၉/၁၁ နောက်ပိုင်း မည်သည့်ပြစ်မှုမှမရှိဘဲ ဖမ်းဆီးခံခဲ့ရသည့် အမေရိကန်မွတ်စလင်တစ်ဦး နစ်နာကြေးရ

ဖေဖော်ဝါရီ ၁၆၊ ၂၀၁၅
M-Media

– ၉/၁၁ နောက်ပိုင်း မည်သည့်ရာဇ၀တ်မှုစွဲချက်မှမရှိဘဲ ဖမ်းဆီးကာ FBI ၏ ညှင်းပန်းနှိပ်စက်မှုကို ခံခဲ့ရသည့် အမေရိကန်မွတ်စလင်တစ်ဦးမှာ ၎င်းခံစားခဲ့ရသည်များအတွက် အမေရိကန်အစိုးရထံမှ နစ်နာကြေး ကန်ဒေါ်လာ ၄၁၅၀၀၀ ရရှိခဲ့သည်ဟု သိရသည်။

“၉/၁၁ နောက်ပိုင်းမှာ လူတွေက ကျွန်တော့်ကို မင်္သာသလိုကြည့်ကြပြီး အဲဒီအချိန်ဟာ ဖြတ်သန်းဖို့ သိပ်ခက်ခဲတဲ့အချိန်ပါပဲ။ ဒါ့ကြောင့် ကျွန်တော်ဟာ တစ်နေ့မှာ ကျွန်တော်ဂုဏ်သိက္ခာအတွက် ရှင်းရှင်းလင်းလင်း ဖြစ်ချင်ပါတယ်။ အမေရိကန်ဘောလုံးအားကစားနည်းမှာ ရှိတဲ့ ကျွန်တော့်ရဲ့ စိတ်ဓာတ်လိုပါပဲ။ ဘာတွေပဲဖြစ်နေပါစေ။ ကျွန်တော် အလျှော့မပေးပါဘူး။ ကျွန်တော့်ကိုယ်ကျွန်တော် အပြစ်မရှိကြောင်း ထင်ရှားစေချင်ပါတယ်” ဟု ဆော်ဒီအာရေဗျတွင် အင်္ဂလိပ်ဘာသာစကားနှင့် အမေရိကန်ဘောလုံးအားကစားနည်းကို သင်ကြားပေးသူ အဘ်ဒူလ အလ်-ကစ်ဒ်က Los Ageles Times သတင်းစာသို့ ပြောကြားခဲ့သည်။

အလ်-ကစ်ဒ်မှာ ၂၀၀၃ ခုနှစ်က ဆော်ဒီအာရေဗျသို့ ဘာသာသာရေးနှင့် ဘာသာစကား လေ့လာရန် သွားရောက်လုဆဲဆဲတွင် လေဆိပ်၌ FBI ၏ ဖမ်းဆီးခြင်းကို ခံခဲ့ရသူဖြစ်သည်။ မည်သည့်ရာဇ၀တ်မှု စွဲချက်မှမရှိဘဲ ၁၆ ရက်တာ ဖမ်းဆီးခံခဲ့ရသည့် ကာလအတွင်း အလ်-ကစ်ဒ်မှာ လက်ထိပ်ခြေထိပ်များ ခတ်ခံခဲ့ရကာ ရာဇတ်ဝတ်မှုကြီများ ကျူးလွန်ခဲ့သူများထားသည့် အကျဉ်းခန်းထဲတွင် ကိုယ်လုံးတီး ပစ်ထားခြင်း ခံခဲ့ရသည်။

ထိုအကျဉ်းခန်းမှ လွတ်မြောက်လာပြီးနေက် အလ်-ကစ်ဒ်၏ နိုင်ငံကူးလက်မှတ်အား ရုပ်သိမ်ခဲ့ကာ ပြည်တွင်းရှိ ပြည်နယ်လေးခုသို့ ခရီးသွားခွင့်ကိုလည်း ပိတ်ပင်ခဲ့သည်။ ထုိ့ပြင် ၎င်း၏ နေအိမ်ကိုလည်း ရဲတပ်ဖွဲ့က ပုံမှန်လာရောက်ကာ ရှာဖွေမှုများပြုလုပ်ပြီး နီဗာဒါနှင့် အီဒါဟိုရှိ သက်သေခံအရာရှိများထံသို့ တစ်လတစ်ခေါက် သွားရောက် လက်မှတ်ထိုးရသည်။

