နိုင်ငံတကာ သတင်းတို (ဖေဖော်ဝါရီ ၁၂၊ ၂၀၁၅)

ဖေဖော်ဝါရီ ၁၂၊ ၂၀၁၅

M-Media

– ကိုရီးယားကျွန်းဆွယ် ငြိမ်းချမ်းရေးနှင့် တည်ငြိမ်ရေးကို နှောက်ယှက်ရန်ရည်ရွယ်သော အမေရိကန်၏ ကျူးကျော်စစ် ဆင်နွှဲရေး ဆောင်ရွက်မှုကို တောင်ကိုရီးယားက ခင်တွယ်နေပါက ၀မ်းနည်းစရာကောင်းသည့် အဆုံးသတ်မှ လွတ်မြောက်နိုင်မည်မဟုတ်ဟု မြောက်ကိုရီးယားက ယမန်နေ့တွင် သတိပေးခဲ့ပြီး အမေရိကန်၏ ပေါ်လစီကိုစွန့်၍ လွတ်လပ်သော ပြန်လည်ပေါင်းစည်းရေးအတွက် မြောက်ကိုရီးယားနှင့် အလုပ်တွဲလုပ်ရန် တိုက်တွန်းခဲ့သည်။

– လစ်ဗျားမှ ဒုက္ခသည် ၁၀၀ စီ တင်ဆောင်လာသည့် လေမော်တော်ဘုတ် ၃ စင်းမှာ အီတလီရှိ လမ်ပီဒူဆာ ကျွန်းအနီးတွင် ယမန်နေ့က တိမ်းမှောက်နစ်မြုပ်ခဲ့ပြီး ယခုအချိန်အထိ ၁၀၅ ဦးကို ကယ်တင်ထားနိုင်ခဲ့ကာ ကျန်ရှိသူများကို ရှာဖွေမှုများ ပြုလုပ်နေသည်။ အသက်ရှင်သူများကမူ ၎င်းတို့၏ မော်တော်ဘုတ်မှာ ရာသီဥတုကြောင့် တိမ်းမှောက်ခဲ့ရခြင်းဖြစ်ပြီး လူအများအပြား သေဆုံးမှုအတွက် စိုးရိမ်မှုများ ရှိနေသည်။

– ယူကရိန်းအရှေ့ပိုင်းတွင် တိုက်ခိုက်မှုများ အရှိန်မြင့်နေပြီး ယမန်နေ့ တစ်နေ့တည်းတွင် ခွဲထွက်ရေးသမားများ၏ တိုက်ခိုက်မှုကြောင့် ယူကရိန်းစစ်သား ၁၉ ဦး သေဆုံးခဲ့သည်ဟု ယူကရိန်းစစ်တပ်က ကြေညာခဲ့သည်။ ယူကရိန်း ငြိမ်းချမ်းရေးအတွက် ပြင်သစ်၊ ဂျာမနီ၊ ရုရှားနှင့် ယူကရိန်းခေါင်းဆောင်များကလည်း ဘီလာရုဇ်တွင် ယမန်နေ့က ညလုံးပေါက် ဆွေးနွေးမှုများပြုလုပ်ခဲ့ပြီး အပြီးသတ် သဘောတူညီချက်ရရေးအတွက် ယနေ့တွင် ဆက်လက်ဆွေးနွေးသွားမည် ဖြစ်သည်။

– အကြမ်းဖက်အဖွဲ့အစည်းများဖြင့် ဆက်သွယ်သည်ဟုဆိုကာ ဖမ်းဆီးထားသည့် အယ်ဂျာဇီးရားဂျာနယ်လစ် ၃ ဦးမှ အီဂျစ်နိုင်ငံသားများဖြစ်ကြသော မိုဟာမက်ဖာမီနှင့် ဘဟာရ်မိုဟာမက်တို့အား အာမခံဖြင့် အီဂျစ်တရားရုံးက ယနေ့တွင် ပြန်လွှတ်ပေးခဲ့သည်။ အခြား ၁ ဦဖြစ်သည့် သြစတေးလျနိုင်ငံသား ပီတာဂရက်စ်တီကိုမူ ဖေဖော်ဝါရီ ၁ ရက်နေ့က ပြန်လွှတ်ပေးခဲ့ကာ တိုင်းပြည်မှ နှင်ထုတ်ခဲ့သည်။

– စပိန်နိုင်ငံမြောက်ပိုင်း ဘာစီလိုနာမြို့အနီးရှိ မြို့ငယ်တစ်ခုတွင် ဓာတုစက်ရုံတစ်ခု ယနေ့တွင် ပေါက်ကွဲခဲ့ပြီး လူ ၃ ဦး ဒဏ်ရာရရှိခဲ့သည်။ အဆိုပါ စက်ရုံသို့ လာရောက်ပို့ဆောင်သည့် ဓာတုဗေဒပစ္စည်း ၂ ခု ပေါင်းစပ်မိရာမှ ပေါက်ကွဲခဲ့သည်ဟု ယူဆရပြီး အဆိပ်ဓာတ်ငွေများ လေထဲတွင် ပြန့်နှံ့နေသောကြောင့် အနီးအနားရှိမြို့များမှ ပြည်သူများအား မိမိအိမ်အတွင်း၌သာ နေထိုင်ရန် အစိုးရက အမိန့်ထုတ်ထားသည်။

Ref: news agencies