အမေရိကန် မွတ်စလင် သုံးယောက် အသတ်ခံရမှု မီဒီယာတွေ ဘာ့ကြောင့် နှုတ်ဆိတ်နေရတာလဲ

ဖေဖော်ဝါရီ ၁၂ ၊ ၂၀၁၅
M-Media

– ဒီမနက် ကလေးတွေကို ကျောင်းသွားဖို့ ပြင်ဆင်ပေးနေတဲ့အချိန်မှာပဲ ကျွန်မရဲ့ဖုန်း မြည်လာခဲ့ပါတယ်။ဖုန်းကို ကြည့်လိုက်တဲ့အချိန်မှာ “ချက်ပဲလ်ဟေးလ်မှာ မွတ်စလင်တွေ ပစ်သတ်ခံရတယ်” ဆိုတဲ့ စာတိုကို တွေ့လိုက်ရပါတယ်။ ကျွန်မ ကြက်သေသေသွားခဲ့ပြီး ကြက်သီးတွေလည်း တဖြန်းဖြန်းထလာတာပါပဲ။

ဘာတွေဖြစ်တာလဲဆိုတာသိရအောင် ကျွန်မဟာ Tweeter  စာမျက်နှာကို အပြေးအလွှား ဖွင့်ကြည့်ခဲ့ပါတယ်။ အသတ်ခံရတဲ့ မွတ်စလင် ၃ ယောက်က ဘယ်သူတွေလဲ။ ဘာ့ကြောင့် အသတ်ခံရတာလဲ။ မွတ်စလင်တွေဟာ သူတို့ရဲ့မွေးရပ်မြေမှာတောင် မလုံခြုံတဲ့အခြေအနေမျိုးကို ရောက်နေပြီလား။ ဒါမှမဟုတ်ရင် ဒါဟာ မတော်တဆအဖြစ်အပျက်များလာ။ စသဖြင့် အတွေးတွေလည်း ခေါင်းထဲမှာ အစုံပါပဲ။ ကျွန်မနောက်ဆုံး တွေးမိတဲ့အတွးပဲ ဖြစ်ပါစေလို့လည်း နုံအစွာ မျှော်လင့်မိခဲ့ပါတယ်။

ဒီတိုက်ခိုက်မှုဟာ ယူကေစံတော်ချိန် ည ၁၀ နာရီလောက်မှာ ဖြစ်သွားခဲ့တာပါ။ အဲဒီအဖြစ်အပျက်ကို ဗြိတိန်မီဒီယာတွေက သူတို့ရဲ့နောက်ဆုံးသတင်းအဖြစ် ထည့်သွင်းခဲ့ရမှာပါ။ ဒါပေမယ့် အခြားသူတွေအိပ်ပျော်နေတဲ့အချိန် တစ်ကမ္ဘာလုံးက သတင်းတွေကို အဆက်မပြတ်စောင့်ကြည့်နေတဲ့ သူတို့ရဲ့ ညဘက်သတင်းအဖွဲ့က သာမန်သတင်းတွေကိုပဲ ဖော်ပြခဲ့ကြပါတယ်။

ကျွန်မသတင်းကြားတဲ့အချိန်မှာ Al-Jazeera၊ AP နဲ့ The Idependent တွေလို လက်တစ်ဆုပ်စာ သတင်းဝဘ်ဆိုက်တွေကပဲ ဒီအဖြစ်အပျက်ကို ဖော်ပြခဲ့ကြပါတယ်။ ကျွန်မဒီစာကိုရေးနေတဲ့အချိန်မှာ တစ်ချို့သတင်းဝဘ်ဆိုက်တွေက ဖော်ပြခြင်းမပြုကြသေးဘဲ ပြည်သူတွေကတော့ စိတ်တိုနေကြပါပြီ။ “မွတ်စလင်တွေရဲ့ အသက်က အရေးမပါလို့လား” လို့ သူတို့က မေးခွန်းတွေ ထုတ်နေကြပါတယ်။ ကျွန်မတို့ရဲ့ သွေးတွေက တန်ဖိုးမရှိတော့ဘူးလား။ ကျွန်မတို့ ရာဇ၀တ်မှုကျူးလွန်ခံရရင် မီဒီယာတွေက  ဘာ့ကြောင့် တူညီတဲ့ အာရုံစူးစိုက်မှုမျိုး မထားတာလဲ။