ဖမ်းဆီးစဉ်က မည်သည့်အကြောင်းပြချက်မှ မရှိခဲ့သော်လည်း ဇန်န၀ါရီ ၁၅ ရက်နေ့က အစိုးရမှ ပေးပို့သည့်စာတွင် ၎င်းမှာ ရာဇ၀တ်မှုအတွက် ဖမ်းဆီးခံရခြင်းမဟုတ်ဘဲ ဗီဇာလိမ်လည်မှုနှင့် မှားယွင်းသော သက်သေခံချက်များအတွက် တရားစွဲဆိုခံထားရသည့် ၎င်း၏ သူငယ်ချင်းဖြစ်သူ ဆာမိ အလ်-ဟူဆာယန်၏ အမှုတွင် ပါဝင်ပတ်သက်သူအဖြစ် သံသယရှိသောကြောင့် ဖမ်းဆီးခဲ့ခြင်းဖြစ်သည်ဟု ဖော်ပြခဲ့သည်။

ကစ်ဒ်မှာ အီဒါဟိုတွင် ဟူဆာယန်နှင့်တွဲ၍ အစ္စလာမ်ကူညီကယ်ဆယ်ရေးအဖွဲ့ကို ကူညီလုပ်ဆောင်ပေးနေသူဖြစ်ပြီး ဟူဆာယန်၏ အမှုတွင် ပါဝင်ပတ်သက်ခြင်းမရှိဟု ငြင်းဆိုခဲ့သည်။

“လူတွေက ကျွန်တော်ဟာ အကြမ်းဖက်သမားတစ်ယောက်ဖြစ်ရမယ်လို့ ပြောကြပါတယ်။ ဒါမျိုးမဟုတ်ဘူးဆိုတာ ကိုယ့်ကိုကိုယ် သိပါတယ်ဗျာ” ဟု ကစ်ဒ်က ပြောကြားခဲ့သည်။

ကန်ဆက်ပြည်နယ်တွင် မွေးဖွားခဲ့သည့် အလ်-ကစ်ဒ်မှာ ၁၉၉၀ ပြည့်နှစ်များတွင် အစ္စလာမ်သာသနာသို့ ပြောင်းလဲသက်ဝင်ခဲ့သူဖြစ်ပြီး ထိုနှစ်ပိုင်းတွင်ပင် အီဒါဟို တက္ကသိုလ်သို့ တက်ရောက်ခဲ့သည်။

မိသားစု ပျက်သုဉ်း

ထိုကဲ့သို့ မှားယွင်းစွာအကျဉ်းချထားမှုက အသက် ၄၁ နှစ်အရွယ် အလ်-ကစ်ဒ်၏ မိသားစုဘ၀အား ပျက်ဆီးစေခဲ့ပြီး ပညာတတ်တစ်ယောက်ဖြစ်သည့် ၎င်းမှာလည်း တက္ကစီဒရိုင်ဘာဘ၀အထိ ရောက်ခဲ့ရသည်။

“ဒါက ကျွန်တော်တို့မိသားစုကြားထဲမှာ စိတ်ဖိစီးမှုတွေ၊ ချုပ်ချယ်မှုတွေကို ဖြစ်စေခဲ့ပါတယ်။ နောက်ဆုံးမှာတော့ မိသားစု ပြိုကွဲခဲ့ရတာပါပဲ။ ကျွန်တော့်အိမ်ကို တစ်လတစ်ကြိမ်လာပြီး ရှာဖွေကြတယ်။ သိပ်စိတ်ပျက်စရာကောင်းတဲ့ ၀န်းကျင်ပါပဲ” ဟု အလ်-ကစ်ဒ်က ၎င်း၏ မိသားစုဘ၀နှင့်ပတ်သက်၍ ပြောကြားခဲ့သည်။

၉/၁၁ နောက်ပိုင်းတွင် အမေရိကန်မွတ်စလင်များမှာ မသင်္ကာမှုများဖြင့် ဖမ်းဆီးထိန်းသိမ်းခြင်ကို ခံခဲ့ရပြီး ညှင်းပန်းနှိပ်စက်မှုများကိုလည်း ခံခဲ့ရသည်။

ထိုကဲ့သို့ မှားယွင်းစွပ်စွဲခံရမှုကြောင့် အလ်-ကစ်ဒ်မှာ နစ်နာကြေး ကန်ဒေါ်လာ ၄၁၅၀၀၀ ရရှိခဲ့ပြီး လက်ရှိအချိန်တွင် ဆော်ဒီနိုင်ငံ၌ မိသားစုတစ်ခုတည်ဆောက်ကာ နေထိုင်လျက်ရှိနေသည်။

“ကျွန်တော့်ဘ၀ကို တစ်စချင်းစီ ပြန်လည်တည်ဆောက်နေပါတယ်” ဟု ၎င်းက ပြောကြားခဲ့သည်။

Ref: onislam