မြန်မာ-တရုတ် နယ်စပ် တလျှောက် ငြိမ်းချမ်းရေးပြန်လည် ထိန်းသိမ်းရန် တရုတ်နိုင်ငံ တိုက်တွန်း

ဖေဖော်ဝါရီ ၁၅ ၊ ၂၀၁၅
M-Media

တရုတ်နယ်စပ်အား ဖြတ်သန်းထွက်ပြေးလာကြသော ဒုက္ခသည်များအနေနှင့် နေရပ်သို့အမြန်ပြန်နိုင်စေရေး အတွက် မိမိတို့၏ ပဋိပက္ခများကို ငြိမ်းချမ်းစွာ ဖြေရှင်းကြရန် တရုတ်နိုင်ငံမှ မြန်မာ အစိုးရနှင့် လက်နက်ကိုင် အတိုက်အခံများကို သောကြာနေ့က တိုက်တွန်းလိုက်သည်။

မြန်မာနိုင်ငံအရှေ့မြောက်ပိုင်း ရှမ်းပြည်နယ်အတွင်းရှိ MNDAA အုပ်စုနှင့် စစ်တပ်အကြား တိုက်ပွဲများကြောင့် စစ်ဘေးရှောင် ရွာသူရွာသားများ တစ်အုံတစ်ကျင်း ၀င်ရောက်လာနိုင်သဖြင့် ယခုရက်သတ္တပတ် အတွင်း နယ်စပ်ငြိမ်းချမ်းရေးကို တောင်းဆို လိုက်ခြင်းဖြစ်သည်။

“သူတို့ရဲ့လိုအပ်ချက်ကို တရုတ်ပြည်က လူသားချင်းစာနာမှုအားဖြင့် ကူညီထောက်ပံ့ထားပါတယ်။ အခြေအနေအေးဆေး သွားလျှင်သွားချင်း သူတို့ မြန်မာပြည်ထဲ ပြန်မယ်လို့ ထင်ပါတယ်။ မြန်မာပြည်က ကဏ္ဍအားလုံးက တရုတ်ပြည်နဲ့လက်တွဲပြီး အခြေအနေကို တည်ငြိမ်အောင် အားထုတ်သွားမယ်၊ နယ်စပ်ဒေသကို အမြန်ဆုံး ပြန်လည် တည်ငြိမ်အေးချမ်း သွားအောင် ပြုလုပ်ကြမယ်လို့ မျှော်လင့်ရပါတယ်။ ဒါမှ နယ်စပ်ကလူတွေ အိမ်ပြန်နိုင်ကြမှာပါ” ဟု နိုင်ငံခြားရေးဝန်ကြီးဌာန ပြောရေး ဆိုခွင့်ရှိသူ Hua Chunying က ဘေဂျင်းတွင်ပြောကြားသည်။ ဒုက္ခသည် အရေအတွက် ပမာဏကိုမူ မဖော်ပြခဲ့ချေ။

တရုတ်နယ်စပ်အနီး MNDAA နှင့်ဖြစ်ပွားသော ယခုရက်သတ္တပတ်တိုက်ပွဲ၌ မြန်မာစစ်သည် ၄၇ ဦး ကျဆုံးခဲ့ကြောင်း စစ်တပ်၏သောကြာနေ့ သတင်းထုတ်ပြန်ချက် အရ သိရသည်။

၁၉၄၈ ခုနှစ် လွတ်လပ်ရေးရပြီး များမကြာမီတွင် မြန်မာနိုင်ငံသည် ရောင်စုံတော်လှန်ရေးများ စတင်လာခဲ့ရာ ယခုကဲ့သို့ တိုက်ပွဲဖြစ်ပွားခြင်းနှင့် ထိခိုက်ဒဏ်ရာများပြားခြင်းသည် နိုင်ငံလုံးဆိုင်ရာအပစ်အခတ် ရပ်စဲရေးကို နောက်ပြန်လှည့်စေသည့် တွန်းအားများ ဖြစ်နေသည်။ MNDAA တာဝန်ရှိသူများအနေနှင့် မည်သည့်မှတ်ချက်ပေးခြင်း မရှိသေးပေ။

MNDAA သည် ယခင်ဗမာကွန်မြူနစ်ပါတီ၏ အစိပ်အပိုင်းအဖြစ် ပါဝင်ခဲ့ပြီး တရုတ်ကျောထောက်နောက်ခံပြု အင်အားစုဖြစ်ကာ ၁၉၈၉ ခုနှစ် အုပ်စုမပြိုကွဲချိန်အထိ မြန်မာအစိုးရအား စစ်ဆင်ခဲ့သည်။ ၂၀၀၉ ခုနှစ် ၎င်းတို့၏ တိုက်ပွဲများကြောင့် တရုတ်ပြည်အနောက်တောင်ပိုင်းဒေသသို့ ဒုက္ခသည်များ သောင်းနှင့်ချီ၍ တိုးဝင်ရောက်ရှိလာသောကြောင့် ဘေဂျင်းအစိုးရမှ စိတ်ကွက်ခဲ့ဖူးသည်။

Ref : Reuters

ဓါတ်ပုံ -၁ တရုတ်နယ်စပ် တိုက်ပွဲများ ဖြစ်ပွားရာပြမြေပုံ
ဓါတ်ပုံ -၂ ဖေဖော်ဝါရီ ၁၅ နေ့ ပြန်ကြားရေးဝန်ကြိးဌာနမှ ထုတ်ပြန်ခဲ့သည့် လောက်ကိုင်ဒေသမှ တပ်မတော်မှ သိမ်းဆည်းရရှိသည့် လက်နက်များ