သေဆုံးသွားတဲ့သူ ၃ ယောက်က အသက် ၂၃ နှစ်အရွယ် ဒီယာ ရှက်ဒီ ဘရကသ်၊ သူ့ရဲ့ အသက် ၂၁ နှစ်အရွယ် ဇနီး ယူဆိုးရ် မိုဟာမက်နဲ့ ယူဆိုးရ်ရဲ့ညီမ ၁၉ နှစ်အရွယ် ရာဇန် မိုဟာမက် အဘူ ဆလ်ဟာတို့ဖြစ်ပါတယ်။ အမေရိကန် ဘောလုံးနဲ့ ဘက်စကက်ဘောအသင်းတွေကို အားပေးတဲ့ မစ္စတာ ဘရကသ်က မြောက်ကယ်ရိုလိုင်းနားတက္ကသိုလ်က သွားဘက်ဆိုင်ရာ ကျောင်းသားတစ်ဦးလို့ သိရပြီး ပါလက်စတိုင်းက ကလေးတွေကို အရေးပေါ် သွားဘက်ဆိုင်ရာ ကုသမှုတွေပေးနေတဲ့ ပရဟိတအဖွဲ့မှာလည်း အဖွဲ့ဝင်အဖြစ် ပါဝင်ထားသူပါ။ သူ့ရဲ့ ခယ်မကတော့ ဘလော့ဂ်တစ်ခု ထောင်ထားပြီး သူ စိတ်ဝင်စားရာ ဓာတ်ပုံနဲ့ အနုပညာတွေကို မျှဝေဖော်ပြနေသူတစ်ယောက် ပါပဲ။

ဒီသုံးယောက်ဟာ လူငယ်တွေဖြစ်ကြပြီး ကျွန်မအသက်လောက်ပဲရှိပါတယ်။ ပြီးတော့ ပွင့်ဖူးစဘ၀ကို ပိုင်ဆိုင်ကြသူတွေပါ။ ဆိုရှယ်စာမျက်နှာမှာ ၀မ်းနည်းကြောင်း မှတ်ချက်တွေကို လိုက်ဖတ်ကြည့်တဲ့အခါမှာ သူတို့သုံးယောက်ဟာ လူ့အဖွဲ့အစည်းမှာ ထဲထဲဝင်ဝင် ပါဝင်ဆောင်ရွက်နေသူတွေဖြစ်တယ်ဆိုတာ တွေ့ခဲ့ရပါတယ်။

သူတို့တွေဟာ အကြင်နာတရားရှိကြသူတွေပါ။ ဘရကသ်ရဲ့ နောက်ဆုံး Facebook ပို့စ်မှာ အိမ်ရာမဲ့ပြည်သူတွေကို သွားကျန်းမာရေးဆိုင်ရာ ပစ္စည်းတွေ သူကိုယ်တိုင်ဝေနေတဲ့ ဓာတ်ပုံကို တင်ထားပါတယ်။ ဒီသုံးယောက်ဟာ အလေးထားမှုအချို့နဲ့ ထိုက်တန်တယ် မဟုတ်ဘူးလားရှင်။ သွေးအေးအေးနဲ့ပြုလုပ်ခဲ့တဲ့ ဒီအဖြစ်ဆိုးအတွက် နားလည်ခံစားပေးဖို့ မွတ်စလင်ဖြစ်စရာမလိုပါဘူး။ လူသားဖြစ်ရင်ကို ရပါပြီ။

