လူမှုအကျိုးပြုလုပ်ငန်းများ လုပ်ဆောင်နေသူ အမေရိကန်မွတ်စလင်လူငယ် ၃ ဦး သေနတ်ဖြင့် ပစ်သတ်ခံရ

ဖေဖော်ဝါရီ ၁၁၊ ၂၀၁၅
M-Media

အသတ်ခံရသူ ၃ ဦး

– အမေရိကန်ပြည်ထောင်စု မြောက်ကယ်ရိုလိုင်းနားပြည်နယ် ချာပဲလ်ဟေးလ်မြို့တွင် အမျိုးသမီးနှစ်ဦး အပါအ၀င် လူငယ် ၃ ဦးမှာ သေနတ်ဖြင့် ပစ်သတ်ခြင်း ခံခဲ့ရသည်ဟု သိရသည်။

မြောက်ကယ်ရိုလိုင်းနား တက္ကသိုလ်အနီးရှိ တိုက်ခန်းတွင်တစ်ခုတွင် ယမန်နေ့ ညနေ ၅ နာရီခန့်က ဖြစ်ပွားခဲ့ခြင်းဖြစ်ပြီး သေဆုံးခဲ့သူများမှာ အသက် ၂၃ နှစ်အရွယ် ဒီယာ ရှက်ဒီ ဘရကသ်၊ ၎င်း၏ ဇနီးဖြစ်သူ ၂၃ နှစ်အရွယ် ယူဆိုရ်း မိုဟာမက်
အဘူ-ဆလ်ဟာနှင့် ယူဆိုးရ်၏ ညီမဖြစ်သူ အသက် ၂၁ နှစ်အရွယ် ရာဇန် မိုဟာမက် အဘူ-ဆလ်ဟာတို့ ဖြစ်ကြပြီး ၃
ဦးစလုံးမှာ ဦးခေါင်းကို ပစ်ခတ်ခံခဲ့ရခြင်းဖြစ်သည်။

ရဲတပ်ဖွဲက သေနတ်သမားကို ဖမ်းဆီးရမိခဲ့ပြီး အမည်မှာ ခရေ့ဂ်ျစတီဖင်ဟစ်ဖြစ်သည်ဟု ဆိုသည်။ ၎င်းကို Durham County
အကျဉ်းထောင်တွင် ထိန်းသိမ်းထားပြီး ပထမအဆင့်လူသတ်မှု ၃ ခုဖြင့် တရားစွဲဆိုထားသည်။ ရဲတပ်ဖွဲ့ကမူ ပြည်သူများ၏
လုံခြုံရေးအတွက် ခြိမ်းခြောက်မှုများမရှိတော့ဟု ပြောကြားခဲ့သည်။

ဆီးရီးယန်း-အမေရိကန်တစ်ဦးဖြစ်သူ ဘရကသ်မှာ အဆိုပါတက္ကသိုလ်တွင် သွားဘက်ဆိုင်ရာ ဒေါက်တာဘွဲ့အတွက်
တက်ရောက်နေသူဖြစ်သည်။

ထိုအဖြစ်အပျက်အတွက် ဆိုရှယ်မီဒီယာများတွင် အလျင်အမြန်တုံ့ပြန်ခဲ့ကြပြီး သေဆုံးသွားသူများ၏ ဓာတ်ပုံများကို လွှင့်တင်ကာ ထိုသတ်ဖြတ်မှုမှာ သာမန်မတော်တဆ အမှုမျိုးမဟုတ်ဘဲ လုပ်ကြံသတ်ဖြတ်မှုသာဖြစ်သည်ဟု ရေးသားဖော်ပြခဲ့ကြသည်။

Twitter စာမျက်နှာတွင်လည် #chapelhillshooting နှင့် #MuslimLivesMatter ခေါင်းစဉ်များဖြင့် ထိုလုပ်ရပ်ကို
ရှုတ်ချခဲ့ကြသည်။ ၎င်းတို့ ၃ ဦးစလုံးမှာ လူမှုအကျိုးပြုလုပ်ငန်းများကို လုပ်ဆောင်လေ့ရှိသူများဖြစ်ပြီး Twitter အသုံးပြုသူတစ်ယောက်က

