ထိုင်ဝမ်ထောင်တစ်ခုတွင် အကျဉ်းသားများက ဓားစားခံများဖမ်းကာ ထွက်ပြေးရန်ကြိုးပမ်း

ဖေဖော်ဝါရီ ၁၂၊ ၂၀၁၅
M-Media

– ထိုင်ဝမ်နိုင်ငံတောင်ပိုင်းရှိ အကျဉ်းထောင်တစ်ခုတွင် အကျဉ်သား အုပ်စုတစ်တစ်စုက ဓားစားခံ ၃ ဦးအား ဖမ်းဆီးကာ ထောင်မှထွက်ပြေးရန် ကြံစည်မှုတစ်ခု ယမန်နေ့က ဖြစ်ပွာခဲ့ပြီး အကျဉ်းသားများမှာ ၎င်းတို့ကိုယ်ကို သတ်သေသွားခဲ့သည်ဟု
သိရသည်။

Kaohsiung ထောင်တွင် ဖြစ်ပွားခဲ့ခြင်းဖြစ်ပြီး အကျဉ်းသား ခြောက်ဦးပါဝင်သည့် အုပ်စုမှာ ယမန်နေ့က ထောင်တွင်းရှိ လက်နက်တိုက်ကို ဖောက်ကာ ရိုင်ဖယ်လေးလက်နှင့် ပစ္စတို ၆ လက်ယူဆောင်၍ ဓားစားခံသုံးဦးကို ဖမ်းဆီးခဲ့သည်။ နောက်ပိုင်းတွင် ထောင်ပိုင်နှင့် အခြား အကြီးတန်းအရာရှိတစ်ဦးက ဓားစားခံအဖြစ် အဖမ်းခံခဲ့ကာ ကနဦးဖမ်းဆီးထားသည့် ဓားစားခံ ၃ ဦးကို လွတ်မြောက်စေခဲ့သည်။

အဆိုပါ အကျဉ်းသား ၆ ဦးမှာ လူသတ်မှု၊ ဓားမြတိုက်မှုနှင့် မူးယစ်ဆေးမှုများဖြင့် ထောင်ကျနေကြသူများဖြစ်ပြီး ခေါင်းဆောင်မှာ Bamboo Union လူဆိုးဂိုဏ်းမှ လူသတ်မှုဖြင့် ၂၀၁၂ ခုနှစ်က ထောင်ဒဏ် ၂၈ နှစ်ကျခံနေရသည့် ချန်လီတက်ဆိုသူ ဖြစ်သည်ဟု ရဲတပ်ဖွဲ့က ပြောကြားခဲ့သည်။ ၎င်းတို့က မိမိတို့မှာ မမျှမတ ဆက်ဆံခံနေရသည်ဟု ပြောကြားခဲ့ပြီး ထောင်မှလွှတ်ပေးရန် တောင်းဆိုခဲ့ကြသည်။

အဆိုပါအဖွဲ့၏ ခေါင်းဆောင်ဖြစ်သူ ချန်ကမူ ကြေညာချက်တစ်စောင် ထုတ်ပြန်ခဲ့ပြီး အဆိုပါကြေညာချက်တွင် လာဘ်စားမှုကြောင့် ထောင်ဒဏ် အနှစ် ၂၀ ကျခံနေရသည့် သမ္မတဟောင်း ချန်ရှူဘီယန်အား နိုင်ငံရေးအကျဉ်းသားအဖြစ် သတ်မှတ်မှုနှင့် ကျန်းမာရေးစောင့်ရှောက်မှုပေးမည်ဟု ပြီးခဲ့သည့်လက ကတိပြုခဲ့မှုကို ထောက်ပြခဲ့ကာ ထိုအချင်းအရာက အကျဉ်းများအား ဘက်လိုက်ဆက်ဆံမှုဖြစ်သည်ဟု ပြောကြားခဲ့သည်။

ထို့ပြင် အကျဉ်းသားများ နေ့စဉ် အစားအသောက်ရရှိမှု နည်းပါးခြင်းကို ဖြေရှင်းပေးရန်နှင့် ပြစ်မှုကြီးများဖြင့် ထောင်ဒဏ်ကျခံနေရသူများအတွက် ပြစ်ဒဏ်လျော့ပေါ့ခြင်း ပြုလုပ်ပေးသင့်သည်ဟုလည်း အဆိုပါ ကြေညာချက်တွင် ထည့်သွင်းဖော်ပြခဲ့သည်။

အာဏာပိုင်များကမူ ထောင်သားများ၏ တောင်းဆိုမှုများကို လိုက်လျောခဲ့ခြင်းမရှိဘဲ လုံခြုံရေးတပ်ဖွဲ့များနှင့် အကျဉ်းထောင်အား ၀ိုင်းထားခဲ့သည်။ သို့သော်လည်း အဆိုပါ ထောင်သားအုပ်စုမှာ မိမိတို့ကိုယ် မိမိတို့ သတ်သေခဲ့ကြသည်ဟု အာဏာပိုင်များက ယနေ့နံနက်တွင် ပြောကြားခဲ့ပြီး ရုပ်သံနှင့် ဓာတ်ပုံအထောက်များကိုမူ ထုတ်ပြန်ခြင်းမရှိခဲ့ချေ။

Ref: channelnewsasia