နောက်ဆုံးအနေနဲ့ ကျွန်မပြောချင်တာက “အကြမ်းဖက်တိုက်ဖျက်ရေးစစ်” တွေနဲ့ အကြမ်းဖက်တိုက်ခိုက်မှုတွေဟာ ကမ္ဘာတစ်ဝှမ်းမှာ ပြန့်နှံ့နေပါတယ်။ မွတ်စလင်တွေကလည်း အဲဒါတွေရဲ့ ဂယက်ရိုက်မှုကို ပိုပိုပြီး ခံစားလာခဲ့ရပါတယ်။

ကျွန်မတို့ဟာ သိမ်းကြုံးပြီး အပြစ်တင်ခံရတယ်။ ကြားထဲမှာ ဓားစားခံဖြစ်ရတယ်။ ပြီးတော့ တိုက်ခိုက်ခံရတယ်။ အဲဒီလို လုပ်နေတာကြောင့် ကျွန်မတို့ဟာ အမုန်းတရားက အမုန်းကို မွေးဖွားစေတယ်ဆိုတဲ့ သာမန်အချက်လေးကို မမြင်ကြပါဘူး။ လူအဖွဲ့အစည်းတစ်ခုကို သူစိမ်းတွေလို၊ ခြိမ်းခြောက်မှုတစ်ခုလို ဒါမှမဟုတ် အပြင်ကရောက်လာတဲ့သူတွေလို အရောင်ဆိုးလေလေ သူတို့ကို လူ့ဂုဏ်သိက္ခာကင်းမဲ့သွားစေလေပါပဲ။ ပြီးတော့ အဲဒီလူတွေ အသတ်ခံရတဲ့အခါမျိုးမှာ အခြားအကြမ်းဖက်ခံရသူတွေပေါ်မှာထားတဲ့ အလေးထားမှုမျိုး သူတို့အပေါ်မှာ ထားလိုစိတ်မရှိတာမျိုးတွေလည်း ဖြစ်တတ်ပါတယ်။

ဒီလိုအဖြစ်မျိုး နောက်ထပ်မဖြစ်အောင် ရပ်တန့်ဖိုို့ရင်တော့ ကျွန်မတို့ဟာ နောက်တစ်လှမ်းပြန်ဆုတ်ပြီး ဘယ်လို အကြမ်းဖက်မှု ပုံစံမျိုးကိုမှ ခွင့်လွှတ်လို့မရဘူးဆိုတာကို ပြန်လည်တွေးတောရပါလိမ့်မယ်။ ပြီးတော့ ကျွန်မတို့အားလုံးဟာ လူသားတွေဖြစ်ကြပြီး တူညီတဲ့ ဆန္ဒတွေ၊ တူညီတဲ့အလေးထားမှုတွေရှိတယ်ဆိုတာကိုလည်း မှတ်ယူဖို့လိုပါတယ်။ ဒါမှသာလျှင် ဘယ်သူက ဖန်တီးတယ်ဆိုတာကို ကြည့်မနေဘဲ အကြမ်းဖက်မှုတစ်ခုချင်းစီတိုင်းကို ဆန့်ကျင်ဖို့ ကျွန်မတို့အားလုံးဟာ ပေါင်းစည်းနိုင်ပါလိမ့်မယ်။

ref:The Independent
မူရင်းဆောင်းပါးရှင်-Sabbiyah Pervez
လေးမောင် (M-Media) ဘာသာပြန်ဆိုသည်။
ဆက်စပ် သတင်းများ ဖတ်ရန်
——————————
၁) လူမှုအကျိုးပြုလုပ်ငန်းများ လုပ်ဆောင်နေသူ အမေရိကန်မွတ်စလင်လူငယ် ၃ ဦး သေနတ်ဖြင့် ပစ်သတ်ခံရ
http://www.m-mediagroup.com/news/37660

၂) မြောက်ကယ်ရိုလိုင်းနားတွင် သေဆုံးသွားသူ မွတ်စလင်လူငယ် ၃ ဦးအတွက် ဆုတောင်းပွဲပြုလုပ်
http://www.m-mediagroup.com/news/37688