“သေဆုံးသွားတဲ့ ဒီမွတ်စလင်တွေဟာ မကြာခဏဆိုသလို ခံတွင်းနဲ့ပတ်သက်လို့ အခမဲ့ဆေးကုသပေးတာ၊ ချို့တဲ့သူတွေနဲ့
အိမ်ယာမဲ့တွေကို အစားသောက်တွေ ဝေငှပေးတာမျိုးတွေ ပြုလုပ်ကြပါတယ်” ဟု ရေးသားဖော်ပြခဲ့သည်။

ဘရကသ်ဦးဆောင်ကာ ချို့တဲ့သူများအား ခံတွင်းနှင့်ပတ်သက်သည့် အသုံးအဆောင်များ ဝေငှပေးနေစဉ်

ဘရကသ်မှာ ဆင်းရဲနွမ်းပါးသော တိုင်းပြည်များတွင် သွားဘက်ဆိုင်ရာ ကုသမှုများကို ကူညီဆောင်ရွက်ပေးနေသော Miswak Foundation မှ အဖွဲ့ဝင်တစ်ဦးလည်းဖြစ်သည်။ ထို့ပြင် လူမျိုးရေးခွဲခြားမှုနှင့် အမုန်းတရားများကိုလည်း ဆန့်ကျင်သူဖြစ်ပြီး ပြီးခဲ့သည့်လကုန်းပိုင်းက Twitter စာမျက်နှာတွင်

“ ‘ဂျူးတွေကို သတ်ပစ်ရမယ်’ ဒါမှမဟုတ် ‘ပါလက်စတိုင်းတွေကို သတ်ပစ်ရမယ်လို့’ ပြောနေတာတွေကို ကြားရတာ ကျောချမ်းစရာပါပဲ။ ဘယ်လိုအမုန်းတရားမဆို ဖြေရှင်းရပါတော့မယ်” ဟု ရေးသားခဲ့ပြီး အသုံးပြုသူ အများအပြားက ပြန်လည်မျှဝေခဲ့ကြသည်။

ဘရကသ်၏ ဇနီးဖြစ်သူ ယူဆိုးရ်မှာလည်း သွားဘက်ဆိုင်ရာ ဆရာဝန်တစ်ယောက်ဖြစ်လာရန် ကြိုးစားနေသူဖြစ်ပြီး ဒေသတွင်းရှိ သွားဆေးခန်းတစ်ခုတွင် စေတနာ့ဝန်ထမ်း လုပ်ကိုင်ပေးနေသူဖြစ်သည်။ ဘရကသ်နှင့် ယူဆိုးရ်တို့မှာ ပြီးခဲ့သည့်နှစ် ဒီဇင်ဘာလက လက်ထပ်ခဲ့ကြသည်။

၎င်းတို့ သုံးဦးစလုံးမှာ ၎င်းတို့၏ ဘာသာအယူဝါဒကြောင့် အသတ်ခံရခြင်းလားဆိုသည့် မေးခွန်းများလည်း ပေါ်ထွက်လာခဲ့ပြီး
အမေရိကန်မွတ်စလင်လူ့အဖွဲ့အစည်းအတွင်း စိုးရိမ်မှုများလည်း မြင့်တက်လျက်ရှိနေသည်။

အမေရိကန်ရှိ အကြီးဆုံး မွတ်စလင်အဖွဲ့အစည်းဖြစ်သည့် အမေရိကန်-အစ္စလာမ်ဆက်ဆံရေး ကောင်စီကမူ ကြေညာချက်တစ်ခု ထုတ်ပြန်ခဲ့ပြီး ထိုလူသတ်မှုအတွက် ဥပဒေကြောင်းအရ တိတိကျကျ ဆောင်ရွက်ပေးရန်နှင့် လူမျိုးရေးခွဲခြားမှုက အကြောင်းအရင်းတစ်ခုအဖြစ် ပါဝင်နေသည်ဆိုသော ကောလဟာလများအတွက် အမြန်ဆုံး ဖြေရှင်းပေးရန် တောင်းဆိုခဲ့သည်။

အချို့သော အင်တာနက်အသုံးပြုသူများကလည်း ထိုအဖြစ်အပျက်အား ရှုတ်ချရန် သမ္မတ ဘာရက်အိုဘားမားကို တိုက်တွန်းခဲ့ပြီး ထိုအဖြစ်ပျက်ကို ပဲရစ်မြို့တွင်ဖြစ်ပွားခဲ့သော Charleie Hebdo မဂ္ဂဇင်းတိုက်ခိုက်မှုနှင့် နှိုင်းယှဉ်ပြောဆိုခဲ့ကြသည်။

Ref: washingtonpost, press TV