချိန်တိုင်းလိုလို အပေါ်ယံကိုသာ မြင်နိုင်သည်မဟုတ်ပါလား။ အပေါ်ယံ အမြင်ဖြင့်ကြည့်၍ ဆုံးဖြတ်မည်ဆိုလျှင် လူတစ်ယောက်၏ ကောင်းခြင်းဆိုးခြင်းကို အပေါ်ယံသာလျှင် သိနိုင်ပေလိမ့်မည်။ “အကြောင်းသိချင်လျှင် ပေါင်းကြည့်” ရမည်ဆိုသည့်စကားသည် လူနှင့်လူပေါင်းခြင်းကို ဆိုလိုခြင်းမဟုတ်ပေ။ံတစ်ယောက်၏စိတ်ကို တစ်ယောက်သိမြင်လာနိုင်စေရန် အချိန်ကြာကြာ လေ့လာကြည့်ရန် ဆိုလိုခြင်းဖြစ်သည်။

မျက်လုံးသည် စိတ်၏ပြူတင်းပေါက်ဟု ဆိုကြသည်။ ဤသည်လည်း မှန်ပါသည်။ စိတ်မတည်ငြိမ်ခြင်း၊ စိတ်မလုံခြုံခြင်းများ တို့ကြောင့် မျက်လုံးသည် ဂဏာမငြိမ်ဖြစ်လာတတ်သည်။ ပျော်ရွှင်ခြင်း၊ ပီတိဖြစ်ခြင်းများကြောင့် မျက်လုံးတို့သည် အရောင်လက်လာမည်။ ဝမ်းနည်းခြင်း၊ စိတ်မကောင်းခြင်းတို့ကြောင့် မျက်လုံးသည် ညှို့မှိုင်းလာမည်။ မျက်ရည်တို့ရစ်ဝဲလာမည်။ မျက်လုံးအပြင် တစ်ခြားသော လူ၏ခန္ဓာကိုယ်ရှိ အစိတ်အပိုင်း များစွာသည်လည်း စိတ်ပေါ်တွင် မူတည်ပြီး ပြောင်းလဲတတ်ပေ၏။ အဓိကကျသည်မှာ မိမိသည်တစ်ဖက်သားအား ကြည့်တတ်မြင်တတ်ဖို့သာလျှင် အရေးကြီးပေ၏။

လူတို့နေထိုင်ရာ ဤသတ္တလောကကြီးထဲတွင် လူနှင့်လူတို့သည် အမြဲလိုလိုပင် ပတ်သက်ဆက်နွယ်မှုများ ရှိကြသည်။ လူလူခြင်း ပတ်သက် ဆက်နွယ်မှု၊ စီးပွားရေးအရ ပတ်သက်ဆက်နွယ်မှု၊ လူမျိုးရေး ဘာသာရေးအစရှိသည်ဖြင့် ပတ်သက် ဆက်နွယ်မှု ဂေဟစနစ်များသည် ယခင်ကလည်းရှိ၏၊ ယခုလည်းရှိ၏။ နောင်တွင်လည်း ရှိနေဦးမည်သာတည်း။

ဤသို့ ပတ်သက်ဆက်နွယ်မှုများ ရှိနေခြင်းကြောင့်သာပင် လူသားမျိုးနွယ်ဆက်တို့ အဓွန့်ရှည် တည်တံ့နေခြင်းပင် ဖြစ်၏။ ထို့ကြောင့်ပင် လူတစ်ဦးနှင့်တစ်ဦး လူမျိုးတစ်မျိုးနှင့်တစ်မျိုး၊ ဘာသာတရား တစ်ခုနှင့်တစ်ခု ကောင်းမွန်သောဂေဟစနစ်ဖြင့် ပတ်သက် ဆက်နွယ်မှု ရှိမည်ဆိုလျှင် လူသား မျိုးနွယ်ဆက်ကို ငြိမ်းချမ်းစွာဖြင့် အဓွန့်ရှည် တည်ဆောက်နိုင်ကြပေလိမ့်မည်။

လူတို့၏အတွင်းပိုင်း စိတ်သဘောများသည် မမြင်နိုင်သည့်ကြိုးများနှင့် အလားသဏ္ဍန်တူပေသည်။ လူတစ်ဦး အပေါ်တစ်ဦး ကောင်းသောစိတ်၊ ကောင်းသောသဘောထား၊ ကောင်းသောပေးဆပ်မှု၊ ကောင်းသောအမြင်များ ထားရှိကြမည်ဆိုလျှင် တစ်ဖက်မှ အလိုအလျောက်ပင် ကောင်းသောအသိတို့ သိရှိခံစားမှုရရှိနိုင်ပေသည်။ မကောင်းသောစိတ်၊ မကောင်းသော သဘောထား၊ မကောင်းသောအမမြင်များ ထားရှိကြမည်ဆိုလျှင် တစ်ဖက်မှ မကောင်းသောအသိတို့ကို အလိုအလျောက်ပင် သိရှိခံစားမှု ရရှိနိုင်ပေသည်။ ထို့အတွက်ကြောင့်ပင် လူတိုင်းလူတိုင်းသည် စိတ်၊ စိတ်ခြင်းချည်သောကြိုးများ ဖြူစင်သန့်ှရှင်းကြဖို့ လိုအပ်ပေသည်။

ကန်ရေပြင် ကြည်လင်နေလျှင် အောက်ကြမ်းပြင်ထိ ထိုးဖောက်၍ မြင်နိုင်သကဲ့သို့ သင်တို့၏စိတ်များကို သန့်ရှင်းကြည်လင်နေရန် အစဉ်သဖြင့် ဂရုတစိုက်နေထိုင်မည်ဆိုပါက တစ်ဦးနှင့်တစ်ဦး မြင်တွေ့ခိုက်တစ်ခဏ အချိန်ကာလအတွင်း တစ်ယောက်စိတ်ကို တစ်ယောက်မှ အလွယ်တကူပင် နက်ရိူင်းစွာသိမြင် နားလည်သွားနိုင်မည် ဖြစ်ပေသည်။

ထို့အတွက်ကြောင့် လူတိုင်းလူတိုင်းသည် အတ္တအမှောင်တို့၏ စိတ်များအား သန့်ရှင်းစွာထားပါ။ အတ္တအမှောင်တို့ဖြင့် မိမိ၏စိတ်အား ပိတ်ဖုံးမထားပါနှင့်။ စိတ်၏ သန့်ရှင်းကြည်လင်မှုသည် အမြင်မှား၊ အထင်မှားခြင်း၊ အမုန်းထားခြင်း၊ အငြိုးထားခြင်းတို့အား ပတ်သတ်၏။ ဤသုိ့အမုန်းများ ကင်းဝေးမည့် လူတို့ကမ္ဘာကြီးသည် ပျော်ရွှင်ဖွယ်၊ စိတ်ချမ်းမြေ့ဖွယ်များဖြင့် သာယာလှပနေပေလိမ့်မည်မှာ မလွဲဧကန်ပင်တည်း။